2 Petero 2:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Kwilaba aho, akabikabo busana nʼerisuyirabo ekiro kyʼeritswera abakakwama esyongumbu syabo esĩtĩsĩrĩre syʼomubiri, isibetsomana ehamũlĩ ya Nyamuhanga. Abakangĩrĩrya aba bakalĩre, kandi bakayipipa, nʼerikola erisonda lyabo. Sibekenga abʼolukengerwa bʼendata, nĩkwa bakatsumabo.

Nouveau Testament et Psaumes en Ndandi Version 1962

¹⁰ nikwa okwilaba abakakwama omubiri nengu mbu yesyonye nabakapona ehamuli. Ni bobulumelume neriyipipa, sibariubaha eritsuma abolukengerwa,

2 Petero 2:10 Iomraidhean Croise

Enzũko 49:6

Uwe mutima wage, sũhĩke omo mbĩta yabo; Olukengerwa lwage, silubegerane omo ndeko syabo; Kusangwa omwʼihitana lyabo mobĩta abandu, Nʼomo bukali bwabo mobakona esyonume syʼesyonde.

2 Samwelĩ 20:1

Kandi mohahuluka omundu mutya-mutya, erĩna liwe iyo Seba mugala wa Bĩkũrĩ, Omũbenyamĩna; naye mwabuha engubi, ati, Situli nʼoluhande na Dawĩdĩ, kutse situwite omwandu uku mugala wa Yese; ĩnywe Baĩsraelĩ, obuli mundu aye omo hema yiwe.

1 Abami 12:16

Neryo omugulu Abaĩsraelĩ bosĩ balangira ngoko mwami sĩalĩtowabo, abandu mobasũbĩrya omwami bati, Tuwite erĩgabo lyahi uku Dawĩdĩ kwehĩ? Kandi situwite mwandu uku mugala wa Yese; ĩnywe Baĩsraelĩ, muye omo mahema wenyũ; na lino, uwe Dawĩdĩ, Ũlebaye ekĩtũnga kyawe ĩkyokyene. Neryo Abaĩsraelĩ mobasuba omo mahema wabo.

Esyonyimbo 12:4

Bakabũga bati, Twasyasĩngana omo lulimi lwetu, Emĩnywa yetu ni yetu, Nindi akatutabalako kwehĩ?

Erĩlũayo 22:28

Susyetsuma Nyamuhanga, kutse eritakira omũtabalĩ wʼabandu benyũ.

Omũgambũlĩ 10:20

Kandi sigutsume omwami, ekatĩ kawe, kandi sigutsume owʼebindu, ekatĩ kawe, kusangwa enyonyũ yʼekyanya ikandiheka omulenge, nʼekiwite ebĩpũpa kvasvatũla omwatsi wawe oyo.

Yeremĩa 2:31

Uwe kihanda, mowe ekĩnywa kyʼOmwami Mukulu. Nabiribya mbwarara busana na Ĩsraelĩ kwehĩ? Kutse ekihugo kyʼomwĩrĩmya mungi kwehĩ? Busana nakĩ abandu bage bakabũga bati, Tuli nʼobwĩranda bwʼeriganga-ganga. Sĩtwendĩsyaswahĩka ukʼuwe?

Emiganzo 15:30

Nĩkwa omundu oyukakola kyahi nʼeriyiririra, kutse amabya embutirwa yʼeka, kutse omubunga, omundu oyukatsuma Omwami Mukulu; omundu oyo asyagabulwa oko bandu buwe.

Luka 11:25

Neryo kyamabĩhĩkaho kĩkeya enyũmba eyo ĩyĩnabĩrĩrye, ĩyĩnakomĩre.

Luka 19:14

Nĩkwa abandu buwe mobamũkwa obusu, mobamutumira abakwenda bati, Sĩtwanzĩre omundu oyukatutabalako.

Emibiri 23:5

Nĩkwa Paũlo mwabũga ati, Balĩkyetu sĩndwe nyasĩ kwʼali mũhererĩ mukulu oko bahererĩ bosĩ. Kusangwa kĩsakĩre kiti, Sũsyebũga ekibi busana nʼomũtabalĩ wʼabandu benyu.

