2 Petero 3:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Nĩkwa Ekiro kyʼomukama kyasyahĩka ngʼomũrahĩ. Oko kiro ekyo, olubula lwasyalũaho omo lukanda lunene, nʼebyosĩ ebyahangikawa omo lubula byasyaka omo muliro, nʼerĩherĩbwa. Nʼekihugo nʼemĩbĩrĩ yakyo byasyahĩsĩbwa.

Nouveau Testament et Psaumes en Ndandi Version 1962

¹⁰ Nikwa ekiro kyoMukama kyasyasa ngomurahi, noko mugulu oyo olubula lwasyahwaho nolukanda lunene, nebyahangikawa bya syakirira omo muliro we seke-seke ne kihugo nemibiri irimo byasyahisiriribwa.

2 Petero 3:10 Iomraidhean Croise

Esyonyimbo 102:26

Ebyo byosĩ byasyabulirayo, nĩkwa uwe wasyasĩgala; Nʼebyosĩ ebyo byasyakula ngʼolukimba. Wasyahindulabyo ngʼolukimba, ibyabulirayo.

Esyonyimbo 46:6

Ebihanda bĩkalũsĩbawaho, amami akatera; Nyamuhanga akasumba omulenge, nʼekihugo kikanokokala.

Esyonyimbo 97:5

Ebitwa bikanyenyeta ngʼebisese embere syʼOmwami Mukulu, Embere syʼOmukama wʼekihugo kyosĩ.

Ĩsaya 2:12

Kusangwa Omwami Mukulu wʼemilondo asyayira ekiro kyʼolubanza busana nʼabosĩ abakayikebera nʼeriyiheka, na busana nʼabandu bosĩ abakayĩhamaya, ibatoka erĩkehĩbwa.

Ĩsaya 24:19

Ekihugo kĩbũnĩkĩre kutsibu, ekihugo kĩtũlamĩre, ekihugo kĩsũkene kutsibu.

Ĩsaya 34:4

Emilondo yosĩ yʼelubula yasyahwerekerera, nʼolubula lwasyalĩngwa ngʼakaratasi. Omulondo walo gosĩ asyahwerekerera, ngʼekikoma kyʼomũlĩkĩ wʼebĩnyũ ko kikuma, ngʼekikoma kyʼomuti wʼomũtĩnĩ ko kikuma.

Ĩsaya 51:6

Musumbire ameso wenyũ wʼelubula, neryo musamalire ekihugo kyʼeyĩkwa, kusangwa olubula lwasyabulirayo ngʼomũkĩ, nʼekihugo kyasyakula ngʼolukimba, nʼabĩkere mukyo basyahola batya. Nĩkwa omulamo wage asyabyaho kera na kera, nʼeritunganene ryage siryendisyakeha.

Yoelĩ 1:15

Ĩloolo busana nʼekiro ekyo! Kusangwa ekiro kyʼOmwami Mukulu kiri hakũhĩ, kandi kyasyasa ngʼerĩherya lĩkalũa oko Wʼamaka gosĩ.

Yoelĩ 2:1

Mubuhe engubi eSĩonĩ, mũbũgaye endulo omo kitwa kyage kĩbũyĩrĩre; esyondũlanĩ syosĩ syʼekihugo sititimane; kusangwa ekiro kyʼOmwami Mukulu kikasa, kusangwa kwenene kiri hakũhĩ.

Yoelĩ 2:31

Eryuba lyasyabindulwa mo mwĩrĩmya, nʼomukera iniabya ngula ngʼomusasi, embere wʼerĩhĩka lyʼekiro kinene kyʼolukengerwa nʼekyʼerĩũbahya kyʼOmwami Mukulu.

Yoelĩ 3:14

Esyondeko, esyondeko omo musya wʼerĩtwa olubanza! Kusangwa ekiro kyʼOmwami Mukulu kiri hakũhĩ omo musya wʼerikatula.

Amosĩ 9:13

Omwami Mukulu akabũga ati, Lebaya, ebiro bikasa omugulu Omũlĩmĩ asyahĩka oko mũgesĩ nʼoyukakama ebĩgũma byʼebĩnyũ asyatanga oyukahera embuto; nʼebitwa byasyatogongya ebĩnyũ bĩsĩhĩre, nʼehitwa hyosĩ hyasyasendekerera.

Amosĩ 9:5

Neryo Omukama, Omwami Mukulu Wʼemilondo, yo yũkatũla oko kitaka ikyasendekerera, nʼabosĩ abĩkere mukyo basyalira; nakyo ekyosĩ kikayisumba ngʼolũsĩ lwʼeNĩlĩ, kandi kyasyahotoka ndeke ngʼolũsĩ lwʼeNĩlĩ lwʼeMĩsĩrĩ.

Mĩka 1:4

Nʼebitwa byasyasendekererĩbwa eyĩkwa ukwʼiye, nʼemisya yasyatulika, ngʼekisese ahali omuliro, ngʼamagetsi awakũtawa erisendera omo ngwangwa.

