2 Petero 2:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Nĩkwa mohahuluka abamĩnyererĩ bʼamabehĩ omo katĩkatĩ kʼabandu, kandi litya abakangĩrĩrya bʼamabehĩ basyahuluka omo katĩkatĩ kenyũ. Nabo basyĩngĩrya erĩkangĩrĩrya lyʼamabehĩ, erĩkaheraya. Abo basyagana Omukama oyo wagulabo, ibakayilretera erihera lyo lũba.

Nouveau Testament et Psaumes en Ndandi Version 1962

¹ Nikwa abaminyereri bamabihi mobahangana omukati-kati kabandu, ngoko hakandisyabya abakangirirya bamabihi omukati-kati kenyu abakandisingirya erikangirirya ryeriherya, ibakagana oMukama oyo wagulabo, ibayiletera erihera ryoluba.

2 Petero 2:1 Iomraidhean Croise

1 Abami 22:6

Neryo omwami wa Ĩsraelĩ mwahĩndanĩa haguma abamĩnyererĩ nga bandu magana ani, mwabũlyabo ati, Nyinayalwe nʼeRamotĩ-gĩleadĩ, kutse nyũmbaye kwehĩ? Nabo mobabũga bati, Uhetukireyo kusangwa Omukama asyahĩrago omo byala byʼOmwami.

Erĩlũayo 15:16

Obuba nʼeriubaha byabirihambabo; Busana nʼobukulu bʼokuboko kwawe bali bũkũtũ ngʼerĩbwe; Erĩhĩka oko mugulu abandu bawe bamabisoka, uwe Mwami Mukulu, Erĩhĩka omugulu abandu abo wagula bamabisoka.

Ĩsaya 9:15

Omutwe yo mundu mukulu nʼomundu oyũsĩkĩbwe, nʼomũmĩnyererĩ oyũkakangĩrĩraya amabehĩ, go mukira.

Yeremĩa 29:21

Omwami Mukulu wʼemilondo, Nyamuhanga wa Ĩsraelĩ akabũga busana na Ahabũ mugala wa Kolaya, na busana na Zedekĩa mugala wa Masea, abakaminyerera busana nenyũ nʼamabehĩ oko lĩna lyage: Lebaya, nasyahĩrabo omo byala bya Nebũkadeneza omwami wʼeBabelĩ, naye asyĩtĩrabo embere syʼameso wenyũ.

Yeremĩa 37:19

Lino abamĩnyererĩ benyũ bali hahi abaminyerera busana nenyũ bati, Omwami wʼeBabelĩ siendisyalwa nenyũ, kutse erilwa nʼekihugo kino kwehĩ?

Yeremĩa 6:13

Kusangwa erĩtsũka oko muke wa kubo erĩhĩka oko mukulu wa kubo obuli muguma akwĩre obururu bwʼendũndĩ. Nʼerĩtsũka oko mũmĩnyererĩ nʼerĩhĩka oko mũhererĩ obuli muguma akateba.

Ekiriro 2:14

Abamĩnyererĩ bawe babirilangira busana nawe Erilota eryʼamabehĩ nʼesyonzolĩ ngyĩrũ. Mobatakũnũngũla obubi bwawe, Busana nʼerĩsũbũlya obunyegwa bwawe, Nĩkwa babirilangira busana nawe Emyatsi yʼamabehĩ nʼemyatsi yʼerĩkũtalya.

Hosea 9:8

Efũraĩmũ abya mũteya haguma na Nyamuhanga wage; abya mũmĩnyererĩ, nĩkwa ekitego kyʼoyukahamba enyonyũ kiri omo syonzira siwe syosĩ, kandi obũyĩgũ buli omo nyũmba ya Nyamuhanga wuwe.

Mĩka 2:11

Omundu amakwama erĩhũnga nʼeribiha, amabiha ati, Nasyababwira busana nʼebĩnyũ nʼobũhĩre kutsibu; iye iniabya mbũyĩ oko bandu aba.

