2 Petero 3:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Kandi Paũlo akasaka atya omo syobarua siwe syosĩ nʼeriahula emyatsi eyĩ. Omo syobarua siwe, hali emyatsi eyĩkalĩre eriminya ndeke. Nĩkwa abandi bandu abatasĩ nʼabatasĩkĩre bakahengemaya emyatsi eyo, ngoko bakahengemaya awandi Masako. Aba bakayiretera erihera.

Nouveau Testament et Psaumes en Ndandi Version 1962

¹⁶ nomo syobarua siwe syosi akahula emyatsi eyi. Hari eyindi myatsi musyo eyikalire eriminyayo, abatasi nabatasikire bakahengemayayo ngoko baka hengemaya awandi amasako okwihera ryabo.

2 Petero 3:16 Iomraidhean Croise

Enzũko 49:4

Eribera nʼerĩũtĩka ngʼamagetsi, siwendisyabya nʼobukulu; Kusangwa mowasambira oko ngyingo ya tata wawe; Neryo mowatsandyayo ukasambira oko ngotsero yage.

1 Abami 10:1

Nʼomugulu omwami-kalĩ wʼeSeba owa engulu ya Solomono busana nʼerĩna lyʼOmwami Mukulu, mwasa erimulengako erĩmũbũlya ebĩkala-kalĩre.

Esyonyimbo 56:5

Bakanyendereraya omo musibo gosĩ omo byosĩ ngakola; Bakaganĩraya erĩnyĩta emigulu yosĩ.

Erĩlũayo 23:2

Susyekwama endeko erikola ekibi; kutse sũkanaye omwatsi nʼerikwama endeko busana nʼeribindula erĩbanza;

Erĩlũayo 23:6

Susyebindula olubanza lowene lwʼomwera wawe lo nabi omo mwatsi wuwe.

Yeremĩa 23:36

Sibangaswabũga ebĩnywa bati, Omwatsi wʼOmwami Mukulu ni muheke, kusangwa omundu amabũgabyo nasyayira omwatsi wage mo muheke wuwe, kusangwa abandu babiribindula nabi ebĩnywa bya Nyamuhanga wabo oyuliho, Omwami Mukulu wʼemilondo, Nyamuhanga wetu.

Habakũkĩ 1:4

Busana nʼekyo, emigambo ikaponawa, nʼerĩbanza siryebanika; kusangwa ababi bakatĩmba oko batunganene; busana nʼekyo erĩbanza likahuluka ĩrĩnahengemĩre.

Matayo 15:3

Yesu mwasũbĩryabo ati, Nenyũ, busana nakĩ mukaketa ekihano kya Nyamuhanga busana nʼemitsye yenyũ kwehĩ?

Matayo 15:6

Muti, siasĩkaye tata wuwe kutse koyo wuwe. Neryo litya, mukapona ekĩnywa kya Nyamuhanga busana nʼerikwama emitsye yenyũ.

Matayo 22:29

Nĩkwa Yesu mwasũbĩryabo ati, Mukatala, sĩmwasĩ Amasako, kutse amaka wa Nyamuhanga.

Eryibuka Ebihano 16:19

Sĩmũsyehengemaya ekitunganene; sĩmũsyehĩraho ebitaga; kutse sĩmũsyĩmaya ekyũtũlĩro; kusangwa ekyũtũlĩro kĩkalĩba ameso wʼomundu wʼamenge, nʼerĩhabĩsya ebĩnywa byʼabatunganene.

AbanyaFilipi 3:19

Endũlĩ yabo basyaherĩbwa, kandi babiriyira esyongumbu syabo mo nyamuhanga wabo. Bakayihalamba omo myatsi yʼesĩsonĩ, bandu bʼekihugo.

AbaEbrania 5:11

Busana nʼomwatsi oyũ tuwite bingi byʼerĩbũga, kandi bĩkalĩre erĩbamĩnyĩsyabyo, kusangwa mwabiribya nʼobũtowa.

Yakobo 1:8

Kusangwa ni mundu wʼemitima ĩbĩrĩ, sĩasĩkĩre omo nzira siwe syosĩ.

1 Petero 1:1

Ĩngye Petero, omukwenda wa Yesu Kristo, ngabasakira ĩnywe bandu abo Nyamuhanga ayisoga, abĩkere ngʼabasayĩ, abapanza-panzirawa omo bihugo byʼePonto, nʼeGalatĩa, nʼeKapadokĩa, nʼeAsĩa, nʼeBetanĩa.

1 Petero 2:8

Kandi Amasako ati, Nĩ rĩbwe lyʼerĩtwĩkalya abandu, Nĩ rĩbwe lyʼerĩtoya abandu. Bakatwĩkala kusangwa mobatĩkĩrĩrya ekĩnywa; kandi lyabya erisonda lya Nyamuhanga.

2 Petero 2:1

Nĩkwa mohahuluka abamĩnyererĩ bʼamabehĩ omo katĩkatĩ kʼabandu, kandi litya abakangĩrĩrya bʼamabehĩ basyahuluka omo katĩkatĩ kenyũ. Nabo basyĩngĩrya erĩkangĩrĩrya lyʼamabehĩ, erĩkaheraya. Abo basyagana Omukama oyo wagulabo, ibakayilretera erihera lyo lũba.

2 Petero 2:14

Ameso wabo oswĩre mʼoluteto nʼerikwama emyatsi yosĩ yʼebibi, bakasondola abandu batasĩkĩre, nʼemitima yabo yoswĩre nʼomururu; ni bana Nyamuhanga abiritakira.

2 Petero 3:14

Neryo abanze, kusangwa mukalindirira emyatsi eyĩ, muyitsinge eribanika embere sya Nyamuhanga ngʼabandu babuya butsira ebĩtĩngũ, Ĩmwĩkere naye buholo.

2 Petero 3:2

Mwangibuka ebĩnywa abamĩnyererĩ babũyĩrĩre babũga kera, nʼekihano, kyʼomukama nʼomũlamya, ekyo abakwenda benyũ babaha.

Yuda 1:4

Kusangwa abandi bandu, abatekenga Nyamuhanga, babiringira omo katĩkatĩ ketu mo bũbĩso-bĩso. Abandu aba bakahengemaya olukogo lwa Nyamuhanga wetu omo nzira yʼerikwama esyongumbu nyibi, ibakagana Omukama muguma wetu nʼomukulu wetu Yesu Kristo. Kera Amasako mwahula omusango wabo oyũ.