2 Samwelĩ 12:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Busana nakĩ wabiripona ekĩnywa kyʼOmwami Mukulu, erikola ekiri kibi omo meso wuwe kwehĩ? Wabĩrĩta Ũrĩa Omũhĩtĩ omo mũyalĩ, kandi wabĩrĩmya omũkalĩ wuwe eribya mũkalĩ wawe, kandi wabĩrĩmwĩta omo mũyalĩ wʼabana ba Amonĩ.

2 Samwelĩ 12:9 Iomraidhean Croise

2 Samwelĩ 11:4

Neryo Dawĩdĩ mwatuma abakwenda erimwenda, neryo mwamwĩmya; nʼomugulu ahĩka omuwe, mwagotsera naye; neryo abere abĩyerya oko bũtũndĩrya buwe, Batĩseba mwasuba omo nyũmba yiwe.

2 Samwelĩ 12:10

Nĩkwa lino omũyalĩ sĩendĩsyalũa omo nyũmba yawe na kera, kusangwa wabirinyipona, ĩwabĩrĩmya omũkalĩ wa Ũrĩa Omũhĩtĩ eribya mũkalĩ wawe.

2 Samwelĩ 16:7

Kandi Sĩmeĩ, mwabũga akatsuma ati, Ũlũaho, Ũlũaho, uwe mundu wʼomusasi, nʼomundu mutya-mutya.

1 Abami 15:5

kusangwa Dawĩdĩ mwakola ekitunganene omo meso wʼOmwami Mukulu mwatakitira ehandi erĩsĩga kindu nʼekiguma oko byosĩ amuhana ebiro byosĩ byʼeribyaho liwe, go nʼomwatsi wa Ũrĩa Omũhĩtĩ.

1 Abami 21:19

Kandi Wasyamubwira uti, Omwami Mukulu akabũga ati, Wabĩrĩta, kandi wabĩrĩsĩgalya kwehĩ? Kandi Wasyamubwira uti, Omwami Mukulu akabũga, ati, Aho esyombwa syalyatsirira omusasi wa Nabotĩ, esyombwa syasyalyatsirira nʼomusasi wawe wʼaho.

2 Emyatsi yʼEmigulu 33:6

Nibya mwalabya abana buwe omo muliro omo musya wa Benĩ-hĩnomũ; kandi mwabya akalagula omo myatsi yʼekyanya, kandi mwakola omo syongĩsa, nʼerilagula, mwagenda oko bʼesyombĩnga, nʼeriya oko bakũmũ; mwakola ebibi bingi omo meso wʼOmwami Mukulu, erĩmũhĩtanĩa.

Esyonyimbo 51:14

Ũbalaye engebe yage, uwe Nyamuhanga, Nyamuhanga Omũlamya wage; Nage ngandĩkanganĩa eritunganene ryawe.

Esyonyimbo 51:16

Sĩwanzĩre amahere, kite kitya kumbe namakuhago; Sulitsemera amahere wʼerĩokererya.

Esyonyimbo 51:4

Nabirikola nabi ukʼuwe, ũgũwene, Nabirikola ebĩkakũhĩtanaya. Neryo utunganene erinyitswera, Uli nʼerĩbanza erĩnyĩsĩnga.

Esyonyimbo 90:8

Ũkahĩra ebibi byetu embere syawe, Nʼebibi byetu ebĩbĩsamĩre ũkahĩrabyo aho ukalangirabyo.

Emĩsyo 14:2

Oyukalendera omo butunganene buwe akubaha Omwami Mukulu; Nĩkwa oyukahengema omo nzira siwe akamupona.

Ĩsaya 5:24

Neryo ngʼekirimi kyʼomuliro ko kikalya esyombuba, kandi ngʼobunyatsi bũmĩre bukawa omo kirimi kyʼomuliro, ko mũlĩhĩ wabo asyabya ngʼerihonda, nʼomusanga wabo asyaguluka ngʼolũtũtũ. Kusangwa babirigana emigambo yʼOmwami Mukulu wʼemilondo, kandi babiripona ekĩnywa kyʼOyũbũyĩrĩre wa Ĩsraelĩ.

Yeremĩa 18:10

Bamakola ekibi omo meso wage, isibekenga omulenge wage, neryo nasyaleka ebibuya ebyo nalaga eritsumulabo.

Amosĩ 2:4

Omwami Mukulu akabũga ati, Busana nʼamalolo asatu wʼeYũda, ega, busana nʼawani, sindiendisyakakĩrya erisuyira lyako, kusangwa babirigana emigambo yʼOmwami Mukulu, kandi sĩbetateya emigambo yiwe, nʼamabehĩ wabo abĩrĩtalyabo, amabehĩ, ebyo abotata-kulu wabo bakwama.

1 Samwelĩ 15:19

Neryo busana nakĩ mũtowa omulenge wʼOmwami Mukulu, nĩkwa mowahahũkĩra ebinyegwa, nʼerikola ekyabya kibi omo meso wʼOmwami Mukulu kwehĩ?

1 Samwelĩ 15:23

Kusangwa erĩlolo lyʼepono liri ngʼerĩlolo lyʼobulagu, nʼobutabwirika buli ngʼebibi nʼerisaba esyosanamu. Kusangwa wabirigana ekĩnywa kyʼOmwami Mukulu, naye abirikugana ati, Susyebya mwami.

1 Samwelĩ 15:26

Nĩkwa Samwelĩ mwabũga na Saũlo ati, Sindiendiswasuba haguma nawe; kusangwa wabirigana ekĩnywa kyʼOmwami Mukulu, nʼOmwami Mukulu abirikugana eribya mwami wʼAbaĩsraelĩ.