Mĩka 3:11

Abasondolĩ bako bakatswera busana nʼerihembwa, nʼabahererĩ bako bakakangĩrĩraya busana nʼobũhĩngĩ, nʼabamĩnyererĩ bako bakalagula busana nʼesyofranka. Nĩkwa bakayegemeraya oko Mwami Mukulu, bakabũga bati, Omwami Mukulu siali omo katĩkatĩ ketu kwehĩ? Erĩkwa siryendĩsyatũhĩkako.

Mĩka 3:5

Omwami Mukulu akabũga busana nʼabamĩnyererĩ abakatalaya abandu bage! Omugulu bawite ekindu kyʼerirya, bakabirikira bati, Obuholo; nʼoyũtehĩra akalyo omo buno bwabo, abakamũtegekanĩraya amalwa.

Malakĩ 3:5

Neryo nasyasegera hakũhĩ nenyũ omwʼitswera; kandi nasyabya mũlangĩrĩ oyukanguha erilwa nʼabakũmũ, nʼabasĩngĩrĩ, nʼabakalahĩraya nʼamabehĩ, nʼabakanũbaya omũhĩngĩ oko bũhĩngĩ buwe, nʼomũkwakalĩ, nʼengũbĩ, nʼabakakĩtaya omubunga, kandi sibalinyubaha, Omwami Mukulu Wʼemilondo atya.

Matayo 10:33

Nĩkwa oyukanyigana embere syʼabandu, neryo nage nibya nasyamugana embere sya Tata wage oyuli elubula.

Matayo 24:11

Kandi abamĩnyererĩ bʼamabehĩ basyahangana nʼerĩtalya abangi.

Matayo 24:24

Kusangwa abakristo bʼamabehĩ nʼabamĩnyererĩ bʼamabehĩ basyahuluka basyakangya ebĩmĩnyĩsyo nʼebyʼeriswekera, busana nʼerĩtalya abayisogawa ba Nyamuhanga, kyamatokekana.

Matayo 24:5

Kusangwa abangi basyasa omo lĩna lyage bati, Ĩngye indi Kristo, kandi basyatalya bandu bangi.

Matayo 7:15

Mũyĩtegaye busana nʼabamĩnyererĩ bʼamabehĩ, abakabahĩkako ĩbayĩsosekenĩe ngʼesyombũlĩ, nĩkwa omwisi wʼemitima yabo ni mbwa syʼomolĩ esĩkalĩre kutsibu.

Mariko 13:22

Kusangwa Abokristo bʼamabehĩ nʼabamĩnyererĩ bʼamabehĩ basyahuluka. Basyakangya ebĩmĩnyĩsyo nʼebyʼeriswekera busana nʼerĩtalya abayisogawa ba Nyamuhanga, kyamatokekana.

Luka 12:9

Nĩkwa oyukanyigana embere syʼabandu, Omugala wʼOmundu asyamugana embere syʼabamalaĩka ba Nyamuhanga.

Luka 21:8

Yesu mwabũga ati, Mũtegaye, sĩbabatalaye! Kusangwa bandu bangi basyasa omo lĩna lyage bati, Ĩngye indi ye! Kandi omugulu oyo abĩrĩhĩka! Nĩkwa isimwasyakwamabo.

Luka 6:26

Obũlĩge kwĩnywe omugulu abandu bosĩ basyabahula ndeke, kusangwa aboso-kulu wabo mobakola abamĩnyererĩ bʼamabehĩ bo batya.

AbanyaRoma 16:18

Kusangwa abandu ngʼabo sibekolera Omukama wetu Kristo, nĩkwa bakakolera esyonda syabo. Kusangwa bakateba emitima yʼabandu bate nʼamenge, omo bĩnywa bitendere nʼebyʼekĩsehya.

1 AbanyaKorinto 11:19

Kusangwa litolere ihabya erigabana omo katĩkatĩ kenyũ, neryo abakakwama ndeke ibaminyikala.

1 AbanyaKorinto 6:20

Abiribagula omo bũgũlĩ. Neryo omo mibiri yenyũ, muletere Nyamuhanga yʼolukengerwa.

1 AbanyaKorinto 7:23

Nyamuhanga mwabagula nʼobũgũlĩ; neryo Simubye bakobe bʼabandu.

