2 Petero 3:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Nĩkwa olubula lwa sesene, nʼekihugo kya sesene, omo kĩnywa kya Nyamuhanga, bĩbĩkĩre busana nʼerĩhĩsĩbwa omo muliro. Bĩbĩkĩre busana nʼekiro ekyo abandu abatakenga Nyamuhanga basyatswerwa nʼerĩherĩbwa.

Nouveau Testament et Psaumes en Ndandi Version 1962

⁷ Nikwa busana nekinywa ekyo olubula ne kihugo ebiri lino byabiribikirwa omuliro, bibikire erihika aho ekiro kyeritswera nerihera rya bandu abatekenga Mungu.

2 Petero 3:7 Iomraidhean Croise

Esyonyimbo 102:26

Ebyo byosĩ byasyabulirayo, nĩkwa uwe wasyasĩgala; Nʼebyosĩ ebyo byasyakula ngʼolukimba. Wasyahindulabyo ngʼolukimba, ibyabulirayo.

Esyonyimbo 50:3

Nyamuhanga wetu akasa, sialibya bũkũtũ; Omuliro akahĩsaya embere siwe, Erihunga lĩkalĩre lĩkamũtĩmbako.

Ĩsaya 51:6

Musumbire ameso wenyũ wʼelubula, neryo musamalire ekihugo kyʼeyĩkwa, kusangwa olubula lwasyabulirayo ngʼomũkĩ, nʼekihugo kyasyakula ngʼolukimba, nʼabĩkere mukyo basyahola batya. Nĩkwa omulamo wage asyabyaho kera na kera, nʼeritunganene ryage siryendisyakeha.

Ĩsaya 66:15

Kusangwa lebaya, Omwami Mukulu asyasa nʼomuliro, nʼesyogalĩ siwe syasyasa ngʼerihunga lyʼakanyabungu, erĩberererya erihitana liwe omo bukali, nʼerihaya liwe omo birimi byʼomuliro.

Danĩelĩ 7:9

Neryo monasiba ngalangira erĩhĩka aho ebĩtũmbĩ byʼobwami byahĩrĩrawaho, nʼomuguma oyo wabya Mukulu Wʼebiro mwĩkala oko kĩtũmbĩ kiwe. Esyongimba siwe syabya nyeru-nyeru ngʼenzururu, nʼesyonzwiri syʼomutwe wuwe syabya ngʼobweya bwʼembũlĩ obũhenĩrye kutsibu; nʼekĩtũmbĩ kiwe kyʼobwami kyabya ngʼebirimi byʼomuliro, nʼebĩrĩngo byako byabya ngʼomuliro owakaka.

Zefania 3:8

Busana nʼekyo, Omwami Mukulu ati, Mundinde, busana nʼekiro ekyo omugulu nasyahangana oko buhiyi. Kwenene erĩyĩsũnza lyage nĩʼhĩndanĩa ebihanda, nʼerĩhĩndanĩa amami, erĩũtũlĩra kubo kwʼerihitana lyage, lye rihitana lyage erĩkahĩsaya; kusangwa ekihugo kyosĩ kyasyalibwa omo muliro wʼobũha bwage.

Malakĩ 4:1

Kusangwa lebaya, ekiro kikasa, kikaka ngʼerirunga; nʼabakayihalamba bosĩ, nʼobuli mũkolĩ wʼebibi, basyabya musunga; nʼekiro ekikasa kyasyahĩsyabo, Omwami Mukulu Wʼemilondo atya, neryo sikyendĩsyasĩyĩrabo mũlĩhĩ kutse mutahi.

Matayo 10:15

Kwenene ngabũga nenyũ nyiti, Oko kiro kyʼeritswera, olubanza lwʼekihugo kyʼemĩyĩ yʼeSodomo nʼeGomoro lwasyabya luke oko lʼomũyĩ oyo.

Matayo 11:22

Nĩkwa ngababwira nyiti, Oko kiro kyʼeritswera, olubanza lwʼeTĩro nʼeSĩdonĩ lwasyabya luke oko lwenyũ.

Matayo 11:24

Nĩkwa ngababwira nyiti, Oko kiro kyʼeritswera, olubanza lwʼekihugo kyʼeSodomo lwasyabya luke oko lwawe.

Matayo 12:36

Kandi ngabũga nenyũ nyiti, Oko kiro kyʼeritswera abandu basyakanganĩa obuli kĩnywa kitya-kitya ekyo bakabũga.

Matayo 24:35

Ekyanya nʼekihugo byasyahwaho, nĩkwa ebĩnywa byage sibyendisyahwaho.

Matayo 25:41

Neryo asyabwira abʼoko byala biwe byʼamelembe ati, Mũlũe kwĩngye, ĩnywe batakirwa! Muye omo muliro wa kera na kera owakokotĩbawa busana na Satanĩ nʼabamalaĩka buwe.

