2 Samwelĩ 16:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Nʼomwami mwabũga ati, Nyiwite mwatsi wahi nenyũ ĩnywe bagala ba Zerũya kwehĩ? Amatsuma, kandi Omwami Mukulu amabya abirimubwira ati, Tsuma Dawĩdĩ; neryo nindi wasyabũga ati, Wamakola utya busana nakĩ kwehĩ?

2 Samwelĩ 16:10 Iomraidhean Croise

Enzũko 50:20

Kandi Ĩnywe mwaganĩraya eringola nabi, nĩkwa Nyamuhanga mwaganĩrya eribya bibuya erĩberererya omulamo busana nʼabandu bangi ngoko kiri mũnabwĩre.

2 Samwelĩ 19:22

Neryo Dawĩdĩ mwabũga ati, ko ngandikolakĩ nenyũ ĩnywe bagala ba Zerũya, muti mũnabwĩre mukabya nzĩgũ syage kwehĩ? Hane oyo wangĩtwa omo Ĩsraelĩ mũnabwĩre kwehĩ? Kusangwa Sĩnyasĩ ko ndi mwami wa Ĩsraelĩ mũnabwĩre kwehĩ?

2 Samwelĩ 19:23

Neryo omwami mwabwira Sĩmeĩ ati, sĩwendĩkwa. Neryo omwami mwamũlahĩrĩrya.

2 Samwelĩ 3:39

Kandi mũnabwĩre ĩngye nahwerekerere nomo nandi mwami oyo Nyamuhanga ayisoga; nʼabalume aba abagala ba Zerũya, banyĩremĩre. Omwami Mukulu ahembe omukola-nabi ngʼebibi biwe ko biri.

1 Abami 17:18

Neryo omũkalĩ mwabwira Elĩya ati, Uwe mundu wa Nyamuhanga, nĩkĩ omo katĩkatĩ ketu tunawe kwehĩ? Wabiriasa erireta erĩyĩbũkya ebibi byage, nʼerĩĩta mugala wage!

1 Abami 2:5

Nawe ũnasĩ nibya ebyo Yoabũ mugala wa Zerũya anyikola, bye nʼebyo akola abakulu babiri bʼemilondo ya Ĩsraelĩ, Abĩnerĩ mugala wa Nerĩ, na Amasa mugala wa Yeterĩ, abo ĩta, nʼerĩũta omusasi wʼamalwa oko mugulu wʼobuholo, nʼerĩhĩra omusasi wʼamalwa oko mukoba wuwe owabya omo mbindi yiwe, nʼomo ngendero siwe esyabya omo bisando biwe.

2 Abami 18:25

Na lino nabĩrĩhĩka erilwa na hano nʼerĩheryaho isingwite erĩsĩmwa lyʼOmwami Mukulu kwehĩ? Omwami Mukulu mwambwira ati, Uyalwe nʼekihugo ekĩ ũherayekyo.

Yobũ 9:12

Amapũra kindu, nindi wanganyĩkakĩrya kwehĩ? Nindi wangamũbũlya ati, Ukakolakĩ kwehĩ?

Esyonyimbo 39:9

Ngandibya bũkũtũ, sindiendĩbũga kĩnywa, Kusangwa ni we walekĩre.

Omũgambũlĩ 8:4

Kusangwa ekĩnywa kyʼOmwami kiwite ehamũlĩ, kandi nindi yo wasyamubwĩra ati, Ukakolakĩ kwehĩ?

Ekiriro 3:37

Nindi yũkabũga, ikyakoleka, Omugulu Omukama atetahanakyo kwehĩ?

Danĩelĩ 4:35

Nʼesyondũlanĩ syosĩ syʼekihugo sikaganzawa nga si kindu; naye akakola ngʼerisonda liwe omo milondo yʼelubula, nʼomo katĩkatĩ kʼesyondũlanĩ syʼekihugo; kandi sihali oyo wangakakĩrya ebyala biwe, kutse erĩmũbũlya ati, Ukayira uti?

Matayo 16:23

Nĩkwa Yesu mwakeba mwabũga na Petero ati, Uwe Satanĩ, ubye enyũma kwĩngye! Uli ndwĩkale yage kusangwa amalengekanĩa wawe si wa Nyamuhanga nĩkwa ni wʼabandu.

Matayo 8:29

Neryo lebaya, abandu abo mobalaka bati, Tuli na mwatsi wahi nawe, uwe Mugala wa Nyamuhanga, kwehĩ? Ũkahĩka hano erĩtwagalya embere wʼomugulu kwehĩ?

Yoane 18:11

Neryo Yesu mwabwira Petero ati, Hĩra omũyalĩ gʼomo lubo. Sindiendĩpũlya olũtehĩ lwʼamalĩge olo Tata abirimba kwehĩ?

AbanyaRoma 9:20

Nĩkwa uwendi kwehĩ, uti ũkakũbĩsanaya Nyamuhanga yʼobuhaka kwehĩ? Kwʼekikabumbawa kĩkanabũga nʼomũbũmbĩ kiti, Busana nakĩ ukanyibumba utya kwehĩ?

1 Petero 2:23

Kandi omugulu atsumawa, mwataswatsumabo, omugulu agalawa mwatũbahya, nĩkwa mwayĩhĩra omo byala byʼoyukatswera ebitunganene, ye Nyamuhanga.

1 Samwelĩ 26:19

Nĩkwa lino kĩsĩ-kĩsĩ nyiti, omukama wage mwami ahũlĩkĩrĩraye ebĩnywa byʼomugombe wuwe. Amabya Omwami Mukulu ĩyũkakũkola-kolaya erilwa nage, alĩge ehongo; nĩkwa bamabya ini bandu, batakirawe embere syʼOmwami Mukulu; kusangwa bamanyihiga mũnabwĩre bati sinangamakirirana nʼomwandu wʼOmwami Mukulu, bati, Ugende, ukolere esindi nyamuhanga.