2 Samwelĩ 12:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Neryo Dawĩdĩ mwabwira Natana, ati, Nabĩrĩhalya oko Mwami Mukulu. Kandi Natana mwabwira Dawĩdĩ ati, Omwami Mukulu abĩrĩlũsya ekibi kyawe; siwendisyahola.

2 Samwelĩ 12:13 Iomraidhean Croise

Emĩsyo 28:13

Oyũkakũnĩngĩra ebibi biwe siendĩsyowana; Nĩkwa oyũkakangayabyo nʼerirekabyo asyabana eriganyirwa.

Esyonyimbo 51:4

Nabirikola nabi ukʼuwe, ũgũwene, Nabirikola ebĩkakũhĩtanaya. Neryo utunganene erinyitswera, Uli nʼerĩbanza erĩnyĩsĩnga.

2 Samwelĩ 24:10

Neryo omutima wa Dawĩdĩ mwasĩsĩra enyũma wʼeriganza bandu. Neryo Dawĩdĩ mwabwira Omwami Mukulu ati, Nahalĩrye kutsibu oko byo nakolĩre; nĩkwa lino kĩsĩ-kĩsĩ Uwe Mwami Mukulu ubuyire amalolo wʼomugombe wawe; kusangwa nabirikola obũkĩrũ bo kutsibu.

Zekarĩa 3:4

Naye mwasũbĩrya mwabũga nʼababya bahangene embere siwe, ati, Mumwambule kwʼesyongimba esĩtũnda-tũndĩre. Neryo mwamubwira ati, Lebaya, Nabirikutendula kwʼamalolo wawe, nage ngandĩkwambalya esyongimba syʼobukama.

Luka 15:21

Neryo omwana oyo mwabũga ati, Tata, nabĩrĩhalya embere sya Nyamuhanga nʼembere syawe; sinyikitolere eriahulwa mo mwana wawe.

1 Samwelĩ 15:30

Neryo Saũlo mwabũga ati, Namabĩhalya, nĩkwa kĩsĩ-kĩsĩ lino, ũnyĩsĩkaye embere syʼabakulu bʼomo bandu bage, nʼembere syʼAbaĩsraelĩ, uswesuba haguma nage, inatoka erĩramya Omwami Mukulu ye Nyamuhanga wawe.

Abalawĩ 20:10

Nʼomundu oyũkasĩngĩra omũkalĩ wʼogundi mundu, nʼoyũkasĩngĩra omũkalĩ wa mwĩra wuwe, omũtetĩ wʼobulume nʼomũtetĩ wʼobũkalĩ kwenene basyĩtwa.

Eribisurirwa 1:5

kandi bĩkalũa uku Yesu Kristo, omũtũlĩ wʼomwatsi oyuteregula, Omugala, akambere oyo walũbũkĩbawa oko luholo, omũtabalĩ, wʼabami bʼekihugo. Ukwʼoyukatwanza, kandi yo watubohola oko bibi byetu omo musasi wuwe,

AbaEbrania 9:26

Kumbe Kristo ngʼabiriagalwa ngendo nyingi erĩtsũka ekiro ekihugo kyahangikawa nʼerĩhĩka lino. Nĩkwa lino oko ndũlĩ yʼemigulu, abiriminyikala ngendo nguma eriyiha busana nʼerĩlũsya ebibi.

1 Yoane 1:7

Nĩkwa emibere yetu yamabya yʼekyakakala ngoko Kristo ali omo kyakakala, tukabya haguma omo buguma, nʼomusasi wa Yesu Omugala wa Nyamuhanga akatweraya kwʼebibi byosĩ.

Emibiri 2:37

Neryo omugulu abandu bowa ebĩ, mobabya nʼobũlĩge bunene, mobabwira Petero nʼabandi bakwenda bati, Balĩkyetu, tuyire tuti kwehĩ?

Matayo 14:10

Neryo mwatuma omundu erĩyatwa omutwe wa Yoane omo nyũmba yʼomũlĩkĩ.

Ekiriro 3:32

Nomo angamwagalĩranĩa, Nĩkwa asyaganyira ngʼobungi bwʼerisasira liwe.

Ĩsaya 44:22

Nabirisangula ebibi byawe ngʼekĩtũ kinene, nʼamalolo wawe ngʼobuheha bũlĩtohĩre. Unyisubeko, kusangwa nabĩrĩkũtongolya.

Ĩsaya 43:24

Sulitanyigulira ebĩsĩhĩre oko franka, kutse sũlĩtanyũgũtya omo bĩsabũ byʼamahere wawe. Nĩkwa mwabĩrĩnyĩrĩtohya omo bibi byenyũ, mwabĩrĩnyĩlũhya omo malolo wenyũ.

Ĩsaya 38:17

Lebaya, busana nʼobuholo monabya nʼerĩsĩrĩkalira lingi. Ni we wabiribika omutima wage eritendibya omo buhya bwa busa. Kusangwa wabirigusa ebibi byage byosĩ enyũma syʼomugongo wawe.

Emĩsyo 25:12

Ngʼembũka yʼesyamagetsi yʼomo kũtũ, Nʼeriyisitika omo syamagetsi esĩtũkwĩre. Kwʼali atya oyukakunga oko kũtũ kwʼerĩowa.

