2 Samwelĩ 13:22 - AMASAKO ABOYTRTRE WA NYAMUHANGA AWAKAHULAWA MO BIBLIA

²² Neryo Abũsaloma mwatakanĩa na Amnonĩ bibuya kutse bibi; kusangwa Abũsaloma mwakwa Amnonĩ yʼobusu, kusangwa mwatsandya Tamarĩ mwali wabo.

2 Samwelĩ 13:22 Iomraidhean Croise

Enzũko 24:50

Neryo Labanĩ na Betwelĩ mobasũbya bati, Ekĩnywa ekĩ kĩkalũa oko Mwami Mukulu. Sitwangatoka erikubwira kĩnywa kibi kutse kibuya.

Enzũko 31:24

Kandi Nyamuhanga mwahĩka uku Labanĩ Omunya Sũrĩa, omo nzolĩ omo kiro, mwabũga naye ati, Ũyĩtegaye ĩsĩwabũga ekibuya kutse ekibi uku Yakobo.

Enzũko 31:29

Obũtokĩ buli omo byala byage erikukola nabi, nĩkwa Nyamuhanga wa tata wawe mwambwĩre mũlĩgolo omo kiro ati, Ũyĩtegaye sũbũge na Yakobo ekĩnywa kibuya kutse kibi.

2 Samwelĩ 13:21

Nĩkwa omugulu Dawĩdĩ omwami owa emyatsi eyĩ, mwahitana kutsibu.

Emĩsyo 10:18

Oyũkabĩsa obusu ni wʼemĩnywa yʼeribiha: Nʼoyũkasĩngĩsĩraya nĩ mũkĩrũ.

Emĩsyo 25:9

Ũkanaye omwatsi wawe haguma na mũlĩkyenyũ ĩyowene, Nĩkwa sũbĩsũle ekĩbĩsĩre kyʼogundi.

Emĩsyo 26:24

Oyũkakwa ekĩnĩga akateba omo mĩnywa yiwe; Nĩkwa akabika eriteba omwisi wuwe.

Emĩsyo 26:26

Nomo bũsũ buwe bwangayiswika amatebo, Ebibi biwe byasyamĩnyĩkalĩbwa embere syʼendeko.

Omũgambũlĩ 7:9

Siwanguhe omo kĩrĩmũ kyawe erihitana, kusangwa erihitana lĩkere omo kĩkũba kyʼabakĩrũ.

Matayo 18:15

Kandi mũlĩkyenyũ amakukola nabi, ugende umukunge, uwe naye ĩnywebene. Amakowa, iwamabiswabana mũlĩkyenyũ.

AbanyaEfeso 4:26

Mwamahitana isimwakola ebibi, simuleke eryuba likalenga imunahitene.

AbanyaEfeso 4:31

Muguse hali erikaliha lyosĩ, nʼeryagalirwa lyosĩ, muleke olukanda, nʼebĩtsũmĩ byosĩ, haguma nʼerĩkĩsya lyosĩ.

1 Yoane 2:11

Nĩkwa Oyũkakwa mũlĩkyabo yʼobusu, ali omo mwĩrĩmya, kandi akalendera omo mwĩrĩmya, ĩsĩasĩ eyo akaya, kusangwa omwĩrĩmya abirimuyira mo ndĩma-tĩme.

1 Yoane 2:9

Oyũkabũga ati akalendera omo kyakakala, nĩkwa akakwa mũlĩkyabo yʼobusu anemulendera omo mwĩrĩmya erĩhĩka lino.

1 Yoane 3:10

Ũmwʼekĩ abana ba Nyamuhanga nʼabana bʼeSatanĩ baminyikere. Oyutekola ebitunganene, kutse omundu Oyũtanzĩre mũlĩkyabo, abo si bana ba Nyamuhanga!

1 Yoane 3:12

Situbye nga Kaĩna, oyo wabya wʼOmubi Oyo, neryo mwĩta mulumuna wuwe. Neryo mwamwĩta busana nakĩ kwehĩ? Kusangwa emĩbĩrĩ ya Kaĩna yabya mibi, nĩkwa eya mulumuna wuwe yabya itunganene.

1 Yoane 3:15

Obuli mundu Oyũkakwa mũlĩkyabo yʼobusu nĩ mwĩtĩ, kandi mũnasĩ ko hate mwĩtĩ oyuwite engebe yʼerikota omwisi wuwe.