AbanyaGalatia 2:4

Nĩkwa abandi abayahula mo balĩkyetu, mobasonda erĩmũbanĩa. Abandi aba mobĩngĩre omo katĩkatĩ ketu mo bũbĩso-bĩso, eriyalinga obwĩranda bwetu obo tuwite, itumatikene na Kristo Yesu, ibakasonda erituyira mo bakobe.

AbanyaGalatia 3:13

Kristo abĩrĩtũtongolya okwʼitakirwa lyʼEmigambo, iniabiritakirwa omo mwanya wetu, kusangwa kĩsakĩre kiti, Obuli mundu oyũhanĩkĩrwe oko muti abye mutakirwa.

AbanyaGalatia 4:17

Abandu abo bakabasonda-sondaya kutsibu, nikwa butsira omo mwatsi owene, nĩkwa banzĩre eritugaba, bati mukwamebo kutsibu.

AbanyaGalatia 5:20

erisaba esyosanamu, erilagula, obũyĩgũ, erilwa, obũha, erihitana, erinegena, erĩkangĩrĩrya lyʼamabehĩ,

AbanyaEfeso 1:7

Kusangwa twabĩrĩtongolĩbwa omo musasi wa Kristo, kandi abiritubuyira amalolo wetu. Kwenene olukogo lwa Nyamuhanga ni lunene,

AbanyaEfeso 4:14

Itutaswabya bana, abakagusawa eyĩ nʼeyĩ omo bisunda byʼengetsi, kutse erihekwa ehandi nʼehandi nʼamahunga gosĩ wʼerĩkangĩrĩrya lyʼabandu abakateba, kandi abakatalaya abandu omo bũgobya bwabo.

Eryibuka Ebihano 32:6

Mũkatũha Omwami Mukulu mutya, Ĩnywe bandu bakĩrũ abate na menge kwehĩ? Iye si tata wenyũ oyo wabagula kwehĩ? Abiribahangika, nʼerĩbahanganĩa.

AbanyaFilipi 3:19

Endũlĩ yabo basyaherĩbwa, kandi babiriyira esyongumbu syabo mo nyamuhanga wabo. Bakayihalamba omo myatsi yʼesĩsonĩ, bandu bʼekihugo.

AbanyaKolosai 2:18

Simuleke omundu eribatswera nʼeribateba ati abirilota esyonzolĩ, kutse oyo wanzĩre erĩyĩkehya, nʼerĩramya abamalaĩka. Omundu oyũ akayĩhamaya buyira busana nʼobũlengekanĩa buwe.

AbanyaKolosai 2:8

Mũtegaye, Sihabye mundu oyukabanyega omo menge wʼabandu nʼeriteba buyira erĩkalũa oko mitsye yʼabandu, nʼoko myatsi yʼebĩrĩmũ ebikatabala oko bihugo, eyĩtalũa uku Kristo.

1 Timoteo 5:8

Nĩkwa omundu amatendirembera abʼekĩtũnga kiwe, kutse kwilaba abʼenyũmba yiwe, omundu oyo abirigana ekisomo, kandi ni mubi kwilaba oyũtĩkĩrĩrye.

2 Timoteo 4:3

Kusangwa omugulu asyasa isibendĩsyowa erĩkangĩrĩrya lyʼekwenene, nĩkwa basyakwama esyongumbu syabo, nʼeriyibanira abakangĩrĩrya abakabũga ebĩnywa byʼekĩsehya.

Tito 1:11

Litolere erĩhũneryabo, kusangwa bakatsandaya amalengekanĩa wʼabandu abʼawandi manyũmba, ĩbakakangĩrĩrayabo ebitatolere, busana nʼeribana endũndĩ yabo nyibi.

Tito 3:10

Omundu oyukaleta obuhaka busana nʼerĩkangĩrĩrya lyawe, umukunge esyongendo ĩbĩrĩ, neryo iwamugana.

AbaEbrania 10:29

Nʼoyukapona Omugala wa Nyamuhanga, nʼerilangira omusasi wʼendagane owamuhigula ngʼekindu buyira, atolere erisuyirwa kutsibu kwʼaho. Nʼoyukatsuma Omũlĩmũ wʼolukogo, uti omundu oyo siatolere erisuyirwa erĩkalĩre kutsibu kwʼaho kwehĩ?

