2 Petero 3:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Nĩkwa mubye mukakula omo lukogo nʼeriminya lyʼomukama nʼomũlamya wetu Yesu Kristo. Ukwʼiye habye olukengerwa, lino, nʼerĩhĩka na kera. Amina.

Nouveau Testament et Psaumes en Ndandi Version 1962

¹⁸ Nikwa mukurire omo lukogo neriminya ryoMukama wetu noMulamya Yesu Kristo. Olukengerwa lubye luwe lino nerihika oko kiro kyerikota. Bibye bitya.

2 Petero 3:18 Iomraidhean Croise

Esyonyimbo 92:12

Abatunganene basyaboga ngʼamabondo; Basyakula ngʼemĩerezĩ yʼeLebanonĩ.

Hosea 14:5

Nasyabya ngʼekimi uku Ĩsraelĩ; asyasoya ngʼerĩranga, nʼeribanda emĩrĩhĩ yiwe ngʼeLebanonĩ.

Malakĩ 4:2

Nĩkwa ĩnywe mukubaha erĩna lyage, eryuba lyʼeritunganene lyasyabahulukako nʼomulamo omo bĩpũpa byalyo; nenyũ mwasyahuluka mukayitsangura ngʼebyana byʼesyonde omo kibungo.

Matayo 28:20

Mũkangĩrĩrayebo bakole ebyosĩ ebyo nabiribahana. Kandi mwibuke! Ingye ko ndi haguma nenyũ ebiro byosĩ erĩhĩka okwʼihwererera lyʼemigulu.

Matayo 6:13

Sĩgũtwĩngĩraye omwʼirengwako, nĩkwa ũtũlamaye oko mubi. Kusangwa obwami ni bwawe, Nʼobũtokĩ, nʼolukengerwa, kera na kera. Amina.

Yoane 17:3

Neryo eyĩ ni ngebe yʼerikota, abandu bakuminye, uwe Nyamuhanga muguma wʼekwenene, nʼeriminya Yesu Kristo, oyo watuma.

Yoane 5:23

Neryo abosĩ batoke erĩsĩkya Omugala, ngoko bakasĩkaya Tata. Oyũtesĩkaya Omugala, sĩalĩsĩkaya Tata oyo wamutuma.

AbanyaRoma 11:36

Kusangwa iye mwahangika emyatsi yosĩ, kandi emyatsi yosĩ iye yo wabumbayo, kandi emyatsi yosĩ iri busana naye. Olukengerwa lubye uku Nyamuhanga kera na kera. Amina.

2 AbanyaKorinto 4:6

Kusangwa Nyamuhanga oyo wabũga ati, Ekyakakala kĩkoleraye omo mwĩrĩmya, ni iye abĩrĩkolerya omo mitima yetu nʼerituha ekyakakala kyʼeriminya olukengerwa lwa Nyamuhanga oluli omo bũsũ bwa Kristo.

AbanyaEfeso 1:17

Kandi ngasaba Nyamuhanga wʼOmukama wetu Yesu Kristo, iye Tata oyuwite olukengerwa, abahe omo Mũlĩmũ Abũyĩrĩre, amenge, nʼerĩbĩsũlĩra, imwatoka erimuminya ndeke-ndeke.

AbanyaEfeso 4:15

Nĩkwa tũbũge ekwenene omo mutima wʼolwanzo, kandi tukule busana na Kristo omo myatsi yosĩ, kusangwa iye ni mutwe netu tuli mubiri wuwe.

AbanyaFilipi 3:8

Kandi busana nʼobũgũlĩ bunene bwʼeriminya Kristo Yesu Omukama wage, ngaganza emyatsi yosĩ ngʼĩtalya. Busana na Kristo nabĩrĩtalya emyatsi yosĩ nʼeriganzayo ngʼebibaya, inatoka eribana Kristo mo ndũndĩ yage.

AbanyaKolosai 1:10

Neryo imwasyatoka eri rendera ngoko Mukama anzĩre, nʼerikola ebiro byosĩ ebĩkamũtsemesaya. Kandi imwasyakanyirira erikola emĩbĩrĩ yosĩ mibuya ya Nyamuhanga, kandi imwamuminya ndeke kwilaba erĩmbere.

AbanyaKolosai 3:10

Kandi mwabiriambala omundu muhya-muhya, oyo Nyamuhanga, mũhangĩkĩ wuwe akabindula, itwatoka erimusosa nʼerimuminya ndeke.

2 AbanyaTesalonika 1:3

Balĩkyetu, litutolere eriha Nyamuhanga ewasĩngya busana nenyũ oko migulu yosĩ! Kandi lyowene itwakola tutya, kusangwa erĩkĩrĩrya lyenyũ linemukula kutsibu, kandi olwanzo lwʼobuli mundu omo katĩkatĩ kenyũ lunemukanyirira busana nʼabandi balĩkyetu bosĩ.

2 Timoteo 4:18

Neryo Omukama asyanyĩlamya kwʼekibi kyosĩ, nʼerinyitwala buholo omo Bwami buwe bwʼelubula. Neryo olukengerwa lubye ukwʼiye busana na kera na kera. Amina.

1 Petero 2:2

Mubye ngʼesyomekeke, imukasonda kutsibu amasabũ agowene busana nʼomutima, imwatoka eriusuka busana nʼerilama.

2 Petero 1:11

Nĩkwa mwasyabana ehamũlĩ yosĩ yʼeriingira omo Bwami bwʼerikota bwʼo­mukama nʼomũlamya wetu Yesu Kristo.

2 Petero 1:2

Olukogo nʼobuholo bunene bibye nenyũ, kusangwa mwabiriminya Nyamuhanga nʼOmukama wetu Yesu.

2 Petero 1:3

Obũtokĩ bwa Nyamuhanga bwabirituha emyatsi yosĩ eyitutolere, busana nʼeribyaho omo ngebe ya Nyamuhanga, nʼerikenga Nyamuhanga. Abirituha emyatsi eyĩ kusangwa twabiriminya kwenene oyo watubirikira erisangira olukengerwa luwe nʼobubuya buwe.

2 Petero 1:8

Mwamakola mutya nʼerikwamirirabyo, mwasyatoka, kandi mwasyakanyirira Omwʼiminya ndeke lyʼomukama wetu Yesu Kristo.

2 Petero 2:20

Kusangwa bamabibala ebĩtĩsĩrĩre byʼekihugo busana nʼeriminya Omukama nʼomũlamya wetu Yesu Kristo, bamaswayĩgobya mubyo nʼerĩkĩndwa mubyo, abandu ngʼabo babiritsanda kwilaba erĩmbere.

Yuda 1:25

Uku Nyamuhanga muguma musa, Omũlamya wetu, omwisi wa Yesu Kristo Omukama wetu, ukwʼiye habye olukengerwa, nʼobukulu, nʼobũtokĩ bosĩ, nʼehamũlĩ, erĩtsũka oko migulu yosĩ ya kera, na lino-lino, na kera na kera. Amina.

Eribisurirwa 1:6

kandi oyo watuyira eribya bwami bwʼabahererĩ erikolera Nyamuhanga wuwe na Tata. Uku Yesu Kristo kubye olukengerwa, nʼobũtokĩ, kera na kera! Amina.