2 Samwelĩ 15:30 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁰ Neryo Dawĩdĩ mwahetuka omo bwiruka bwʼeMĩzeĩtũnĩ, mwalira akahetuka; ĩnĩaswĩkĩre omutwe, mwagenda isiambite esyongendero. Nʼabandu bosĩ ababya haguma naye mobaswika emitwe yabo, mobahetuka, bakalira.

2 Samwelĩ 15:30 Iomraidhean Croise

2 Samwelĩ 15:29

Neryo Zadoki na Abĩatarĩ mobasũbya erĩsandũko lya Nyamuhanga lyʼeYerũsalema kandi; mobĩkalayo.

2 Samwelĩ 19:4

Kandi omwami mwaswika obũsũ buwe, neryo omwami mwalira nʼomulenge munene, ati, Uwe mugala wage Abũsaloma, Uwe Abũsaloma mugala wage, mugala wage!

2 Samwelĩ 19:5

Neryo Yoabũ mwingira omo nyũmba ahali omwami, ati, Mũnabwĩre wabirihemula abagombe bawe bosĩ, ababĩrĩlamya engebe yawe mũnabwĩre, nʼengebe yʼabagala bawe nʼabali bawe, nʼengebe yʼabagala bawe nʼabali bawe, nʼengebe yʼabakalĩ bawe, nʼengebe yʼabahwekĩ bawe;

Esĩterĩ 6:12

Neryo Mordekayĩ mwasuba oko lũkyo lʼOmwami. Nĩkwa Hamanĩ mwagenda lũba oko nyũmba yiwe, inianemulira nʼomutwe wuwe ĩnĩaswĩkĩre.

Esyonyimbo 42:3

Ngalaka omo musibo nʼomo kiro, nʼemĩsonĩa ni kalyo kage; Esyonzĩgũ syage sĩkanyĩbũlaya emigulu yosĩ siti, Nyamuhanga wawe ali hahi?

Esyonyimbo 43:5

Nyĩkwĩre obũlĩge busana nakĩ kwehĩ? Busana nakĩ ngaganga-ganga kwehĩ? Ngandĩhĩra uku Nyamuhanga kwʼamaha, kandi ngandimupipa, Iye Omũlamya wage, na Nyamuhanga wage.

Ezekĩelĩ 24:17

Ũsĩmbe bũkũtũ-kũtũ, sumoleke omulenge busana nʼabaholĩ. Ubohe eki­tambara oko mutwe wawe, wambale ebiryato byawe oko bisando byawe, kandi suswike esyonderũ syawe, kandi sulye ebyalya byʼabandu.

Ezekĩelĩ 24:23

Nʼebitambara byenyũ byasyabya oko mitwe yenyũ, nʼebiryato byenyũ oko bisando byenyũ. Simwendisyalira kutse erĩsũsũmana. Nĩkwa mwasyabonda omo bibi byenyũ, kandi mwasyasĩmbanĩa.

Zekarĩa 14:4

Nʼebisando biwe byasyahangana oko kiro ekyo oko kitwa kyʼeMĩzeĩtũnĩ, ekiri embere syʼeYerũsalema ebwanga bwʼendata; nʼekitwa kyʼeMĩzeĩtũnĩ kyasyatulwa omo katĩkatĩ erĩlolya endata nʼerĩlolya eyĩkwa, busana nʼomusya munene kutsibu; nʼoluhande lwʼekitwa lwasyasegera erĩlolya elutambi lwʼendata, nʼolundi luhande lwakyo lwasyalolya elutambi lwʼeyĩkwa.

Matayo 5:4

Obutseme buli oko bali nʼobũlĩge, Nyamuhanga asyakĩranĩabo!

Luka 19:29

Neryo abere ahĩka hakũhĩ nʼeBetefage nʼeBetanĩa, hakũhĩ nʼekitwa ekikahulawa mo Mĩzeĩtũnĩ, mwatuma abiga buwe babiri,

Luka 19:37

Neryo Yesu abere ahĩka hakũhĩ nʼobwandagala bwʼekitwa kyʼeMĩzeĩtũnĩ, endeko yosĩ yʼabiga mobatsũka eripipa Nyamuhanga ibakatsema nʼeripipa Nyamuhanga nʼomulenge munene busana nʼebitiko-tiko byosĩ ebyo balolako,

Luka 19:41

Neryo abere ahĩka hakũhĩ nʼomũyĩ, mwalangirago nʼeriririra kugo,

Luka 21:37

Nĩkwa Yesu mwasiba ebiro ebyo ĩnĩakakangĩrĩraya omo Hekalũ. Nĩkwa bwanabya bwasonda erihumbera, ĩnĩalũamo nʼeriya oko Kitwa kyʼeMĩzeĩtũnĩ.

Luka 22:39

Neryo Yesu mwalũaho mwaya oko Kitwa kyʼeMĩzeĩtũnĩ ngoko anabya akakola; nʼabiga mobamukwama.

Emibiri 1:12

Neryo mobasuba eYerũsalema bakalũa oko kitwa ekikahulawa mo Zeĩtũnĩ, ekiri hakũhĩ nʼeYerũsalema ngʼekilometre kiguma.

AbanyaRoma 12:15

Mutseme haguma nʼabakatsema, mulire haguma nʼabakalira.

1 AbanyaKorinto 12:26

Neryo ekĩtsũko kiguma kyamagalwa, ebĩtsũko byosĩ bikagalawa haguma nakyo; kandi ekĩtsũko kiguma kyamasĩkĩbwa, ebĩtsũko byosĩ bikatsema haguma nakyo.