2 Samwelĩ 12:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Neryo Dawĩdĩ mwasaba Nyamuhanga busana nʼomwana oyo; kandi Dawĩdĩ mwatsira kalyo, mwingira omwiwe eriyagotsera ahisi oko kitaka ekiro kyosĩ ekyo.

2 Samwelĩ 12:16 Iomraidhean Croise

2 Samwelĩ 12:15

Neryo Natana mwasuba ewuwe. Neryo Omwami Mukulu mwaswĩrya omwana oyo mũkalĩ wa Ũrĩa abutira Dawĩdĩ yʼomo ndwala, neryo mwalwala kutsibu.

2 Samwelĩ 12:22

Naye mwabũga ati, Omugulu omwana akiriho, monatsira kalyo nʼeririra, kusangwa nabũga nyiti, Nindi wasĩ Omwami Mukulu kwʼangananyiganyira, nʼomwana iniabyaho kwehĩ?

2 Samwelĩ 13:31

Neryo omwami mwahangana, mwasatangya esyongimba siwe, mwagotsera ahisi; nʼabagombe buwe bosĩ mobamuhanganako luhande ĩbamabĩsatangya esyongimba syabo.

1 Abami 21:27

Neryo omugulu Ahabũ owa ebĩnywa ebyo, mwasatangya esyongimba siwe, mwambala emisarandwe oko mubiri wuwe, mwatsira akalyo mwagotsera nʼemisarandwe, mwagenda nʼobũlĩge.

Nehemĩa 1:4

Neryo omugulu nowa ebĩnywa ebĩ, monĩkala ahisi nʼerĩtogongya emĩsonĩa, nʼeririra, oko biro ebyo; monatsira kalyo nʼerisaba embere sya Nyamuhanga wʼelubula.

Esĩterĩ 4:16

Ugende, ũhĩndanaye Abayũda bosĩ abali eSũsa, mutsire akalyo busana nage, simulye kutse erĩpũlya oko biro bisatu omo musibo nʼomo kiro; nage nʼabana-bato bage tukanditsira akalyo tutya; neryo ko nasyaya nyitya eyiri omwami, erite ngʼemigambo; neryo namahola, inahola.

Esyonyimbo 50:15

Unyilakire omugulu obũlĩge bũkahĩka; Nasyakũlamya, nawe wasyanyipipa.

Esyonyimbo 69:10

Ngayĩkehaya omwʼitsira akalyo, Neryo abandu bakanyitsuma;

Ĩsaya 22:12

Neryo oko kiro ekyo Omukama, Omwami Mukulu wʼemilondo, mwababirikira eririra, nʼerĩsũsũmana, nʼerĩsĩsa omutwe, nʼeriambala emisarandwe.

Ĩsaya 26:16

Uwe Mwami Mukulu, mobakusondasonda omo bũlĩge. Mobasaba omo bihwehwe omugulu erikunga lyawe lyabya kubo.

Danĩelĩ 6:18

Neryo omwami mwaya omo nyũmba yiwe mwatsira akalyo erĩhĩka okwʼikya; kutse amalimba mwataletwa embere siwe; nʼotũgotserĩ tuwe motwamugana.

Danĩelĩ 9:3

Neryo monalolya obũsũ bwage oko Mwami Mukulu Nyamuhanga, erĩmũsondya busana nʼerisaba nʼerilaka, haguma nʼeritsira akalyo nʼeriambala emitole nʼerĩbũ.

Yona 3:9

Nindi wasĩ Nyamuhanga ngʼanganabinduka nʼeriyisubako, nʼerireka erihitana liwe lĩkalĩre, itutahera kwehĩ?

Emibiri 9:9

Neryo oko biro bisatu mwatatoka erilangira, kutse mwatalya kutse erĩpũlya kindu.

Yosũa 7:6

Na Yosũa mwasatangya esyongimba siwe, mwatũlama ahisi oko bũsũ buwe embere wʼerĩsandũko lyʼOmwami Mukulu erĩhĩka omwʼĩgolo-golo, iyenʼabakulu ba Ĩsraelĩ; mobahĩra omukunga omo mitwe yabo.