2 Petero 3:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Neryo kusangwa emyatsi yosĩ eyĩ yasyaherĩbwa itya, ĩnywe mwangabya bandu bʼomũsĩndo wahi kwehĩ? Mwangabya bandu bʼemigendere ĩbũyĩrĩre nʼerikenga Nyamuhanga.

Nouveau Testament et Psaumes en Ndandi Version 1962

¹¹ Kusangwa emyatsi eyi yosi yasyakirira itya, mwangabya bandu bomusindo wahi omo migendere yibuyirire nerikenga Mungu kwehi?

2 Petero 3:11 Iomraidhean Croise

Esyonyimbo 37:14

Ababi bakakula emĩyalĩ yabo, bakakangika amata wabo, Busana nʼerĩĩta abera bʼobwaga, Nʼerĩholya abatunganene.

Esyonyimbo 50:23

Oyukahera obuhere bwʼewasĩngya, akanyĩsĩkaya; Kandi nasyalamya kwenene Abosĩ abakanyikenga.

Esyonyimbo 75:3

Nomo ekihugo nʼesyondũlanĩ syakyo byangabulirayo, Nasyasĩkya ebibanza byakyo bĩsĩke.

Ĩsaya 14:31

Ulire, uwe lũkyo, ulire, uwe mũyĩ, wabirisendekerera uwe Fĩlĩstĩa, ĩnywe bosĩ, kusangwa omũkĩ akasira elutambi lwʼendata, kandi sihali oyũsĩgalĩre omo milondo yiwe.

Ĩsaya 24:19

Ekihugo kĩbũnĩkĩre kutsibu, ekihugo kĩtũlamĩre, ekihugo kĩsũkene kutsibu.

Ĩsaya 34:4

Emilondo yosĩ yʼelubula yasyahwerekerera, nʼolubula lwasyalĩngwa ngʼakaratasi. Omulondo walo gosĩ asyahwerekerera, ngʼekikoma kyʼomũlĩkĩ wʼebĩnyũ ko kikuma, ngʼekikoma kyʼomuti wʼomũtĩnĩ ko kikuma.

Matayo 8:27

Neryo abandu mobasweka bati, Omundu oyũ ni wa mũsĩndokĩ kwehĩ? Ekihunga nʼengetsi bikamukenga!

AbanyaRoma 13:11

Neryo ĩmũnasĩ omugulu oyũ, nĩ ndambĩ yenyũ yʼeribuka omo tũgotserĩ; kusangwa erilama liri hakũhĩ netu, kwilaba ekiro twĩkĩrĩraya.

AbanyaRoma 13:12

Obũtũkũ bũkĩsĩya ibwakya, eritungi iryasa. Neryo tuleke emĩbĩrĩ yʼomwĩrĩmya, twambale ebindu byʼamalwa byʼekyakakala.

2 AbanyaKorinto 1:12

Kusangwa tukayihalamba omo mwatsi oyũ: tuti Obunya-mutima bwetu bũkatũlago buti, tukayitwala omo kihugo, kandi omo katĩkatĩ kenyũ, omo myatsi mibuya nʼeyʼekwenene embere sya Nyamuhanga, kandi tukayitwala omo lukogo lwa Nyamuhanga butsira omo menge wʼabandu.

AbanyaFilipi 1:27

Omwatsi munene goyũ, emikolere yenyũ ibye itolere Engulu Yowene ya Kristo. Neryo, namaya eyo eribalolako, kutse ndeho, nasyowa engulu yenyũ, ngoko mũsĩkĩre omo bũlengekanĩa buguma, imunemulwa nʼomutima muguma busana nʼEngulu Yowene yʼerĩkĩrĩrya Kristo.

AbanyaFilipi 3:20

Nĩkwa ewetu ye lubula, netu tukalindirira Omũlamya erĩlũa elubula, yo Mukama Yesu Kristo.

1 AbanyaTesalonika 1:5

Neryo motwabaletera Engulu Yowene, butsira omo bĩnywa bisa, nĩkwa omo maka, nʼomo Mũlĩmũ Abũyĩrĩre, nʼerĩsĩngana lyʼomwatsi wʼekwenene. Mũnasĩ emikolere yetu omo katĩkatĩ kenyũ; ngoko twakola busana nʼerĩbawatĩkya.

