2 Samwelĩ 16:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Kandi Dawĩdĩ abere abilaba oko singi yʼekitwa, Zĩba omugombe wa Mefĩbosetĩ mwahĩndana naye iniane nʼesyopunda ĩbĩrĩ ĩsĩnasesĩrwe, kandi ĩsĩhekĩre amandu magana abiri, nʼemisamo yũmĩre yʼebĩnyũ erĩgana, nʼebindi bĩgũma ĩgana byʼekipwa, nʼekihu kyʼebĩnyũ.

2 Samwelĩ 16:1 Iomraidhean Croise

2 Samwelĩ 15:30

Neryo Dawĩdĩ mwahetuka omo bwiruka bwʼeMĩzeĩtũnĩ, mwalira akahetuka; ĩnĩaswĩkĩre omutwe, mwagenda isiambite esyongendero. Nʼabandu bosĩ ababya haguma naye mobaswika emitwe yabo, mobahetuka, bakalira.

2 Samwelĩ 15:32

Neryo, omugulu Dawĩdĩ ahĩka omo singi aho Nyamuhanga abya akasabirwa, Hũsaĩ, Omũarũkĩ mwasa erĩhĩndana naye iniabiritulanga olukimba luwe, nʼomutaka iniane oko mutwe wuwe.

2 Samwelĩ 19:17

Kandi abya nʼabalume ba Benyamĩna haguma naye elfu nguma, (1,000) na Zĩba omugombe wʼekĩtũnga kya Saũlo, nʼabagala buwe ĩkũmĩ nʼabatanu nʼabagombe buwe makũmĩ abiri haguma naye; kandi mobasoka eYorodanĩ embere syʼOmwami.

2 Samwelĩ 19:32

Kandi Barzĩlaĩ abya mũsyakulu kutsibu, iniawite myaka makũmĩ munani; kandi abya ĩyũkahũkĩra omwami omugulu abya eMahanaĩmũ; kusangwa abya mundu munene kutsibu.

1 Emyatsi yʼEmigulu 12:40

Kandi ababya hakũhĩ nabo, erĩhĩka ewa Ĩsakarĩ na Zebũlũnĩ na Nafũtalĩ, mobaleta kalyo oko syopunda, nʼoko syongamia, nʼoko syonyumbu, nʼoko syonume syʼesyonde, ebyalya bingi, eyĩsyano, nʼebĩgũma byũmĩre byʼomũtĩnĩ, nʼebĩgũma byũmĩre byʼebĩnyũ, nʼebĩnyũ, nʼamagũta, nʼesyonume syʼesyonde, nʼesyombũlĩ, kusangwa habya obutseme ewʼAbaĩsraelĩ.

Emĩsyo 18:16

Olũsũnzo lwʼomundu lukamubanira omwanya, Lukamuleta embere syʼabandu bakulu.

Yeremĩa 40:10

Nĩkwa ĩngye, lebaya nasyĩkala eMĩsĩpa, eribahanganira embere syʼAbakaldea abakatũhĩkako. Nĩkwa ĩnywe, mwohe ebĩnyũ nʼebĩgũma byʼekirimo kyʼomwisi, nʼamagũta, mũhĩrebyo omo nyungu syenyũ, kandi mwĩkale omo mĩyĩ yenyũ eyo mwabĩrĩhũnga.

Yeremĩa 40:12

Neryo Abayũda bosĩ mobasubula bakalũa ehosĩ bahiyirawa, mobahĩka omo kihugo kyʼeYũda, nʼuku Gedalĩa, eMĩsĩpa, moboha ebĩnyũ nʼebĩgũma byʼekirimo kyʼomwisi ebingi kutsibu.

Amosĩ 8:1

Neryo Omukama, Omwami Mukulu mwanyĩkangya atya; neryo, lebaya, ihali ekĩbo kyʼebĩgũma byʼomugulu wʼengarayi.

Mĩka 7:1

Obũlĩge ũkwʼĩngye! Kusangwa nyiri ngʼabandu abakoha ebĩgũma byʼomugulu wʼekirimo, nʼabakoha ebĩnyũ; sihali kĩkũto kyʼebĩnyũ kyʼerirya, kutse ekĩgũma ekĩkatsũka eriera kyʼomũtĩnĩ ekyo nyanzĩre.

1 Samwelĩ 10:3

Neryo wasyaswagenda erĩlũa aho, wasyahĩka oko muti wʼeTerebĩntĩ wʼeTaborĩ; nʼaho wasyahĩndana nʼabalume basatu bakahetukira uku Nyamuhanga eBetelĩ, omuguma ĩnĩahekĩre ebyana bisatu byʼembene, nʼogundi ĩnĩahekĩre amandu asatu, nʼogundi ĩnĩahekĩre ebĩnyũ omo ngobĩ.

1 Samwelĩ 16:20

Neryo Yese mwĩmya epunda mwahekyayo amandu, nʼakasya kʼebĩnyũ, nʼekyana kyʼembene mwatumirabyo Saũlo haguma na mugala wuwe Dawĩdĩ.

1 Samwelĩ 25:18

Neryo Abĩgaĩlĩ mwanguha, mwĩmya mandu magana abiri (200), nʼehihanda hibiri hyʼebĩnyũ, nʼesyombũlĩ ĩtanu esĩsĩnzĩre, nʼesyondengĩ ĩtanu syʼengano ĩkalangĩre, nʼemikololo ĩgana yʼebĩnyũ (100), nʼemibumbo magana abiri yʼomũtĩnĩ, neryo mwahekyabyo esyopunda.