2 Petero 2:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Ameso wabo oswĩre mʼoluteto nʼerikwama emyatsi yosĩ yʼebibi, bakasondola abandu batasĩkĩre, nʼemitima yabo yoswĩre nʼomururu; ni bana Nyamuhanga abiritakira.

Nouveau Testament et Psaumes en Ndandi Version 1962

¹⁴ Bawite ameso oswire neri singira, sibariuguta ebibi. Bakateba emitima itasikire. Bawite emitima yabiribegera erirumwa. Ni bana beritakira!

2 Petero 2:14 Iomraidhean Croise

Yobũ 31:7

Eribasula lyage lyamabya lyabirikita oko nzira. Nʼomutima wage akwamĩre ameso wage, Kandi akatĩngũ nʼakaguma kʼebibi kamamatira oko byala byage;

Yobũ 31:9

Omutima wage amabya abĩrĩohĩbwa nʼomũkalĩ, Inabiririndirira omo lũkyo lwa mũlĩkyetu;

Emĩsyo 5:6

Kikaleka iniatabana enzira iringirirene yʼengebe; Esyonzira siwe sĩganga-gangĩre, naye sĩasĩ.

Emĩsyo 6:25

Sũkwe engumbu yʼamalya-bindu wuwe omo mutima wawe; Kutse Suleke akakuboha omo ngohe syʼameso wuwe.

Ĩsaya 1:16

Mũyeraye, muyikose. Mũlũsaye obubi bwʼerikola lyenyũ embere syʼameso wage. Mũmbaye okwʼikola ebibi.

Ĩsaya 34:5

Kusangwa omũyalĩ wage abĩrĩũgũtĩra omo lubula. Lebaya asyakĩmĩra eEdomũ busana nʼeritswera, nʼoko bandu bʼeritakira lyage, erĩheryabo.

Ĩsaya 65:20

Sihendisyaswabya lumekeke lwʼebiro bike, kutse musyakulu oyute waberererya ebiro biwe, kusangwa omwana asyahola ini wʼemyaka erĩgana, nʼoyũtehĩka oko myaka erĩgana, basyamwahula mo mutakirwa.

Yeremĩa 13:23

Ko Mũetĩopĩa angabindula erangĩ yʼengoba yiwe, kutse esoro yangabindula ebitanga-bitanga byayo kwehĩ? Nenyũ litya mwanganatoka erikola ebibuya, ĩnywe mwabiribegera erikola ebibi.

Ezekĩelĩ 13:18

Ũbũge uti, Omukama Iye Omwami Mukulu ati, Obũlĩge oko bakalĩ abakahungira emihungi oko ngokola syosĩ, nʼabakayira ebitambara busana nʼemitwe yʼobuli lulengo, busana nʼeritega emitima! Mwasyatega emitima yʼabandu bage, nʼerĩteya emitima yʼabandi busana nenyũ ĩmwebene kwehĩ?

Matayo 12:34

Ĩnywe bana bʼesyonzoka! Mwangatoka muti kwehĩ erĩbũga ebĩnywa bibuya imune babi kwehĩ? Kusangwa obuno bũkabũga ebyoswĩre omo mutima.

Matayo 23:14

Obũlĩge kwĩnywe bakangĩrĩrya bʼEmigambo, nʼAbafarĩsayo, abatebya! Kusangwa mukanyega manyũmba wʼabakwakalĩ, imukateba omwʼisaba liri-liri. Neryo mwasyasuyirwa kutsibu kwʼaho.]

Matayo 25:41

Neryo asyabwira abʼoko byala biwe byʼamelembe ati, Mũlũe kwĩngye, ĩnywe batakirwa! Muye omo muliro wa kera na kera owakokotĩbawa busana na Satanĩ nʼabamalaĩka buwe.

Matayo 5:28

Nĩkwa ĩngye ngababwira nyiti, Obuli mundu oyukasamalira omũkalĩ nʼengumbu nyibi iniamabimũsĩngĩra omo mutima wuwe.

