2 Samwelĩ 15:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Nĩkwa abagombe buwe bosĩ mobalaba hakũhĩ naye; nʼAbakeretĩ bosĩ, nʼAbapeletĩ bosĩ, nʼAbagĩtĩ bosĩ, abalume magana ndatu bakamukwama bakalũa eGatĩ, mobalabira embere syʼOmwami.

2 Samwelĩ 15:18 Iomraidhean Croise

2 Samwelĩ 15:17

Neryo omwami mwahuluka nʼabandu bosĩ haguma naye, nĩkwa mobahangana oko nyũmba yʼendũlĩ.

2 Samwelĩ 18:2

Neryo Dawĩdĩ mwahongokya abandu mo bihanda bisatu, ekihanda kiguma omo byala bya Yoabũ, nʼekindi kihanda omo byala bya Abĩsayĩ, omugala wa Zerũya, mugala wabo Yoabũ, nʼekyʼakasatu omo byala bya Ĩtaĩ, Omũgĩtĩ. Kandi omwami mwabwira abandu ati, Kwenene nage ngandigenda haguma nenyũ nibya.

2 Samwelĩ 20:23

Nĩkwa Yoabũ yo wabya mukulu wʼomulondo gosĩ wʼabasĩrĩkanĩ bʼeĨsraelĩ; na Benaya mugala wa Yehoyada abya mukulu wʼAbakeretĩ nʼAbapeletĩ;

2 Samwelĩ 20:7

Nʼabandu ba Yoabũ mobahuluka mobamukwama, nʼAbakeretĩ, nʼAbapeletĩ, nʼesyombangĩ syosĩ; mobalũa eYerũsalema, eriyakwama Seba mugala wa Bĩkũrĩ.

2 Samwelĩ 6:10

Neryo Dawĩdĩ mwatanza erĩhũmĩrya erĩsandũko lyʼOmwami Mukulu lyʼewuwe omo mũyĩ wa Dawĩdĩ; nĩkwa Dawĩdĩ mwalabyalyo luhande, mwatwalalyo omo nyũmba ya Obedĩ-edomũ Omũgĩtĩ.

2 Samwelĩ 8:18

Na Benaya mugala wa Yehoyada abya mukama wʼAbakeretĩ, nʼAbapeletĩ; nʼabagala ba Dawĩdĩ babya bamũsũbũkĩre.

1 Abami 1:38

Neryo omũhererĩ Zadokĩ nʼomũmĩnyererĩ Natana na Benaya mugala wa Yehoyada, nʼAbakeretĩ nʼAbapeletĩ mobandagala erĩyagendya Solomono oko nyumbu yʼomwami Dawĩdĩ, mobamuleta eGĩhonĩ.

1 Emyatsi yʼEmigulu 18:17

Na Benaya mugala wa Yehoyada abya mukulu wʼAbakeretĩ nʼAbapeletĩ; nʼabagala ba Dawĩdĩ babya bakulu abakatĩmba oko mwami.

1 Samwelĩ 23:13

Neryo Dawĩdĩ nʼabalume buwe, ababya nga magana ndatu, mobahangana mobalũa eKeĩla, mobagenda ehosĩ batoka eriya. Neryo mokyabwirwa Saũlo ko Dawĩdĩ abiribala akalũa eKeĩla; neryo mũmbya eriyamuhiga.

1 Samwelĩ 25:13

Na Dawĩdĩ mwabwira abalume buwe ati, Mũyĩkũndĩkeko obuli mundu omũyalĩ wuwe; na Dawĩdĩ naye mwayĩkũndĩkako mũyalĩ wuwe. Nʼabalume nga magana ani mobahetuka enyũma sya Dawĩdĩ; nʼamagana abiri mobasĩgala nʼebindu.

1 Samwelĩ 27:3

Na Dawĩdĩ mwĩkala haguma na Akĩsĩ eGatĩ, iye nʼabalume buwe, obuli mundu nʼekĩtũnga kiwe, ye Dawĩdĩ nʼabakalĩ buwe babiri, Ahĩnoamũ Omũyezreelĩ, na Abĩgaĩlĩ Omũkarmelĩ omũkalĩ wa Nabalĩ.

1 Samwelĩ 27:4

Neryo Saũlo mowa ambu Dawĩdĩ asagĩre eGatĩ; neryo mwataswamusonda-sondya.

1 Samwelĩ 30:1

Neryo omugulu Dawĩdĩ nʼabalume buwe bahĩka eZĩklagĩ oko kiro kyʼebisatu, Abamalekĩ ĩbamabĩhũnga ebwanga bwʼeNegevĩ nʼeZĩklagĩ, ĩbamabĩherya eZĩklagĩ nʼerĩhĩsyako omo muliro,

1 Samwelĩ 30:14

Motwayasambula eNegevĩ yʼAbanya Keretĩ, nʼekyʼAbayũda, nʼeNegevĩ ya Kalebũ; kandi motwahĩsya eZĩklagĩ.

1 Samwelĩ 30:9

Neryo Dawĩdĩ mwahongoka, iye nʼabalume buwe magana ndatu ababya haguma naye, mobahĩka oko lũsĩ lwʼeBesorĩ, aho abasĩgala enyũma bĩkala.