12 Kusangwa uwe wakolakyo bũbĩso-bĩso; nĩkwa ĩngye nasyakola omwatsi oyo embere syʼAbaĩsraelĩ bosĩ, omwʼitungi.
Neryo mobabambira Abũsaloma yʼehema endata wʼenyũmba, neryo Abũsaloma mwingira oko bahwekĩ bʼĩse wuwe omo meso wʼAbaĩsraelĩ bosĩ.
Neryo omũkalĩ wage aswere ogundi, Nʼabandi bakũkame embere siwe.
Sihali omwĩrĩmya, kutse ekyũtsũtsũ. Aho abakola-nabi bangayĩbĩsa.
Kusangwa Nyamuhanga asyaleta obuli mũbĩrĩ okwʼitswerwa, haguma nʼobuli kindu kĩbĩsamĩre, kutse kyamabya kyowene, kutse kyamabya kiri kibi.
Neryo Simubye mukatswera omundu embere wʼomugulu owatolere, omugulu Omukama asyasa, iye asyahũlũkya omo kyakakala emyatsi eyĩbĩsamĩre omo mwĩrĩmya, kandi asyamĩnyĩkalya erĩyĩsũnza lyʼemitima yʼabandu. Neryo obuli mundu asyabana eripipwa na Nyamuhanga.