2 Samwelĩ 13:19 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁹ Neryo Tamarĩ mwahĩra erĩbũ oko mutwe wuwe, mwasatangya olukimba lwʼebitanga-bitanga olo abya ambite; kandi mwahĩra ebyala oko mutwe wuwe, mwayigendera akalira.

2 Samwelĩ 13:19 Iomraidhean Croise

Enzũko 37:29

Neryo Rũbenĩ mwasuba oko buhya obo, nĩkwa Yosefũ isiali omo buhya. Neryo mwatulanga esyongimba siwe.

2 Samwelĩ 1:11

Neryo Dawĩdĩ mwawata omo ngimba siwe, mwatulangasyo; nʼabalume bosĩ ababya haguma naye mobayira batya.

2 Samwelĩ 1:2

Oko kiro kyʼakasatu, lebaya, omundu mwalũa omo kilaliriro kya Saũlo, nʼesyongimba ĩsĩtũlangĩkĩre, nʼerĩtaka oko mutwe wuwe; neryo abere ahĩka eyiri Dawĩdĩ, mwawa ahisi, mwamũnamira.

2 Samwelĩ 13:20

Neryo Abũsaloma mugala wabo mwamũbũlya ati, Amnonĩ, mugala wenyũ, abĩrĩkwĩmya kwehĩ? Nĩkwa lino ubye bũkũtũ mwali wetu; iye ni mugala wenyũ; Sũhĩre omwatsi oyũ gʼomo mutima. Na Tamarĩ mwĩkala omo nyũmba ya mugala wabo ngʼomũtsandĩrya.

Esĩterĩ 4:1

Neryo omugulu Mordekayĩ aminya ebyosĩ ebyakolawa, Mordekayĩ mwatulanga esyongimba siwe, mwambala emisarandwe nʼerĩyĩhĩrako erĩbũ, neryo mwaya omo katĩkatĩ kʼomũyĩ, mwalira nʼomulenge munene nʼekiriro kinene.

Yobũ 2:12

Neryo babere bakine hali; mobalangira Yobũ, nĩkwa mobatamuminya, mobasumba emirenge yabo, mobalira; mobasatya obuli mundu ekanzu yiwe, mobalagalĩrya olũtũtũ oko mitwe yabo erĩlolyalo omo kyanya.

Yobũ 42:6

Busana nʼekyo namaleka ebyosĩ ebyo; Namayiswekera omo lũtũtũ nʼomwʼĩbũ.

Yeremĩa 2:37

Wasyalũa hano, ebyala byawe ibine oko mutwe wawe. Kusangwa Omwami Mukulu abirigana abo wayiketera, kandi siwendisyagasakĩ haguma nabo.

Yosũa 7:6

Na Yosũa mwasatangya esyongimba siwe, mwatũlama ahisi oko bũsũ buwe embere wʼerĩsandũko lyʼOmwami Mukulu erĩhĩka omwʼĩgolo-golo, iyenʼabakulu ba Ĩsraelĩ; mobahĩra omukunga omo mitwe yabo.

1 Samwelĩ 4:12

Neryo omundu wa Benyamĩna mwatibita akalũa omo mulondo, mwahĩka eSĩlo ekiro ekyo kisa-kisa, nʼesyongimba siwe ĩsĩsatangĩrye nʼolũtũtũ oko mutwe wuwe.