2 Samwelĩ 12:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Nĩkwa lino omũyalĩ sĩendĩsyalũa omo nyũmba yawe na kera, kusangwa wabirinyipona, ĩwabĩrĩmya omũkalĩ wa Ũrĩa Omũhĩtĩ eribya mũkalĩ wawe.

2 Samwelĩ 12:10 Iomraidhean Croise

Enzũko 20:3

Nĩkwa Nyamuhanga mwahĩka uku Abĩmelekĩ omo nzolĩ omo kiro, mwamubwira ati, Lebaya, uli mũholĩ, busana nʼomũkalĩ oyo wabĩrĩĩmya kusangwa nĩ mũkalĩ wabene.

2 Samwelĩ 18:33

Nʼomwami mwĩkĩkana kutsibu, mwahetukira omo nyũmba yʼendata oko lũkyo, neryo mwalira. Nʼomugulu abya akagenda, mwabũga ati, Uwe mugala wage Abũsaloma, mugala wage! mugala wage Abũsaloma! Kumbe ĩngye ndiahola butsira we, Uwe Abũsaloma, mugala wage, mugala wage!

1 Abami 15:5

kusangwa Dawĩdĩ mwakola ekitunganene omo meso wʼOmwami Mukulu mwatakitira ehandi erĩsĩga kindu nʼekiguma oko byosĩ amuhana ebiro byosĩ byʼeribyaho liwe, go nʼomwatsi wa Ũrĩa Omũhĩtĩ.

Emĩsyo 17:13

Oyũkatũhũlaya ebibi busana nʼebibuya Ekibi sikyendĩsyalũa omo nyũmba yiwe.

Amosĩ 7:9

Kandi ahʼendata ha Ĩsaka hasyabya kĩma, nʼahabũyĩrĩre ha Ĩsraelĩ hasyatsandĩbwa; nage nasyahangana nʼerilwa nʼekĩtũnga kya Yeroboamũ omo mũyalĩ.

Emiganzo 11:20

nĩkwa omukera muguma gosĩ, erĩhĩka aho syasyahulukira omo mihuli yenyũ, kandi syasyabagamba; kusangwa mwabirigana Omwami Mukulu oyuli omo katĩkatĩ kenyũ, imwabiriririra embere siwe muti, Busana nakĩ twalũa eMĩsĩrĩ kwehĩ?

Matayo 26:52

Neryo Yesu mwabũga naye ati, Sũbaya omũyalĩ gʼomo lubo lwago; kusangwa abosĩ abakawata oko mũyalĩ, basyahera omo mũyalĩ.

Matayo 6:24

Sihali mundu oyo wangatoka erikolera abakama babiri; kusangwa asyakwa omuguma yʼobusu, nʼerianza ogundi. Kutse asyabegera oko muguma, iniapona ogundi. Simwangatoka erikolera Nyamuhanga nʼebindu.

AbanyaRoma 2:4

Kutse ukapona obubuya buwe bunene, nʼerisasira liwe, nʼeririndirira liwe kwehĩ? Sĩwasĩ ngoko bubuya bwa Nyamuhanga bũkakũkolaya okwʼibindula omutima nʼerireka ebibi kwehĩ?

1 AbanyaTesalonika 4:8

Neryo oyukagana erĩkangĩrĩrya erĩ, Sialigana bandu, nĩkwa akagana Nyamuhanga oyukabaha Omũlĩmũ Abũyĩrĩre.

1 Samwelĩ 2:30

Neryo Omwami Mukulu, Nyamuhanga wa Ĩsraelĩ ati, Kwenene monabũga nyiti ekĩtũnga kyawe, nʼekĩtũnga kya tata wawe, kyasyalendera embere syage emigulu yosĩ; nĩkwa lino Omwami Mukulu ati, Kinyihigukaleko. Kusangwa abakanyĩsĩkaya nasyasĩkyabo, nʼabakanyipona sĩbendĩsyasĩmwa ndeke.