2 Petero 1:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Obũtokĩ bwa Nyamuhanga bwabirituha emyatsi yosĩ eyitutolere, busana nʼeribyaho omo ngebe ya Nyamuhanga, nʼerikenga Nyamuhanga. Abirituha emyatsi eyĩ kusangwa twabiriminya kwenene oyo watubirikira erisangira olukengerwa luwe nʼobubuya buwe.

Nouveau Testament et Psaumes en Ndandi Version 1962

³ Akagala kuwe koMungu kabirituha emyatsi yosi eyikabya oko ngebe nerikenga Mungu, busana neriminya ryoyo watubi rikira omo lukengerwa luwe nobubuya buwe,

2 Petero 1:3 Iomraidhean Croise

Esyonyimbo 110:3

Abandu bawe basyayiha ukʼuwe ekiro wasyalwa nʼesyonzĩgũ syawe. Oko bitwa bĩbũyĩrĩre, ngʼekimi kyʼengyakya-ngyakya, Abalwana bawe basyakũhĩkako.

Esyonyimbo 84:11

Kusangwa Omwami Mukulu Nyamuhanga nĩ mũhanganĩrĩ wage, nʼomwami wʼolukengerwa, Omwami Mukulu akatutsumula nʼobubuya nʼerĩsĩkya. Sialikaga ekindu nʼekiguma kibuya oko bakakola ebitunganene.

Emĩsyo 12:4

Omũkalĩ mugenge nĩ kakĩra kʼĩba wuwe; Nĩkwa oyukahemula ali ngʼerihonda omo makũha wuwe.

Emĩsyo 31:10

Omũkalĩ mugenge nindi wanganabana kwehĩ? Kusangwa enzwere yiwe ĩlabĩre esyolulu syo kutsibu.

Emĩsyo 31:29

Abana-bato bangi babirikola ebibuya, Nĩkwa uwe ũlabĩrye abosĩ omo bubuya.

Matayo 28:18

Neryo Yesu mwasa mwabũga nabo ati, Ehamũlĩ yosĩ nabirihabwayo omo lubula nʼomo kihugo.

AbanyaRoma 8:32

Nyamuhanga mwatabalya Omugala wuwe-wuwe, nĩkwa mwamusiga busana nʼĩtwe bosĩ! Oyo watuha Omugala wuwe, siendisyatuha ebindu byosĩ busana naye kwehĩ?

AbanyaRoma 9:24

Kusangwa nĩ ĩtwe abirikira, butsira omo katĩkatĩ kʼAbayũda basa, nĩkwa omo katĩkatĩ kʼEbihanda nibya.

1 AbanyaKorinto 1:9

Nyamuhanga sialiregula, naye abiribabirikira erisakana nʼomugala wuwe, Omukama wetu Yesu Kristo.

2 AbanyaKorinto 12:9

Naye mwanyĩsũbĩrya ati, Olukogo lwage lukakutoka, kusangwa obũtokĩ bwage bũkahĩkana omo bolo bwawe. Neryo nasyayihalamba omo butseme busana nʼemyatsi yʼobolo bwage, obũtokĩ bwa Kristo bunyibyeko.

AbanyaEfeso 4:1

Neryo ĩngye mundu wʼomũlĩkĩ busana nʼomukama, ngabahatikana nyiti, mukwame emibere yʼolulengo olo Nyamuhanga ababirikirira erikwamalo.

AbanyaEfeso 4:4

Kusangwa hali omubiri muguma, nʼOmũlĩmũ Abũyĩrĩre muguma, ngoko Nyamuhanga ababirikira oko maha maguma.

AbanyaFilipi 3:8

Kandi busana nʼobũgũlĩ bunene bwʼeriminya Kristo Yesu Omukama wage, ngaganza emyatsi yosĩ ngʼĩtalya. Busana na Kristo nabĩrĩtalya emyatsi yosĩ nʼeriganzayo ngʼebibaya, inatoka eribana Kristo mo ndũndĩ yage.

AbanyaFilipi 4:8

Ego, balĩkyetu, mũsũlaye amalengekanĩa wenyũ omo myatsi mibuya nʼeyangapipwa. Emyatsi eyo yeyĩ: ebyʼekwenene, ebyʼerĩsĩkĩbwa, ebitunganene, ebĩbũyĩrĩre, ebyanganzwa, ebyʼerĩsĩmwa.

AbanyaKolosai 1:16

Kusangwa Nyamuhanga mwahangika ebindu byosĩ omo byala bya Kristo, ebiri omo lubula, nʼebiri oko kihugo, ebindu ebikalolawako, nʼebindu ebitelolawako nomo angabya mami, kutse abakama, kutse abatabalĩ, kutse abʼehamũlĩ. Nyamuhanga mwahangika obuli kindu omo byala bya Kristo, na busana naye.

1 AbanyaTesalonika 2:12

Motwabahana, motwabahamĩrya, motwabalemba-lemba, tuti imwalendera ngoko litolere embere sya Nyamuhanga, oyukababirikira erisangira obwami buwe nʼolukengerwa luwe.

