2 Petero 1:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ nʼokwʼiminya lyenyũ, mutomeke erĩyĩteya; nʼokwʼĩyĩteya lyenyũ mutomeke erĩyĩyĩnĩa;

Nouveau Testament et Psaumes en Ndandi Version 1962

⁶ nokwiminya erikakirya, nokwikakirya erisika, nokwisika erikenga Mungu,

2 Petero 1:6 Iomraidhean Croise

Enzũko 5:24

Neryo Enoka mwabya akalendera haguma na Nyamuhanga, neryo mwataswabya eno, kusangwa Nyamuhanga mwamutwala.

Esyonyimbo 37:7

Uyibombeke embere syʼOmwami Mukulu, umulinde nʼerĩsĩkya-sĩkya omutima, Sũhahũkaye omutima busana nʼabakabana omugaso, Kutse busana nʼabakagasa omo syombĩta nyibi syabo.

Ĩsaya 57:1

Omundu oyutunganene akahera, isihali mundu oyukatsomana. Abandu bakakenga Nyamuhanga bakalũsĩbawaho, isihali oyũkaganĩraya. Kusangwa omundu oyutunganene akalũsĩbawa ahali ebibi.

Luka 21:19

Busana nʼerihatikana lyenyũ mwasyabana engebe yenyũ.

Luka 8:15

Esyombuto esyatogera oko kitaka kyowene ba bandu abakowa ekĩnywa ekyo omo mutima ogowene wʼekwenene, ibakahambakyo ndeke omo mutima, neryo ibakahatikana, nʼerĩerya esyombuto syʼekĩnywa kya Nyamuhanga.

Emibiri 24:25

Kandi omugulu Paũlo abya akakanĩa omwatsi wʼeritunganene nʼowʼerĩyĩteya, nʼomwatsi wʼeritswera erikandisyasa, Felĩkĩ mubaha ati, Lino ukatagenda, neryo nasyabya nabibana omugulu nasyaswakubirikira.

AbanyaRoma 15:4

Kusangwa ebyosĩ ebyasakawa erĩmbere omo Masako byasakawa busana nʼerĩtũkangĩrĩrya. Neryo Amasako akatuha eriyitsingirira nʼerihanda omutima, itwatoka eribya nʼamaha.

AbanyaRoma 2:7

Nyamuhanga asyaha engebe yʼerikota oko bakayitsingirira omo mikolere yowene, ibakasonda olukengerwa, nʼerĩsĩkya nʼebitehola.

AbanyaRoma 8:25

Nĩkwa twamahĩra amaha oko ekyo tutelolako, tukayitsingirira nʼeririndirirakyo.

1 AbanyaKorinto 9:25

Neryo obuli mundu oyukakwama amatangwa, akayĩtegaya kutsibu omo myatsi yosĩ. Bakakola batya bati babane embĩta yʼebiti ebikalagala, nĩkwa ĩtwe tũkayĩtegaya busana nʼembĩta eyitelagala na kera.

2 AbanyaKorinto 6:4

Nĩkwa omo myatsi yosĩ tũkayĩkanganaya ngʼabagombe ba Nyamuhanga, ĩtũkayĩyĩnaya kutsibu, itukalola oko malĩge, nʼeribula ebitolere, itukagalawa.

AbanyaGalatia 5:23

omutima molo, nʼerĩyĩteya. Sihali omugambo owakalwa nʼemyatsi eyĩ.

AbanyaKolosai 1:11

Kumbe mukabana maka nʼakagala kosĩ ebĩkalũa omo bũtokĩ bubuya buwe, imwatoka erĩyĩyĩnĩa omo myatsi yosĩ haguma nʼeriyibombeka.

1 AbanyaTesalonika 1:3

Tukibuka embere sya Nyamuhanga Tata wetu, ngoko mukakola omwʼĩkĩrĩrya nʼomo lwanzo; kandi ngoko mũsĩkĩre omo maha wenyũ busana nʼOmukama wetu Yesu Kristo.

2 AbanyaTesalonika 1:4

Ekyo kikaleka itwayihalamba busana nenyũ omo katĩkatĩ kʼamakanĩsa wa Nyamuhanga. Tukayihalamba busana nʼerĩyĩyĩnĩa lyenyũ nʼerĩkĩrĩrya lyenyũ omwʼendererĩbwa lyenyũ lyosĩ, nʼamalĩge wenyũ, ebyo mukagalawamo.

2 AbanyaTesalonika 3:5

Neryo Omukama asondole emitima yenyũ omo lwanzo lwa Nyamuhanga nʼomwʼĩyĩyĩnĩa eryo Kristo akaha.

1 Timoteo 2:10

Nĩkwa babye nʼemikolere mibuya, eyitolere abakalĩ abakayahula mo bandu abakakenga Nyamuhanga.

1 Timoteo 2:2

Kandi busana nʼabami, nʼabandi bosĩ abakatabala, tutoke erisiba buholo butsira mwaga, itukakenga Nyamuhanga, nʼeriyitondeka ndeke.