1 Timoteo 3:16

Sihali oyo wangagana obukulu bwʼerĩkũmbo lyʼekisomo kyetu tuti, Mwabutuka omo mubiri wʼabandu, Mwasĩngana ngʼomutunganene omo Mũlĩmũ, Kandi mwalolwako nʼabamalaĩka, Mwatũlaganĩbwa omo katĩkatĩ kʼebihanda, Mwĩkĩrĩrĩbwa omo kihugo, Mwatwalwa omo lukengerwa lwʼelubula.

1 Timoteo 4:12

Suleke mundu akakupona busana nʼobũlwana bwawe, nĩkwa ũyĩkangaye embere syʼabĩkĩrĩrye ngʼolulengo lubuya lwʼebĩnywa, nʼemikolere, nʼomo lwanzo, nʼomwʼĩkĩrĩrya, nʼomo mutima ate kwʼebibi.

1 Timoteo 6:11

Nĩkwa uwe, mundu wa Nyamuhanga, Usage emyatsi yosĩ eyĩ, ukwamirire eritunganene, erikenga Nyamuhanga, erĩkĩrĩrya, olwanzo, erĩsĩka, erihehera.

1 Timoteo 6:3

Omundu amaleta erĩkangĩrĩrya lyʼogundi mũsĩndo, ĩsĩalĩrĩga ebĩnywa byʼekwenene byʼomukama wetu Yesu Kristo, kutse erĩkangĩrĩrya erĩkakenga Nyamuhanga,

1 Timoteo 6:6

Nĩkwa erikenga Nyamuhanga likaleta endũndĩ nene, omundu amabya akatsemera ebyo awite.

AbaEbrania 13:5

Simukwamirire erianza esyofranka, nĩkwa mutsemere ebyo muwite. Kusangwa Nyamuhanga abĩrĩbũga ati, Sindiendisyakuleka na kera, kandi, sindiendĩsyakũsĩganĩa nʼahake.

Yakobo 1:24

kusangwa akayisamalira, neryo iniagenda, nʼeribirirwa lũba kwʼalwe asosĩre.

Yakobo 3:13

Nindi omo katĩkatĩ kenyũ oyuwite amenge nʼeriminya kwehĩ? Akanganayebyo omo mibere mibuya yiwe, nʼomo mĩbĩrĩ yiwe eyo akakola nʼomutima molo, nʼowʼamenge.

1 Petero 1:15

Nĩkwa mubye babũyĩrĩre omo migendere yenyũ, nga Nyamuhanga oyo wababirikira abũyĩrĩre.

1 Petero 2:12

Muyire emigendere mibuya omo katĩkatĩ kʼEbihanda, neryo nomo bangabatsuma ngʼabakola-nabi, nĩkwa omugulu bakalangira emĩbĩrĩ yenyũ mibuya, ibapipa Nyamuhanga oko kiro kyʼeritswerwa.

2 Petero 1:3

Obũtokĩ bwa Nyamuhanga bwabirituha emyatsi yosĩ eyitutolere, busana nʼeribyaho omo ngebe ya Nyamuhanga, nʼerikenga Nyamuhanga. Abirituha emyatsi eyĩ kusangwa twabiriminya kwenene oyo watubirikira erisangira olukengerwa luwe nʼobubuya buwe.

2 Petero 1:6

nʼokwʼiminya lyenyũ, mutomeke erĩyĩteya; nʼokwʼĩyĩteya lyenyũ mutomeke erĩyĩyĩnĩa;

2 Petero 3:10

Nĩkwa Ekiro kyʼomukama kyasyahĩka ngʼomũrahĩ. Oko kiro ekyo, olubula lwasyalũaho omo lukanda lunene, nʼebyosĩ ebyahangikawa omo lubula byasyaka omo muliro, nʼerĩherĩbwa. Nʼekihugo nʼemĩbĩrĩ yakyo byasyahĩsĩbwa.

2 Petero 3:12

Mubye mukalindirira nʼerĩhatanĩa erĩhĩka lyʼekiro kya Nyamuhanga. Oko kiro ekyo, olubula lwasyahĩsĩbwa nʼerihera, nʼebyahangikawa omo lubula byasyanũna omo muliro akalĩre.