Mariko 13:22

Kusangwa Abokristo bʼamabehĩ nʼabamĩnyererĩ bʼamabehĩ basyahuluka. Basyakangya ebĩmĩnyĩsyo nʼebyʼeriswekera busana nʼerĩtalya abayisogawa ba Nyamuhanga, kyamatokekana.

Yoane 5:44

Mukatoka erĩkĩrĩrya muti, omugulu mukabana erĩsĩkanĩa omuguma oko gundi kwehĩ, isimulisonda-sonda erĩsĩkya erĩkalũa uku Nyamuhanga ĩyowene.

AbanyaRoma 16:18

Kusangwa abandu ngʼabo sibekolera Omukama wetu Kristo, nĩkwa bakakolera esyonda syabo. Kusangwa bakateba emitima yʼabandu bate nʼamenge, omo bĩnywa bitendere nʼebyʼekĩsehya.

1 AbanyaKorinto 11:19

Kusangwa litolere ihabya erigabana omo katĩkatĩ kenyũ, neryo abakakwama ndeke ibaminyikala.

AbanyaEfeso 2:3

Netu twabya ngʼabo, itukakwama esyongumbu syʼemibiri yetu, itukakola erisonda lyʼemibiri yetu nʼobũlengekanĩa bwetu. Netu nibya ngʼabandu bosĩ, twabya tutolere erihitana nʼeritswera lya Nyamuhanga.

AbanyaEfeso 4:14

Itutaswabya bana, abakagusawa eyĩ nʼeyĩ omo bisunda byʼengetsi, kutse erihekwa ehandi nʼehandi nʼamahunga gosĩ wʼerĩkangĩrĩrya lyʼabandu abakateba, kandi abakatalaya abandu omo bũgobya bwabo.

AbanyaKolosai 2:18

Simuleke omundu eribatswera nʼeribateba ati abirilota esyonzolĩ, kutse oyo wanzĩre erĩyĩkehya, nʼerĩramya abamalaĩka. Omundu oyũ akayĩhamaya buyira busana nʼobũlengekanĩa buwe.

Yakobo 1:8

Kusangwa ni mundu wʼemitima ĩbĩrĩ, sĩasĩkĩre omo nzira siwe syosĩ.

2 Petero 2:18

Kusangwa bakabũga ebĩnywa ebyʼobusa byʼeriyipipa, ibakabirikira abandu nʼeritebabo omo mwatsi wʼesyongumbu syʼomubiri nʼesyʼerĩsĩngĩra. Abandu aba babya bakateba, babya bandu abakasonda erĩlũa ukwʼabo bĩkere omo luhabo.

2 Petero 2:3

Neryo omo muhuguru wabo abakangĩrĩrya bʼamabehĩ aba, basyababana kwʼendũndĩ omo malagu wabo abakangĩrĩrya bʼamabehĩ aba, bakera, kandi erihera lyabo likalindirirabo.

2 Petero 3:16

Kandi Paũlo akasaka atya omo syobarua siwe syosĩ nʼeriahula emyatsi eyĩ. Omo syobarua siwe, hali emyatsi eyĩkalĩre eriminya ndeke. Nĩkwa abandi bandu abatasĩ nʼabatasĩkĩre bakahengemaya emyatsi eyo, ngoko bakahengemaya awandi Masako. Aba bakayiretera erihera.

1 Yoane 2:16

Kusangwa ebyosĩ bya muna-kihugo, esyongumbu syʼomubiri, kandi esyongumbu syʼameso, kandi emiyiheko yʼabandu, ebyosĩ ebĩ ni byʼekihugo, sĩbyelũa uku Tata.

Yuda 1:11

Obũlĩge kubo! Kusangwa babirikwama enzira ya Kaĩna, kandi bakanguha erikwama eritala lya Balama busana nʼebihembo, kandi babirihera omwʼiyisamambula lya Kora.

Eribisurirwa 12:9

Kandi ekiyoka kinene ekyo mokyaguswa ahisi! Ekyo ni kiyoka kya kera ekikahulawa mo Dĩabolo nʼeSatanĩ, oyukateba ekihugo kyosĩ. Mokyaguswa ahisi oko kihugo, nʼabamalaĩka bakyo mobaguswa ahisi haguma nakyo.