AbanyaRoma 8:1

Neryo sihali eritswerwa oko bawatene na Kristo Yesu.

1 AbanyaKorinto 6:9

Kandi sĩmwasĩ kwʼabatatunganene ko batendisyasangira oko bwami bwa Nyamuhanga kwehĩ? Sĩmũtebĩbawe; abʼamaragane, kutse abakasaba esyosanamu, kutse abatetĩ, kutse abalume abakatetana,

2 AbanyaKorinto 10:3

Ni kwenene twĩkere omo kihugo, nĩkwa situlilwa ngʼabandu bʼekihugo.

AbanyaEfeso 4:19

Sĩbekwa esĩsonĩ; kandi bakayitwala okwʼĩsĩngĩra lyosĩ, bakakola obuli mũsĩndo wʼebĩtĩsĩrĩre nʼobururu.

AbanyaEfeso 5:5

Muminye ndeke ngoko obuli mũsĩngĩrĩ, kutse omundu oyukakola ebĩtĩsĩrĩre, kutse omururu, (obururu nĩ mũsĩndo wʼerĩramya esanamu), siendisyasangira omo bwami bwa Kristo na Nyamuhanga.

AbanyaKolosai 3:5

Neryo mwĩte esyongumbu syenyũ syʼekihugo, syesĩ: erĩsĩngĩra, ebĩtĩsĩrĩre, engumbu nyibi, erisonda ibi, nʼobururu bʼomũsĩndo wʼerikwama esyosanamu.

1 AbanyaTesalonika 4:7

Kusangwa Nyamuhanga mwatatubirikira busana nʼerikwama oluteto, nĩkwa mwatubirikira erikwama ebĩbũyĩrĩre.

2 Timoteo 3:2

Kusangwa abandu basyabya abakayanza, nʼerianza ebindu, abakayipipa, abakayiheka, abatsũmĩ, abatĩowa ababũtĩ babo, abate nʼewasĩngya, abatesoma.

Tito 1:7

Kusangwa omukulu Oyukasondola omũbĩrĩ wa Nyamuhanga, litolere iniabya butsira kahinira. Siabye oyukayiheka, kutse oyukahitana lũba, kutse eribya mũkũndĩrya, kutse wʼomwaga, kutse oyuli nʼomwĩso.

AbaEbrania 13:4

Abandu bosĩ bakenge erĩherũkya, nʼengyingo yabo ibye yabo ĩbobene-bene; kusangwa Nyamuhanga asyatswera abʼamaragane nʼabasĩngĩrĩ.

2 Petero 3:3

Nĩkwa mũtsũke eriminya omwatsi ono, oko biro byʼenyũma abasĩnĩngũlĩ basyahuluka, abakakwama esyongumbu syabo. Basyabasĩnĩngũlĩra bati,

Yuda 1:10

Nĩkwa kandi abandu aba bakatsuma emyatsi eyo batasĩ. Kandi emyatsi yosĩ eyo basĩ omo mĩbĩrĩ yabo, ngʼesyonyama esitawite obũlengekanĩa, emyatsi eyo yo yĩkaherayabo.

Yuda 1:16

Abandu aba bakatonga, nʼerirega abandi, ibakakwama esyongumbu syabo nyibi. Bakabũga nʼerĩyĩhamya, kandi bakapipa abandu busana nʼeribana kubo kwʼendũndĩ.

Yuda 1:18

Babya bakababwira bati, Oko migulu yʼenyũma-nyũma hasyabya abasegemetererya, abakakwama esyongumbu syabo nyibi.

Yuda 1:4

Kusangwa abandi bandu, abatekenga Nyamuhanga, babiringira omo katĩkatĩ ketu mo bũbĩso-bĩso. Abandu aba bakahengemaya olukogo lwa Nyamuhanga wetu omo nzira yʼerikwama esyongumbu nyibi, ibakagana Omukama muguma wetu nʼomukulu wetu Yesu Kristo. Kera Amasako mwahula omusango wabo oyũ.

1 Samwelĩ 10:27

Nĩkwa abandi bandu batya-batya mobabũga bati, Omundu oyũ asyatũlamya ati kwehĩ? Mobamupona, mobatamuha olũsũnzo. Nĩkwa iye mwayihunira.