Esyonyimbo 51:16

Sĩwanzĩre amahere, kite kitya kumbe namakuhago; Sulitsemera amahere wʼerĩokererya.

Yobũ 33:27

Asyimbira embere syʼabandu ati, Nabĩrĩhalya, nabiribindula nabi ekyabya kitunganene, Nakyo sikinyitolere.

2 Emyatsi yʼEmigulu 25:16

Neryo omugulu abya akabũga naye, omwami mwamubwira ati, Twabĩrĩkũhĩra oko bahanĩ bʼomwami kwehĩ? Uhune! Ukasonda erĩkwa busana nakĩ kwehĩ? Neryo omũmĩnyereri mwahuna mwabũga ati, Nyĩnasĩ ko Nyamuhanga abĩrĩganĩrya erĩkũherya, kusangwa wabirikola ekĩ, kandi sũlĩtowa erihana lyage.

2 Emyatsi yʼEmigulu 16:10

Neryo Asa mwahitana oko mũhanĩ, mwamũhĩra omo nyũmba yʼomũlĩkĩ; kusangwa abya amuhiteneko kutsibu busana nʼomwatsi oyũ. Kandi Asa mwanũbya abandi bandu oko mugulu oyo.

2 Abami 1:9

Neryo omwami mwatuma ukwʼiye omukulu wʼamakũmĩ atanu haguma nʼamakũmĩ atanu wuwe. Naye mwahetukira eyo abya; neryo lebaya, abya ĩkere endata oko kitwa. Neryo mwamubwira ati, Uwe mundu wa Nyamuhanga, omwami ati, Wandagale.

1 Abami 22:8

Nʼomwami wʼAbaĩsraelĩ mwabwira Yehosafatĩ ati, Hakine mundu muguma wangatũbũlĩrya Omwami Mukulu, ye Mĩkaya mugala wa Ĩmũla; nĩkwa nyĩmũponĩre; kusangwa sialiminyerera ebibuya busana nage, bye nʼebibi. Na Yehosafatĩ mwabũga ati, Omwami sĩabũge atya.

1 Abami 21:20

Na Ahabũ mwabwira Elĩya, ati, Wabĩrĩnyeya uwe nzĩgũ yage kwehĩ? Naye mwasũbĩrya ati, Nabĩrĩkweya kusangwa wabĩrĩyĩgũlya erikola ekibi omo meso wʼOmwami Mukulu.

1 Abami 13:4

Neryo, omugulu omwami owa ebĩnywa byʼomundu wa Nyamuhanga, ebyo abirikirira oko kiherero eBetelĩ, neryo Yeroboamũ mwasumba ebyala biwe oko kiherero ati, Mumuhambe. Nĩkwa ebyala biwe ebyo amũkanganayamo mobyumirira, mwatatoka erĩyĩsũbya byoko.

1 Samwelĩ 15:20

Na Saũlo mwabwira Samwelĩ, ati, Ega, monowa omulenge wʼOmwami Mukulu, nabirikwama enzira eyo Mwami Mukulu anyitumamo, kandi nabirireta Agagĩ omwami wʼAbamalekĩ, kandi nabĩrĩherya kũndũ Abamalekĩ.

Abalawĩ 24:17

Nʼoyũkaswĩraya omundu neryo akahola kwenene asyĩtwa.

Luka 18:13

Nĩkwa omũsolesya mwimana hali, mwatalolya obũsũ buwe bwʼelubula, nĩkwa mwahumanga oko kĩkũba kiwe ati, Nyamuhanga, unyiganyire, ĩngye mukola-nabi!

Enzũko 39:9

Sihali mundu oyũndabĩreko omo nyũmba eyĩ, kutse sialitanyikaga kindu nina we, kusangwa uli mũkalĩ wuwe. Neryo nangakola erĩlolo lingaha erĩ ryo nyiti, nʼerĩhalya uku Nyamuhanga kwehĩ?

1 Emyatsi yʼEmigulu 21:8

Na Dawĩdĩ mwabwira Nyamuhanga ati, Nabĩrĩhalya kutsibu, kusangwa nabirikola omwatsi oyũ; nĩkwa lino kĩsĩ-kĩsĩ ũlũsaye ebibi byʼomugombe wawe; kusangwa nabirikola omo bũkĩrũ kutsibu.

Esyonyimbo 103:12

Ngoko endata iri hali kwʼeyĩkwa, Abĩrĩlũsya ebibi byetu byo hali kwĩtwe atya.

Erĩlũayo 9:27

Neryo Farao mwatuma eribirikira Musa na Harũnĩ, mwabwirabo ati, Lero nakolĩre nabi Omwami Mukulu ni wʼeritunganene, ĩngye nʼabandu bage tuli babi.

2 Samwelĩ 24:17

Neryo Dawĩdĩ mwabũga nʼOmwami Mukulu omugulu alangira omũlaĩka akaswĩrya bandu, ati, Lebaya, nabĩrĩhalya, kandi nabirikola ekibi; nĩkwa esyombũlĩ esĩ, syakolĩrekĩ kwehĩ? kĩsĩ-kĩsĩ nyiti, ebyala byawe bilwe nage, bibye oko kĩtũnga kya tata wage.

Esyonyimbo 51:6

Ukasonda omutima owateregula; Ũsũlaye obũlengekanĩa bwage omo menge wawe.