Nahũmũ 1:5

Ebitwa bikatitimana embere siwe, nʼehitwa hĩkanũna; nʼekitaka kikayisumba busana nʼameso wuwe, ega, ekihugo kyosĩ, nʼesyondũlanĩ syosĩ sya mukyo.

Malakĩ 4:5

Lebaya, nasyabatumira omũmĩnyererĩ Elĩa emuliro wʼerĩhĩka lyʼekiro kinene nʼekyʼerĩũbahya kyʼOmwami Mukulu.

Matayo 24:35

Ekyanya nʼekihugo byasyahwaho, nĩkwa ebĩnywa byage sibyendisyahwaho.

Mariko 13:31

Ekyanya nʼekihugo byasyahwaho, nĩkwa ebĩnywa byage sibyendisyahwaho.

Luka 12:39

Kandi muminye ndeke kumbe Omwenye nyũmba alibya asĩ endambĩ yahi omũrahĩ akandĩhĩka, kumbe Sĩangalekĩre enyũmba yiwe ikatulwa.

AbanyaRoma 8:20

Kusangwa ebihangikwa mobyatswerwa eribya buyira, butsira omwʼisonda lyabo, nĩkwa kusangwa Nyamuhanga mwatswerabyo atya. Nĩkwa habya amaha,

1 AbanyaKorinto 1:8

Naye asyabasĩkya erĩhĩka oko ndũlĩ, isimuli oko lubanza oko kiro kyʼomukama wetu Yesu Kristo.

1 AbanyaKorinto 5:5

tuhe omundu oyo uku Satanĩ, omubiri wuwe aherĩbawe, nĩkwa ekĩrĩmũ kiwe kĩlamĩbawe omo Kiro kyʼomukama.

2 AbanyaKorinto 1:14

Emyatsi eyo mwabiriminya hake-hake lino, imwatoka eriyihalamba busana netu, netu itwayihalamba busana nenyũ oko Kiro kyʼomukama wetu Yesu.

1 AbanyaTesalonika 5:2

Kusangwa nenyũ mũnasĩ ndeke-ndeke kwʼekiro kyʼomukama kyasyasa ngʼomũrahĩ oyukasa omo kiro.

1 AbanyaTesalonika 5:4

Nĩkwa ĩnywe balĩkyetu, Simuli omo mwĩrĩmya, nʼekiro ekyo sĩkyangabahĩkako ngʼomũrahĩ.

2 Petero 3:11

Neryo kusangwa emyatsi yosĩ eyĩ yasyaherĩbwa itya, ĩnywe mwangabya bandu bʼomũsĩndo wahi kwehĩ? Mwangabya bandu bʼemigendere ĩbũyĩrĩre nʼerikenga Nyamuhanga.

2 Petero 3:12

Mubye mukalindirira nʼerĩhatanĩa erĩhĩka lyʼekiro kya Nyamuhanga. Oko kiro ekyo, olubula lwasyahĩsĩbwa nʼerihera, nʼebyahangikawa omo lubula byasyanũna omo muliro akalĩre.

2 Petero 3:7

Nĩkwa olubula lwa sesene, nʼekihugo kya sesene, omo kĩnywa kya Nyamuhanga, bĩbĩkĩre busana nʼerĩhĩsĩbwa omo muliro. Bĩbĩkĩre busana nʼekiro ekyo abandu abatakenga Nyamuhanga basyatswerwa nʼerĩherĩbwa.

Yuda 1:6

Kandi ngabĩbũkaya ngoko abamalaĩka abayisamambula, abatswa aho wabo, Nyamuhanga abiribikabo omo mwĩrĩmya nʼomo mũlĩkĩ Wʼerikota busana nʼEkiro kikulu kyʼeritswera.

Eribisurirwa 16:15

Mũlebaye! Ngasa ngʼomũrahĩ. Obutseme buli oko mundu oyuteyato, nʼoyũkategaya esyongimba siwe, akasyalendera ndũmbũ nʼerihemuka embere syʼabandu.

Eribisurirwa 20:11

Neryo monalangira ekĩtũmbĩ kyʼobwami kinene kyeru-kyeru, nʼoyo wĩkere kukyo. Neryo ekihugo nʼolubula mobyasaga obũsũ buwe, kandi omwanya mwataswabanika busana nabyo.

Eribisurirwa 21:1

Neryo monalangira olubula luhya-luhya nʼekihugo kihya-kihya, kusangwa olubula lwʼerĩmbere nʼekihugo kyʼerĩmbere mobyalenga, nʼengetsi isiyikiriyo.

Eribisurirwa 3:3

Neryo Wibuke ebyo wangirira, nʼebyo wowa, neryo ukwamebyo, ubindule omutima wawe uleke ebibi. Nĩkwa wamatindabuka, nasyakũhĩkako ngʼomũrahĩ, isiwendisyaminya endambĩ nasyakũhĩkako.

Eribisurirwa 6:14

Nʼekyanya mokyasatika nʼerĩlũaho ngʼakaratasi akakalĩbawa. Nʼobuli kitwa, nʼobuli kitsira mobyalũsĩbwa omo myanya yabyo.