2 Samwelĩ 10:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Nĩkwa Abasũrĩa mobasaga embere sya Ĩsraelĩ; na Dawĩdĩ mwĩta oko Basũrĩa ko bandu bʼesyogalĩ magana alinda (700), nʼabakagenda oko syosabayĩrĩ makũmĩ ani (40,000), kandi mwĩta Sobakĩ omũsondolĩ wʼomulondo wabo, neryo mwaholera aho.

2 Samwelĩ 10:18 Iomraidhean Croise

2 Samwelĩ 10:17

Dawĩdĩ mwabwirwa; naye mwahĩndanĩa Abaĩsraelĩ bosĩ bo haguma, mobasoka eYorodanĩ mobahĩka eHelamũ. Kandi Abasũrĩa mobateka endwiro erilwa na Dawĩdĩ, mobalwa naye.

2 Samwelĩ 8:4

Kandi Dawĩdĩ mwamusagula abakagendaya esyosabayĩrĩ elfu nguma nʼamagana alinda (1,700), nʼabasĩrĩkanĩ abakagenda omo bisando, elfu makũmĩ abiri (20,000); neryo Dawĩdĩ mwabandanga ebitego byʼesyosabayĩrĩ syosĩ syʼesyogalĩ, nĩkwa mwabika esyosabayĩrĩ busana nʼesyogalĩ erĩgana.

1 Abami 11:24

Na Rezonĩ mwahĩndanĩa bandu, mwabya mukulu wʼomulondo omugulu Dawĩdĩ ĩta Abesoba; neryo mobaya eDamaseke mobĩkalayo, mobatabala eDamaseke.

1 Emyatsi yʼEmigulu 19:18

NʼAbanya Sũrĩa mobasaga Abaĩsraelĩ; na Dawĩdĩ mwĩta Abasũrĩa abʼesyogalĩ elfu irinda (7,000), nʼabakagenda omo bisando elfu makũmĩ ani (40,000), mwĩta na Sofakĩ omukulu wʼomulondo.

Esyonyimbo 18:38

Ngandĩswĩryasyo ahisi isyataluka eriswahangana; Syasyatoga nʼerĩkĩndwa oko bisando byage.

Esyonyimbo 46:11

Omwami Mukulu, Omũtokĩ Wʼebyosĩ ali haguma netu; Nyamuhanga wa Yakobo ni busayiro bwetu!

Esyonyimbo 68:2

Ngʼomũkĩ kwʼakahekawa nʼerihunga, asyahigabo; Ngʼebisese bikanagukala embere syʼomuliro, Litya ababi bakahera embere sya Nyamuhanga.

Abatswerĩ 4:2

Neryo Omwami Mukulu mwagũlyabo omo byala bya Yabĩnĩ omwami wʼeKanana, oyo watabala eHazorĩ; omukulu wʼemilondo yʼabasĩrĩkanĩ yiwe abya Sĩsera, oyo wabya ĩkere eHarosetĩ-Goyĩmũ.

Abatswerĩ 4:22

Neryo lebaya, omugulu Baraka abya akwamĩre Sĩsera, Yaelĩ Mwahuluka erĩhĩndana naye, mwabũga naye ati, Asa, ngandĩkũkangya, omundu oyo gukasonda. Naye mwingira haguma naye, neryo lebaya, Sĩsera inialambukere ĩnĩaholĩre, nʼengyingyi yʼehema inine omo masakira wuwe.

Abatswerĩ 5:26

Mwahĩra ebyala biwe oko ngyingyi yʼehema, Nʼebyala biwe byʼamali oko nyondo yʼomũkolĩ; Nʼomo nyondo mwĩta Sĩsera, mwahũrũnganĩayo omo mutwe wuwe; Ega, mwatobola mwahũrũnganĩayo omo masakira wuwe.