2 Petero 2:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Kusangwa kumbe lĩlwe lyowene busana nabo eritindaminya nʼahake enzira yʼeritunganene kwilaba eriminyayo, nʼeritswa erĩlũa oko kihano kĩbũyĩrĩre ekyo bahabawa.

Nouveau Testament et Psaumes en Ndandi Version 1962

²¹ Kusangwa ryowene kubo kumbe sibaminya enzira yeritunganene kwilaba eriminyayo nerisuba enyuma erilwa oko kihano kibuyirire bahabawa.

2 Petero 2:21 Iomraidhean Croise

Esyonyimbo 125:5

Nĩkwa usuyire abakakwama esyonzira syabo nyibi, Omugulu ukasuyira abakakola nabi! Obuholo bubye na Ĩsraelĩ!

Esyonyimbo 85:8

Nyĩnemowa ebyo Nyamuhanga Omwami Mukulu akabũga; Akabũga Obuholo kwĩtwe, abandu buwe nʼabagombe buwe, Twamatendisuba omo bũkĩrũ bwʼesyonzira syetu.

Emĩsyo 12:28

Omo nzira yʼeritunganene muli engebe; Kandi omo nzira yalyo Simuli luholo.

Emĩsyo 16:31

Omutwe wʼesyombwĩ nĩ mbĩta yʼolukengerwa; Asyabanika omo nzira yʼeritunganene.

Ezekĩelĩ 18:24

Nĩkwa omugulu omundu utunganene akabinduka akaleka eritunganene riwe, nʼerikola ebibi, nʼerikola esyonye syosĩ ngʼomundu mubi kwʼakakola, asyabyaho kwehĩ? Emĩbĩrĩ yiwe yosĩ itunganene eyo abirikola siyendisyibukwa busana nʼeriteba liwe eryo abirikola, nʼomo bibi biwe ebyo abirikola. Asyahola busana nabyo.

Ezekĩelĩ 23:13

Nage monalangira kwʼabiritsanda; abosĩ babiri mobaya omo nzira nguma.

Ezekĩelĩ 3:20

Kandi, omugulu omundu utunganene akalũa oko litunganene riwe, akakola ebibi, nage ngahĩra ekyʼerĩtwĩkalya embere siwe, asyahola; kusangwa sulitamukangirira ehee! asyahola omo bibi biwe, nʼemĩbĩrĩ yiwe itunganene eyo abirikola siyendisyibukwa; nĩkwa omusasi wuwe nasyabũlyago omo byala byawe.

Ezekĩelĩ 33:13

Omugulu ngabwira omutunganene asyabyaho kũndũ, amayiketera eritunganene riwe neryo akakola ebibi, sihali oko mĩbĩrĩ yiwe eyitunganene, owakandisyibukwa. Nĩkwa omo bibi biwe ebyo akola asyaholera mubyo.

Zefania 1:6

Kandi abasuba enyũma erireka erikwama Omwami Mukulu; kandi abatasonda-sonda Omwami Mukulu, kutse erĩmũbũlya.

Matayo 21:32

Kusangwa Yoane mwabahĩkako omo nzira yʼeritunganene, nenyũ momutamwĩkĩrĩrya; nĩkwa abasolesya nʼabamalaya mobamwĩkĩrĩrya. Nenyũ nomo mwanalangira mutya, momutabinduka erireka ebibi, mũkamwĩkĩrĩrya.

Luka 12:47

Nĩkwa omugombe oyo wabya wasĩ erisonda lyʼomukama wuwe mwatayĩtegekanĩa, kutse erikola ebyo mukama wuwe anzĩre, asyaswĩrĩbwa esyonyambĩ nyingi.

Yoane 15:22

Kumbe nyitasa nʼerĩbũga nabo, nga sibawite olubanza lwʼebibi, nĩkwa lino sibawite eriyigana ebibi byabo.

Yoane 9:41

Yesu mwabwirabo ati, Kumbe mũlũe ndĩmatĩme simwangabya nʼekibi; nĩkwa lino mũkabũga muti, Tukalangira; ebibi byenyũ ibine.

AbanyaRoma 7:12

Neryo Emigambo ĩbũyĩrĩre, kandi ekihano kĩbũyĩrĩre, kitunganene, kandi ni kibuya.

AbanyaGalatia 6:2

Muhekerane obũlĩto, neryo mutya mwasyaberererya Emigambo ya Kristo.

1 AbanyaTesalonika 4:2

Kusangwa mũnasĩ amahano ayo, twabahago omo hamũlĩ yʼomukama Yesu.

1 Timoteo 6:14

Ngakuhana nyiti, ũtegaye amategeko aya butsira kahinira kutse erigusa, erĩhĩka oko Kiro kyʼeributuka lyʼomukama wetu Yesu Kristo.

AbaEbrania 10:26

Twamasimbirira erikwama ebibi omo pono, itwamabiminya ndeke omwatsi wʼekwenene, ko hatakiri buhere busana nʼebibi.

Yakobo 4:17

Neryo, omundu oyo wasĩ ekibuya ekyo angakola, nĩkwa sialikolakyo, omundu oyũ ali mʼomusango wʼebibi.

2 Petero 3:2

Mwangibuka ebĩnywa abamĩnyererĩ babũyĩrĩre babũga kera, nʼekihano, kyʼomukama nʼomũlamya, ekyo abakwenda benyũ babaha.

Yuda 1:3

Abanze betu, nabya ngalenga kutsibu eribasakira omwatsi wʼerilama lyetu eryo tũsangĩre. Kandi naganĩraya nyiti litolere inabasakira eribalemba-lemba nyiti, Mulwire erĩkĩrĩrya eryo Nyamuhanga abiriha abandu buwe busana na kera na kera.