2 Samwelĩ 1:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Oko kiro kyʼakasatu, lebaya, omundu mwalũa omo kilaliriro kya Saũlo, nʼesyongimba ĩsĩtũlangĩkĩre, nʼerĩtaka oko mutwe wuwe; neryo abere ahĩka eyiri Dawĩdĩ, mwawa ahisi, mwamũnamira.

2 Samwelĩ 1:2 Iomraidhean Croise

Enzũko 22:4

Nʼoko kiro kyʼebisatu Abrahamũ mwasumba ameso wuwe, mwalangiraho mo hali.

Enzũko 37:29

Neryo Rũbenĩ mwasuba oko buhya obo, nĩkwa Yosefũ isiali omo buhya. Neryo mwatulanga esyongimba siwe.

Enzũko 37:34

Neryo Yakobo mwatulanga esyongimba siwe, mwahĩra omulemba gʼomo mbindi yiwe, mwalira mugala wuwe ebiro bingi.

Enzũko 43:28

Nabo mobamũsũbĩrya bati, Omugombe wawe, tata wetu anabũkĩre, akineho. Neryo mobũnamya emitwe yabo, mobalambama.

2 Samwelĩ 1:3

Neryo Dawĩdĩ mwamũbũlya ati, Ũkalũahi kwehĩ? Naye mwamubwira ati, Ngabala omo kilaliriro kya Ĩsraelĩ.

2 Samwelĩ 13:19

Neryo Tamarĩ mwahĩra erĩbũ oko mutwe wuwe, mwasatangya olukimba lwʼebitanga-bitanga olo abya ambite; kandi mwahĩra ebyala oko mutwe wuwe, mwayigendera akalira.

2 Samwelĩ 14:4

Nʼomugulu omũkalĩ wʼeTekoa abũga nʼomwami, mwayĩtũlĩka, mwamũnamira, ati, Uwe mwami, ũnyĩwatĩkaye.

2 Samwelĩ 15:32

Neryo, omugulu Dawĩdĩ ahĩka omo singi aho Nyamuhanga abya akasabirwa, Hũsaĩ, Omũarũkĩ mwasa erĩhĩndana naye iniabiritulanga olukimba luwe, nʼomutaka iniane oko mutwe wuwe.

2 Samwelĩ 24:20

Neryo Araũna mwagusa meso, mwalangira omwami nʼabagombe buwe bakasa erĩlolya eyo ali; na Araũna mwahuluka mũnamĩrya obũsũ buwe bʼoko kitaka embere syʼOmwami.

2 Samwelĩ 4:10

omugulu omundu ambwira, ati, Saũlo abirihola, ĩnĩakaganĩraya ati amanyiretera engulu yowene, monamuhamba, monamwĩtĩra eZĩklagĩ, nʼekyo mokyabya oluhembo namuhembera engulu yiwe.

Esĩterĩ 4:16

Ugende, ũhĩndanaye Abayũda bosĩ abali eSũsa, mutsire akalyo busana nage, simulye kutse erĩpũlya oko biro bisatu omo musibo nʼomo kiro; nage nʼabana-bato bage tukanditsira akalyo tutya; neryo ko nasyaya nyitya eyiri omwami, erite ngʼemigambo; neryo namahola, inahola.

Esĩterĩ 5:1

Neryo oko kiro kyʼakasatu, Esĩterĩ mwambala esyongimba siwe syʼobwami, neryo mwahangana omo kibuga kyʼomwisi kyʼenyũmba yʼOmwami, ekiri embere wʼenyũmba yʼOmwami. Neryo omwami abya ĩnĩanĩkere oko kĩtũmbĩ kiwe kyʼobwami omo nyũmba yʼobwami ahahererenĩe nʼolũkyo lwʼenyũmba yʼOmwami.

Esyonyimbo 66:3

Mubwire Nyamuhanga muti, Emyatsi eyo ukakola ni yʼeriswekera! Busana nʼobukulu bwʼobukulu bwʼobũtokĩ bwawe, Esyonzĩgũ syawe syasyũnama embere syawe omʼiubaha.

Ezekĩelĩ 27:30

basyowĩsya omulenge wabo ukʼuwe, basyalira nʼobũlĩge. Basyagusa olũtũtũ oko mitwe yabo, basyayĩgalagalya omwʼĩbũ.

Hosea 6:2

Enyũma wʼebiro bibiri asyatũsũbya; nʼoko kiro kyʼakasatu asyatũhanganĩa, itwatoka eribyaho embere siwe.

Yoelĩ 2:13

Mũsatangaye emitima yenyũ, sĩmũsatangaye esyongimba syenyũ, mubindukire Omwami Mukulu Nyamuhanga wenyũ; kusangwa iye ni wʼeriganyira nʼowʼolukogo, isialihitana lũba, ĩnĩoswĩre omo bubuya bʼolwanzo, iniakayibindula siakole nabi.

Matayo 12:40

Kusangwa ngoko Yona abya omo nda yʼenyama nene yʼomo ngetsi emisibo ĩsatu nʼebiro bisatu, na litya Omugala wʼomundu asyabya omo kitaka emisibo isatu nʼebiro bisatu.

Matayo 16:21

Erĩtsũka omugulu oyo Yesu Kristo mwatsũka erĩkangya abiga buwe kwʼatolere eriya eYerũsalema, nʼerĩagalĩbwa omo myatsi mingi nʼabakulu, nʼoko bahererĩ bakulu, nʼabakangĩrĩrya bʼEmigambo, nʼerĩĩtwa, nʼerĩlũbũkĩbwa enyũma wʼebiro bisatu.

Yosũa 7:6

Na Yosũa mwasatangya esyongimba siwe, mwatũlama ahisi oko bũsũ buwe embere wʼerĩsandũko lyʼOmwami Mukulu erĩhĩka omwʼĩgolo-golo, iyenʼabakulu ba Ĩsraelĩ; mobahĩra omukunga omo mitwe yabo.

Eribisurirwa 3:9

Lebaya! Endeko eyo ye nyũmba yʼerĩhĩndanamo ya Satanĩ, ababehĩ abo, abakayahula mo Bayũda, nĩkwa isibo, lebaya, nasyaleka ibasa nʼerĩũnama nʼerĩramya embere syʼebisando byawe, baminye ko nyĩkwanzĩre.

1 Samwelĩ 20:41

Neryo omũlwana abere abigenda, Dawĩdĩ mwasosokala ebwanga bwʼelutambi lwʼeyĩkwa, kandi mwayĩtũlĩka ahisi, mwayũnamya kasatu; neryo mobalyatsirirana, mobaliriranako, nĩkwa Dawĩdĩ mwabya nʼobũlĩge kutsibu.

1 Samwelĩ 25:23

Nʼomugulu Abĩgaĩlĩ alangira Dawĩdĩ, mwanguha mwakĩma oko punda yiwe, mwawa oko bũsũ buwe embere sya Dawĩdĩ, mwayũnamya ahisi.

1 Samwelĩ 4:12

Neryo omundu wa Benyamĩna mwatibita akalũa omo mulondo, mwahĩka eSĩlo ekiro ekyo kisa-kisa, nʼesyongimba siwe ĩsĩsatangĩrye nʼolũtũtũ oko mutwe wuwe.

1 Samwelĩ 4:16

Nʼomundu oyo mwabwira Elĩ ati, Nĩna ngye ndĩalũa omo mulondo wʼamalwa. Kwenene indiatibita ngabala omo mulondo wʼamalwa mũnabwĩre. Neryo Elĩ mwabũga ati, Ko mwatsi abere ati mugala wage?