2 Samwelĩ 1:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Neryo Dawĩdĩ mwawata omo ngimba siwe, mwatulangasyo; nʼabalume bosĩ ababya haguma naye mobayira batya.

2 Samwelĩ 1:11 Iomraidhean Croise

Enzũko 37:29

Neryo Rũbenĩ mwasuba oko buhya obo, nĩkwa Yosefũ isiali omo buhya. Neryo mwatulanga esyongimba siwe.

Enzũko 37:34

Neryo Yakobo mwatulanga esyongimba siwe, mwahĩra omulemba gʼomo mbindi yiwe, mwalira mugala wuwe ebiro bingi.

Enzũko 44:13

Neryo mobasatangya esyongimba syabo, obuli mundu mwahekya epunda yiwe, mobasuba oko mũyĩ.

2 Samwelĩ 13:19

Neryo Tamarĩ mwahĩra erĩbũ oko mutwe wuwe, mwasatangya olukimba lwʼebitanga-bitanga olo abya ambite; kandi mwahĩra ebyala oko mutwe wuwe, mwayigendera akalira.

2 Samwelĩ 13:31

Neryo omwami mwahangana, mwasatangya esyongimba siwe, mwagotsera ahisi; nʼabagombe buwe bosĩ mobamuhanganako luhande ĩbamabĩsatangya esyongimba syabo.

2 Samwelĩ 3:31

Kandi Dawĩdĩ mwabwira Yoabũ, nʼabandu bosĩ ababya naye, ati, Mutulange esyongimba syenyũ, mũyambalaye emisarandwe, mulire embere sya Abenerĩ. Nʼomwami Dawĩdĩ mwakwama omundala.

2 Abami 5:7

Neryo omwami wʼeĨsraelĩ abere abisoma ebarua, mwasatangya esyongimba siwe, ati, Ĩngye indi Nyamuhanga kwehĩ erĩĩta nʼerĩsũbya engebe, kyaleka omundu oyũ inianyitumira omundu erĩmũlamya kwʼebihaga biwe kwehĩ? Nĩkwa ngababwira, muminye, mulangire ngoko akanyisonda kʼomwaga.

2 Emyatsi yʼEmigulu 34:27

kusangwa omutima wawe abya olobĩre, nawe wabĩrĩyĩkehya embere sya Nyamuhanga, omugulu wowa ebĩnywa biwe busana na hano, na busana nʼesyondũlanĩ syʼaho, kandi wabĩrĩyĩkehya embere syage, nʼeritulanga esyongimba syawe, nʼeririra embere syage; Omwami Mukulu ati, Nabĩrĩkowa kwenene.

Ezera 9:3

Nʼomugulu nowa omwatsi oyũ, monasatangya esyongimba syage nʼekanzu yage, monakula esyonzwiri syʼomutwe wage, nʼoko nderũ syage, monĩkala nʼerisweka.

Esĩterĩ 4:1

Neryo omugulu Mordekayĩ aminya ebyosĩ ebyakolawa, Mordekayĩ mwatulanga esyongimba siwe, mwambala emisarandwe nʼerĩyĩhĩrako erĩbũ, neryo mwaya omo katĩkatĩ kʼomũyĩ, mwalira nʼomulenge munene nʼekiriro kinene.

Yeremĩa 36:24

Nĩkwa omwami nʼabagombe buwe mobatubaha, kutse erĩsatya esyongimba syabo, omugulu bowa ebĩnywa ebĩ byosĩ.

Yoelĩ 2:13

Mũsatangaye emitima yenyũ, sĩmũsatangaye esyongimba syenyũ, mubindukire Omwami Mukulu Nyamuhanga wenyũ; kusangwa iye ni wʼeriganyira nʼowʼolukogo, isialihitana lũba, ĩnĩoswĩre omo bubuya bʼolwanzo, iniakayibindula siakole nabi.

Emibiri 14:14

Nĩkwa omugulu abakwenda, Paũlo na Barnaba bowa ekyo, mobatula esyongimba syabo, mobatibita omo syondeko ibakabirikira bati,

AbanyaRoma 12:15

Mutseme haguma nʼabakatsema, mulire haguma nʼabakalira.

Yosũa 7:6

Na Yosũa mwasatangya esyongimba siwe, mwatũlama ahisi oko bũsũ buwe embere wʼerĩsandũko lyʼOmwami Mukulu erĩhĩka omwʼĩgolo-golo, iyenʼabakulu ba Ĩsraelĩ; mobahĩra omukunga omo mitwe yabo.