1 Petero 1:8

Neryo mukanza Yesu Kristo nomo mutetamulolako, kandi mũkamwĩkĩrĩraya nomo mutetamulangira lino, kandi mukatsema kutsibu nʼobutseme obutetoka eriahulwa, obuwite olukengerwa.

2 Petero 2:3

Neryo omo muhuguru wabo abakangĩrĩrya bʼamabehĩ aba, basyababana kwʼendũndĩ omo malagu wabo abakangĩrĩrya bʼamabehĩ aba, bakera, kandi erihera lyabo likalindirirabo.

1 Yoane 2:26

Nabiribasakira emyatsi eyĩ busana nʼabo abakalenga erĩbatalya.

1 Yoane 4:1

Abanze betu, sĩmwĩkĩrĩraye obuli kĩrĩmũ, nĩkwa mulenge oko bĩrĩmũ byʼabandu erĩrebya nga bĩkalũa uku Nyamuhanga; kusangwa abamĩnyererĩ bangi bʼamabehĩ babiriyitsatsanga omo kihugo.

Yuda 1:18

Babya bakababwira bati, Oko migulu yʼenyũma-nyũma hasyabya abasegemetererya, abakakwama esyongumbu syabo nyibi.

Yuda 1:4

Kusangwa abandi bandu, abatekenga Nyamuhanga, babiringira omo katĩkatĩ ketu mo bũbĩso-bĩso. Abandu aba bakahengemaya olukogo lwa Nyamuhanga wetu omo nzira yʼerikwama esyongumbu nyibi, ibakagana Omukama muguma wetu nʼomukulu wetu Yesu Kristo. Kera Amasako mwahula omusango wabo oyũ.

Eribisurirwa 13:14

Nĩkwa ikateba abandu bosĩ abĩkere omo kihugo busana nʼebitiko-tiko ebyo yahabawa erikola embere wʼenyama yʼerĩmbere. Enyama eyĩ moyabwira abandu bosĩ abĩkere munakihugo iti, bakokotaye esanamu busana nʼenyama eyahutala ekironda kyʼomo mũyalĩ, nʼeriswabyaho.

Eribisurirwa 2:13

Nyĩnasĩ aho wĩkere aho Satanĩ awite ekĩtũmbĩ kiwe kyʼobwami. Nyĩnasĩ ko gũkasĩma erĩna lyage, kandi sulitaleka erĩnyĩkĩrĩrya omo biro bya Antĩpa omũtũlĩ wʼomwatsi wage, omundu wage oyuteregula, oyo wĩtĩrawa omo katĩkatĩ kenyũ aho Satanĩ ĩkere.

Eribisurirwa 2:9

Nyĩnasĩ amalĩge wawe nʼobwera bwawe, nĩkwa uli wʼebindu. Nyĩnasĩ ebĩtsũmĩ byʼabakayahula mo Bayũda, nĩkwa isibo, nĩkwa ni bʼenyũmba yʼerĩhĩndana lyʼeSatanĩ.

Eribisurirwa 3:8

Nyĩnasĩ emĩbĩrĩ yawe. Lebaya, nabĩrĩhĩra embere syawe Olũyĩ lũkĩngwĩre, isihali mundu wangatoka erikingalo, kusangwa uwite amaka make, kandi wabĩrĩteya ekĩnywa kyage, isulitagana erĩna lyage.

Eribisurirwa 5:9

Nabo mobimba Olwimbo luhya-luhya bati, Uwe utolere erihamba ekitabu Nʼerĩtwa ebĩbohĩ byakyo. Kusangwa wakerawa, kandi omo musasi wawe Mowagula abandu busana na Nyamuhanga, Omo buli kihanda, nʼobuli mũbũge, nʼobuli bandu, nʼobuli kĩtũnga.

Eribisurirwa 6:10

Neryo mobabirikira nʼomulenge munene bati, Uwe Mukama, oyũbũyĩrĩre nʼowʼekwenene! Wasyalinda emigulu yingahi okwʼitswera nʼerĩkĩsya omusasi wetu ukwʼabo bĩkere omo kihugo kwehĩ?