2 Petero 2:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Kusangwa Nyamuhanga mwatabalya abamalaĩka abakola ebibi, nĩkwa mwagusabo omo lĩfero eyo bakabikawa omo mahulula nʼomo mwĩrĩmya, eririndirira ekiro kyʼeritswera.

Nouveau Testament et Psaumes en Ndandi Version 1962

⁴ Kusangwa Mungu amabya imwatabalya abalaika omugulu bakola nabi, nikwa mwagusabo omo kyuna kandi mwa hirabo omo mahya gomwirimya eribikabo busana neritswerwa;

2 Petero 2:4 Iomraidhean Croise

Yobũ 21:30

Ngoko mundu mubi akabikawa busana nʼekiro kyʼerĩkwa; Ngoko bakasondolĩbawa oko kiro kyʼerihitana.

Yobũ 4:18

Nyamuhanga sialiyiketera abagombe buwe; Akanahandikirira abamalaĩka buwe oluhabo:

Esyonyimbo 78:50

Mwatakakĩrya erihitana liwe; Kandi mwatabalya esyongebe syabo, Nĩkwa mwaha engebe yabo yʼoko ndwala yʼakasũsũ.

Ĩsaya 14:12

Wamatoga uti erĩlũa elubula, uwe ngũnũnũ yʼengyakya-ngyakya, omugala wʼomusakala! Wabĩrĩtũbwa ahisi oko kitaka, uwe wolobaya ebihanda!

Ezekĩelĩ 5:11

Omukama Iye Omwami Mukulu ati, Ngoko nyiriho, kwenene, kusangwa wabĩrĩhalya ahabũyĩrĩre hage omo syosanamu syawe esyo ngagalirawako, nʼomo syonye syawe syosĩ, neryo nasyakũlũako, kutse erĩso lyage siryendĩsyakũbalya, kandi Sindiendisyaganyira.

Ezekĩelĩ 7:4

Erĩso lyage siryendisyakusasira, kutse sindiendisyakũbalya. Nĩkwa nasyakũsũbya kwʼesyonzira syawe, nʼesyonye syawe syasyabya omo katĩkatĩ kawe. Neryo wasyaminya ko ndi Mwami Mukulu.

Ezekĩelĩ 7:9

Erĩso lyage siryendisyakuganyira, kutse sindiendisyakusasira. Nasyakuliha ngʼesyonzira syawe ko siri omugulu esyonye syawe siri omo katĩkatĩ kawe. Nenyũ mwasyaminya kwʼindi nĩ ngye Mwami Mukulu, ngaswĩraya.

Matayo 25:41

Neryo asyabwira abʼoko byala biwe byʼamelembe ati, Mũlũe kwĩngye, ĩnywe batakirwa! Muye omo muliro wa kera na kera owakokotĩbawa busana na Satanĩ nʼabamalaĩka buwe.

Matayo 8:29

Neryo lebaya, abandu abo mobalaka bati, Tuli na mwatsi wahi nawe, uwe Mugala wa Nyamuhanga, kwehĩ? Ũkahĩka hano erĩtwagalya embere wʼomugulu kwehĩ?

Mariko 5:7

mwalaka nʼomulenge munene ati, Indi na mwatsi wahi nawe, uwe Yesu, Mugala wa Nyamuhanga Wʼendata Kutsibu kwehĩ? Ngakulemba-lemba busana na Nyamuhanga sũnyagalaye!

Luka 10:18

Yesu mwasũbĩryabo ati, Monalangira eSatanĩ ikatoga ngʼerĩpalya ĩkalũa elubula.

Luka 8:31

Nʼesyombĩnga esyo mosyalemba-lemba Yesu siti siahanesyo eriya omo kũlĩmũ.

Yoane 8:44

Ĩnywe muli bana ba tata wenyũ Satanĩ, kandi esyongumbu sya tata wenyũ syo mwanzĩre erikola. Iye nĩ mwĩtĩ. Siali mo mwatsi wʼekwenene, kusangwa sihali mwatsi wʼekwenene omo mutima wuwe. Omugulu akabũga amabehĩ, akabũga ebiwe ĩyowene, kusangwa nĩ mũbehĩ, kandi nĩ ĩse wʼamabehĩ.

AbanyaRoma 11:21

Kusangwa Nyamuhanga amabya ĩsĩalĩtabalya emitahi yʼomuti gowene, ĩsĩendĩsyakũbalya nawe.

AbanyaRoma 8:32

Nyamuhanga mwatabalya Omugala wuwe-wuwe, nĩkwa mwamusiga busana nʼĩtwe bosĩ! Oyo watuha Omugala wuwe, siendisyatuha ebindu byosĩ busana naye kwehĩ?

Eryibuka Ebihano 29:20

Omwami Mukulu sĩendĩsyalĩga eribuyira omundu oyo, nĩkwa erihitana lyʼOmwami Mukulu nʼobũha buwe byasyaka erĩhĩsya omundu oyo, nʼobuli ʼtakira lyosĩ erĩsakĩre omo kitabu ekĩ lyasyamubundako, nʼOmwami Mukulu asyalĩmya erĩna liwe lyʼeyĩkwa oko bũtũkũ.

2 Petero 2:11

Nĩkwa abamalaĩka abalengĩrebo omo maka nʼobũtokĩ sibetsongerabo nʼeritsumabo embere syʼOmukama.

2 Petero 2:5

Kandi Nyamuhanga mwatabalya ekihugo kya kera, nĩkwa mwateya Noa omũtũlĩ wʼeritunganene haguma nʼabandi balinda, mwabalyabo ekiro aleta erigunga lyʼamagetsi oko kihugo kyʼabandu abatakenga Nyamuhanga.

2 Petero 2:9

Neryo Omukama anasĩ erĩlamya abakamukenga okwʼirengwako. Nĩkwa akabika ababi erisuyirabo erĩhĩka oko kiro kyʼeritswera.

1 Yoane 3:8

Nĩkwa oyukakola ebibi ni wʼeSatanĩ, kusangwa Satanĩ atula akakola ebibi erĩtsũka erĩmbere. Omugala wa Nyamuhanga mwaminyikala busana nʼomwatsi oyũ wʼerĩherya emĩbĩrĩ yʼeSatanĩ.

Yuda 1:13

Bali ngʼebisunda byʼengetsi ebitekũbĩbawa, abakahũlũkaya emĩbĩrĩ yabo yʼesĩsonĩ ngʼerĩhũlo. Bali ngʼesyongũnũnũ esikagalaganda. Nyamuhanga abiribikirabo omwĩrĩmya wʼomũhĩndanĩa Wʼerikota.

Yuda 1:6

Kandi ngabĩbũkaya ngoko abamalaĩka abayisamambula, abatswa aho wabo, Nyamuhanga abiribikabo omo mwĩrĩmya nʼomo mũlĩkĩ Wʼerikota busana nʼEkiro kikulu kyʼeritswera.

Eribisurirwa 20:10

Neryo Dĩabolo oyo watebabo mwaguswa omo ngetsi yʼomuliro nʼobũsĩngo, aho enyama eyo nʼomũmĩnyererĩ wʼamabehĩ bagusawa; basyagalwa omo musibo nʼomo kiro kera na kera.