Mariko 6:11

Mwamahĩka aho bakagana erĩbakokya kutse bakagana eribahulikirira, omugulu mũkalũaho, imwakunguta olũtũtũ oluli omo bisando byenyũ. Ekĩ kyasyakangĩrĩryabo.

Yoane 12:48

Oyukanyigana, isialilangira emyatsi yage, awite oyukamutswera; ekĩnywa ekyo nabũga kyo kyasyamutswera oko kiro kyʼenyũma-nyũma!

AbanyaRoma 2:5

Nĩkwa busana nʼobutsibu bʼomutima wawe owatebinduka, ukayibikira erihitana oko kiro ekyo kyʼerihitana lya Nyamuhanga nʼeritswera litunganene riwe lyasyabĩsũlwa.

1 AbanyaKorinto 3:13

Kandi omũbĩrĩ wʼobuli mundu asyaminyikala, kusangwa ekiro kya Kristo kyasyakanganĩago. Kandi omuliro asyabĩsũlago, ni muliro asyalenga omũbĩrĩ wʼobuli mundu nga nĩ wa mũsĩndo wahi.

AbanyaFilipi 1:28

Simubahe nʼahake esyonzĩgũ syenyũ, ekĩ kĩkamĩnyĩsayabo ngoko bakandisyahera. Nĩkwa ĩnywe mukandisyalama, kusangwa ebyosĩ bĩkalũa ewa Nyamuhanga.

2 AbanyaTesalonika 2:3

Simuleke mundu akabatebya omo mwatsi nʼomuguma. Kusangwa Ekiro ekyo sikyendisyasa eripona nʼerisuba enyũma bite byahĩka, nʼomubi Oyo ate abutuka, oyo wasyaherĩbwa.

1 Timoteo 6:9

Nĩkwa abakayĩtsũtsa eribya bateke bakawa omwʼirengwako, nʼerihambwa omo kitego kyʼesyongumbu nyingi nyĩkĩrũ, esĩkagalaya. Esyongumbu esĩ sĩkatsandaya bandu nʼerĩheryabo.

AbaEbrania 12:29

Kusangwa Nyamuhanga wetu ni muliro owakatogotaya.

2 Petero 2:9

Neryo Omukama anasĩ erĩlamya abakamukenga okwʼirengwako. Nĩkwa akabika ababi erisuyirabo erĩhĩka oko kiro kyʼeritswera.

2 Petero 3:10

Nĩkwa Ekiro kyʼomukama kyasyahĩka ngʼomũrahĩ. Oko kiro ekyo, olubula lwasyalũaho omo lukanda lunene, nʼebyosĩ ebyahangikawa omo lubula byasyaka omo muliro, nʼerĩherĩbwa. Nʼekihugo nʼemĩbĩrĩ yakyo byasyahĩsĩbwa.

2 Petero 3:12

Mubye mukalindirira nʼerĩhatanĩa erĩhĩka lyʼekiro kya Nyamuhanga. Oko kiro ekyo, olubula lwasyahĩsĩbwa nʼerihera, nʼebyahangikawa omo lubula byasyanũna omo muliro akalĩre.

1 Yoane 4:17

Neryo olwanzo lũkahĩkana omwisi syetu, itwatoka erĩsĩka oko Kiro kyʼeritswerwa. Kusangwa ngoko Kristo ali, netu ko tuli tutya omo kihugo kino.

Yuda 1:7

Ngʼabandu bʼeSodomo nʼeGomora, nʼemĩyĩ eyo yabya hakũhĩ nayo, mobahalya ngʼabamalaĩka abo. Mobayiha okwʼĩsĩngĩra libi, kandi mobakwama esyongumbu syʼesĩsonĩ omo mibiri yabo. Aba babirisuyirwa omo muliro Wʼerikota, ibakabya kĩmĩnyĩsyo oko bandu bosĩ.

Eribisurirwa 17:11

Nʼenyama eyabyaho, kandi siriho, oyũ ni mwami wʼomunani, kandi ni wʼabalinda, naye akayaherĩbawa.

Eribisurirwa 17:8

Enyama eyo walangira yabyaho, nĩkwa siriho lino, nĩkwa lino ikasonda erihetuka erĩlũa omo buhya, kandi ĩkayaherĩbawa. Abandu abĩkere oko kihugo amena wabo atasakĩre omo kitabu kyʼengebe, ekihugo kite kyatsũka, basyasweka omugulu bakasamalira enyama eyo. Kusangwa enyama eyo yanabyaho, nĩkwa sikiriho, kandi yasyaswabutuka.

Eribisurirwa 20:11

Neryo monalangira ekĩtũmbĩ kyʼobwami kinene kyeru-kyeru, nʼoyo wĩkere kukyo. Neryo ekihugo nʼolubula mobyasaga obũsũ buwe, kandi omwanya mwataswabanika busana nabyo.

Eribisurirwa 21:1

Neryo monalangira olubula luhya-luhya nʼekihugo kihya-kihya, kusangwa olubula lwʼerĩmbere nʼekihugo kyʼerĩmbere mobyalenga, nʼengetsi isiyikiriyo.