1 AbanyaTesalonika 4:7

Kusangwa Nyamuhanga mwatatubirikira busana nʼerikwama oluteto, nĩkwa mwatubirikira erikwama ebĩbũyĩrĩre.

2 AbanyaTesalonika 2:14

Nyamuhanga mwababirikira busana nʼekĩ omugulu twabakangĩrĩraya Engulu Yowene, imwatoka eribana olukengerwa lwʼOmukama wetu Yesu Kristo.

1 Timoteo 4:8

Erĩyĩkala-kalya lyʼomubiri liwite omugaso muke, nĩkwa erĩyĩkala-kalya lyʼomutima omwʼikenga lya Nyamuhanga, liwite omugaso busana nʼemyatsi yosĩ, kusangwa likalaga engebe busana na lino, kandi busana nʼengebe eyikandisyasa.

2 Timoteo 1:9

Iye abĩrĩtũlamya nʼeritubirikira eribya bahigulwa buwe-buwe. Mwatakola atya busana nʼemikolere yetu, nĩkwa busana nʼerĩyĩsũnza liwe nʼolukogo luwe. Kandi mwatuha olukogo olũ omwisi wa Kristo Yesu embere wʼerĩtsũka lyʼemigulu.

AbaEbrania 1:3

Omugala akakangabasanaya nʼolukengerwa lwa Nyamuhanga. Kandi iye ni kiminyikalo kwenene kyʼeribyaho lya Nyamuhanga. Kandi akahanganaya emyatsi yosĩ yʼekihugo nʼeyʼekyanya omo kĩnywa kyʼobũtokĩ buwe. Neryo abere abĩerya ebibi busana nʼabandu, mwĩkala oko luhande lwʼamali lwa Nyamuhanga Omwenye Obukulu Owendata kutsibu.

1 Petero 1:15

Nĩkwa mubye babũyĩrĩre omo migendere yenyũ, nga Nyamuhanga oyo wababirikira abũyĩrĩre.

1 Petero 1:5

Emĩyĩsa eyo ni busana nenyũ abakateyĩbawa omo maka wa Nyamuhanga busana nʼerĩkĩrĩrya lyenyũ, imukalindirira erilama eryo likandisyabĩsũlwa oko mugulu wʼenyũma-nyũma.

1 Petero 2:21

Kusangwa Nyamuhanga ababirikira busana nʼomwatsi oyũ. Kusangwa Kristo nibya mwagalwa busana nenyũ, neryo mwabasĩgĩra olugobe olo mwangakwama.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

1 Petero 3:9

Sĩmũtũhũlaye ekibi busana nʼekibi, kutse eritsuma busana nʼeritsuma, nĩkwa kumbe mutsumulebo. Kusangwa Nyamuhanga mwababirikira busana nʼomwatsi oyũ, imwabana eritsumula eryo alaga.

1 Petero 5:10

Neryo mwamabiagalwa akatambĩ, Nyamuhanga owʼolukogo losĩ oyo wababirikira erisangira olukengerwa luwe lwʼerikota haguma na Kristo, asyabahĩkanĩa, nʼerĩbasĩkya, nʼeribaha amaka, nʼerĩbahanganĩa ndeke.

2 Petero 1:10

Neryo balĩkyetu, mubye nʼomũhwa wʼerĩhanganĩa ndeke eribirikirwa lyenyũ, nʼeriyisogwa lyenyũ, kusangwa mwamakwama mutya, simwendisyatoga na kera.

2 Petero 1:2

Olukogo nʼobuholo bunene bibye nenyũ, kusangwa mwabiriminya Nyamuhanga nʼOmukama wetu Yesu.

2 Petero 1:5

Busana nʼomwatsi oyũ, muyitsinge, mutomeke obubuya okwʼĩkĩrĩrya lyenyũ, kandi oko bubuya bwenyũ mutomeke eriminya;

2 Petero 1:6

nʼokwʼiminya lyenyũ, mutomeke erĩyĩteya; nʼokwʼĩyĩteya lyenyũ mutomeke erĩyĩyĩnĩa;

2 Petero 1:8

Mwamakola mutya nʼerikwamirirabyo, mwasyatoka, kandi mwasyakanyirira Omwʼiminya ndeke lyʼomukama wetu Yesu Kristo.

2 Petero 2:20

Kusangwa bamabibala ebĩtĩsĩrĩre byʼekihugo busana nʼeriminya Omukama nʼomũlamya wetu Yesu Kristo, bamaswayĩgobya mubyo nʼerĩkĩndwa mubyo, abandu ngʼabo babiritsanda kwilaba erĩmbere.

2 Petero 3:18

Nĩkwa mubye mukakula omo lukogo nʼeriminya lyʼomukama nʼomũlamya wetu Yesu Kristo. Ukwʼiye habye olukengerwa, lino, nʼerĩhĩka na kera. Amina.

Rũta 3:11

Na lino mwali wage, Sigubahe; ngandikukolera ebyosĩ ũkabũga; kusangwa omũyĩ gosĩ wʼabandu bage banasĩ ngoko uli mũkalĩ mugenge.