1 Timoteo 3:16

Sihali oyo wangagana obukulu bwʼerĩkũmbo lyʼekisomo kyetu tuti, Mwabutuka omo mubiri wʼabandu, Mwasĩngana ngʼomutunganene omo Mũlĩmũ, Kandi mwalolwako nʼabamalaĩka, Mwatũlaganĩbwa omo katĩkatĩ kʼebihanda, Mwĩkĩrĩrĩbwa omo kihugo, Mwatwalwa omo lukengerwa lwʼelubula.

1 Timoteo 6:11

Nĩkwa uwe, mundu wa Nyamuhanga, Usage emyatsi yosĩ eyĩ, ukwamirire eritunganene, erikenga Nyamuhanga, erĩkĩrĩrya, olwanzo, erĩsĩka, erihehera.

1 Timoteo 6:3

Omundu amaleta erĩkangĩrĩrya lyʼogundi mũsĩndo, ĩsĩalĩrĩga ebĩnywa byʼekwenene byʼomukama wetu Yesu Kristo, kutse erĩkangĩrĩrya erĩkakenga Nyamuhanga,

1 Timoteo 6:6

Nĩkwa erikenga Nyamuhanga likaleta endũndĩ nene, omundu amabya akatsemera ebyo awite.

2 Timoteo 3:5

bakwamĩre omuhanda wʼekisomo, nĩkwa bakagana obũtokĩ bwakyo. Usage abandu ngʼaba.

Tito 1:1

Ĩngye Paũlo, omugombe wa Nyamuhanga, nʼomukwenda wa Yesu Kristo, Ĩngye nayisogawa, kandi natumawa erĩwatĩkya erĩkĩrĩrya lyʼabandu Nyamuhanga ayisoga. Kandi erĩwatĩkyabo eriminya ekyʼekwenene omo kisomo kyetu kyʼerikenga Nyamuhanga.

Tito 1:8

Nĩkwa abye oyũkakokaya abagenĩ, ĩnĩanzĩre ekibuya. Atolere iniabya oyukayihana, oyutunganene, oyũbũyĩrĩre, oyũkayĩtegaya.

Tito 2:2

Ubwire abasyakulu uti sĩbakũnde, babye bʼamenge, bayĩtegaye; babye abakalĩre omwʼĩkĩrĩrya, nʼomo lwanzo, nʼomwʼĩyĩyĩnĩa.

AbaEbrania 10:36

Neryo litolere ĩmwayĩyĩnĩa, neryo imwakola erisonda lya Nyamuhanga, imwatoka eribana ebyo Nyamuhanga alaga.

AbaEbrania 12:1

Nĩkwa ĩtwe, kusangwa tũtĩmbĩrweko nʼendeko nene yʼabalangĩrĩ, tũyĩlũsaye kwʼebyosĩ ebĩkatũkakĩraya, nʼebibi ebikatuhamba, tutibite nʼerĩyĩyĩnĩa omo matangwa awali embere syetu.

AbaEbrania 6:12

Tuti Simubye nʼobũtowa nĩkwa mubye mũkagerereraya abĩkĩrĩraya nʼerĩyĩyĩnĩa nʼeriangirira ebyo Nyamuhanga alaga.

AbaEbrania 6:15

Abrahamũ mwalindirira nʼeritindaluha, neryo mwasunga ebyo Nyamuhanga alaga.

2 Petero 1:3

Obũtokĩ bwa Nyamuhanga bwabirituha emyatsi yosĩ eyitutolere, busana nʼeribyaho omo ngebe ya Nyamuhanga, nʼerikenga Nyamuhanga. Abirituha emyatsi eyĩ kusangwa twabiriminya kwenene oyo watubirikira erisangira olukengerwa luwe nʼobubuya buwe.

2 Petero 3:11

Neryo kusangwa emyatsi yosĩ eyĩ yasyaherĩbwa itya, ĩnywe mwangabya bandu bʼomũsĩndo wahi kwehĩ? Mwangabya bandu bʼemigendere ĩbũyĩrĩre nʼerikenga Nyamuhanga.

Eribisurirwa 1:9

Ĩngye indi Yoane, omũlĩkyenyũ, kandi indi mũsangĩrĩ wenyũ omo malĩge, nʼomo bwami, nʼerĩyĩyĩnĩa, ebikawatana na Yesu, nabya omo kitsira ekikahulawa mo Patemo. Nabyaho kusangwa nakangaya ekĩnywa kya Nyamuhanga, ĩnĩngatũla omwatsi wa Yesu.

Eribisurirwa 13:10

Omundu oyo wangahambwa mo mukobe, asyahambwa mo mukobe kwenene. Kandi oyo wangakwa omo mũyalĩ, naye ĩnĩakwa omo mũyalĩ. Erĩ niʼyitsingirira nʼerĩkĩrĩrya lyʼabandu ba Nyamuhanga.

Eribisurirwa 14:12

Hano ho hali erĩyĩyĩnĩa lyʼabandu ba Nyamuhanga, abakategaya ebihano bya Nyamuhanga, kandi siberegula busana na Yesu.

Eribisurirwa 2:2

Nyĩnasĩ emĩbĩrĩ yawe, nʼerinuba lyawe, nʼeriyibombeka lyawe. Nyĩnasĩ ko gũterĩga abandu babi, kandi wabirirenga oko bandu abakayahula mo bakwenda, nĩkwa isi bakwenda, iwabiribanabo mo babehĩ.