2 Petero 1:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Kusangwa sihali eriminyerera eryahĩka na kera omwʼisonda lyʼomundu, nĩkwa abandu mobabũga ebĩnywa ebyo Nyamuhanga ahabo, ĩbakasondolĩbawa nʼOmũlĩmũ Abũyĩrĩre.

Nouveau Testament et Psaumes en Ndandi Version 1962

²¹ kusangwa sihari eriminyerera na kera eryasa omwisonda ryomundu, nikwa abandu mobabuga ebi kalwa oko Mungu ibakakunawa neKirimu Kibuyirire.

2 Petero 1:21 Iomraidhean Croise

2 Samwelĩ 23:2

Omũlĩmũ wʼOmwami Mukulu akabũga ũmwʼĩngye, Nʼekĩnywa kiwe mokyabya oko lulimi lwage.

1 Abami 13:1

Neryo, mohahuluka omundu wa Nyamuhanga akalũa eYũda busana nʼekĩnywa kyʼOmwami Mukulu nʼerĩhĩka eBetelĩ omugulu Yeroboamũ abya iniahangene hakũhĩ nʼekiherero erĩhĩsya obukwa.

1 Abami 17:18

Neryo omũkalĩ mwabwira Elĩya ati, Uwe mundu wa Nyamuhanga, nĩkĩ omo katĩkatĩ ketu tunawe kwehĩ? Wabiriasa erireta erĩyĩbũkya ebibi byage, nʼerĩĩta mugala wage!

1 Abami 17:24

Nʼomũkalĩ mwabwira Elĩya ati, Lino namaminya kʼuli mundu wa Nyamuhanga, kandi kwʼekĩnywa kyʼOmwami Mukulu omo buno bwawe ni kwenene.

2 Abami 4:22

Neryo mwabirikira ũkwʼĩba wuwe mwabũga ati, Ngakũbũlaya nyiti, Unyitumire omuguma gʼoko bagombe, nʼepunda nguma inatoka eritibita eyiri omundu wa Nyamuhanga, nʼeriswasa.

2 Abami 4:7

Neryo mwasa mwabwira omundu wa Nyamuhanga. Neryo mwabũga ati, Ugende ũyagũlaye amagũta, ũtũhe omwĩnda wawe, nʼawakasaka mulyego uwe nʼabagala bawe.

2 Abami 4:9

Neryo omũkalĩ oyo mwabwira ĩba wuwe ati, Lebaya, ngaminya ngoko mundu oyũ akalaba hano emigulu yosĩ ni mundu ũbũyĩrĩre wa Nyamuhanga.

2 Abami 6:10

Nʼomwami wʼAbaĩsraelĩ mwatuma oko kibuti ekyo mundu wa Nyamuhanga amubwira, nʼerimuhabula; naye mwayĩlamyaho butsira ngendo nguma kutse kabiri.

2 Abami 6:15

Nʼomugulu omugombe wʼomundu wa Nyamuhanga abuka omo ngyakyangyakya, nʼeriya eyĩhya, lebaya, omulondo, nʼesyosabayĩrĩ, nʼesyogalĩ, syabya sĩtĩmbĩre oko mũyĩ oyo. Nʼomugombe wuwe mwamubwira ati, Ĩyo-o! Mukama wage! Tukolekĩ kwehĩ?

1 Emyatsi yʼEmigulu 23:14

Nĩkwa Musa omundu wa Nyamuhanga, abagala buwe mobaganzirwa omo katĩkatĩ kʼekihanda kya Lawĩ.

2 Emyatsi yʼEmigulu 8:14

Neryo ngʼekilayiro kya tata wuwe Dawĩdĩ, Solomono mwahamula erigabana lyʼabahererĩ busana nʼemĩbĩrĩ yabo, nʼAbalawĩ oko mĩbĩrĩ yabo yʼeripipa, nʼerikola embere syʼabahererĩ, ngʼomũbĩrĩ wʼobuli kiro kwʼali; abateya bʼolũyĩ omo milondo yabo oko buli lũkyo; kusangwa Dawĩdĩ omundu wa Nyamuhanga ahana atya.

Yeremĩa 23:26

Kyasyakolyahi? Muli kindu omo mitima yʼabamĩnyererĩ aba, abakaminyerera amabehĩ, nʼebĩnywa byʼeriteba lyʼomutima wabo.

Ezekĩelĩ 1:3

ekĩnywa kyʼOmwami Mukulu mokyahĩka ndeke oko mũhererĩ Ezekĩelĩ, mugala wa Bũzĩ, omo kihugo kyʼAbakaldea, hakũhĩ nʼolũsĩ lwʼeKebarĩ, nʼebyala byʼOmwami Mukulu mobyamubyako.

Mĩka 1:1

Ekĩnywa kyʼOmwami Mukulu ekyahĩka uku Mĩka Omũmorasĩtĩ omo biro bya Yotama, Ahazĩ, na Hezekĩa, abami bʼeYũda, ekyo alangira omo nzolĩ busana nʼeSamarĩa nʼeYerũsalema.

Mĩka 3:7

Abahanĩ basyahemulwa, nʼabalagũlĩ basyakwa esĩsonĩ; ega, abosĩ basyaswika obuno bwabo; kusangwa Nyamuhanga sĩalĩsũbĩrayabo.

Emiganzo 16:28

Neryo Musa mwabũga ati, Ũkwʼekĩ mwasyaminya ngoko Mwami Mukulu abirinyituma erikola emĩbĩrĩ yosĩ eyĩ; kusangwa omwatsi oyũ sĩ ngye ngakola.

Mariko 12:36

Omũlĩmũ Abũyĩrĩre asondola Dawĩdĩ abũge ati, Omukama mwabwira Omukama wage ati, Wĩkale oko byala byage byʼamali, Erĩhĩka aho nasyahĩrĩra esyonzĩgũ syawe eyĩkwa oko bisando byawe.

Luka 1:70

Abũga ebĩ byo kera omo buno bwʼabamĩnyererĩ buwe babũyĩrĩre.

Emibiri 1:16

Balĩkyetu, Amasako abya atolere eribererera ago Mũlĩmũ Abũyĩrĩre aminyerera omo buno bwa Dawĩdĩ busana na Yũda, oyo wabya mũsondolĩ wʼabatsimba Yesu.

Emibiri 28:25

Neryo mobagenda ibamabiponana, kandi Paũlo ĩnĩamabĩbũga ekĩnywa kiguma ati, Omũlĩmũ Abũyĩrĩre mwabũga kwenene nʼabosokulu wenyũ omo bĩnywa byʼomũmĩnyererĩ Ĩsaya,

Emibiri 3:18

Nĩkwa Nyamuhanga mwakanganĩa kera omo buno bwʼabamĩnyererĩ bosĩ ati, Kristo wuwe asyagalwa; neryo mwaberereryago atya.

Eryibuka Ebihano 33:1

Oyũ go mũyĩsa ogo Musa, omundu wa Nyamuhanga, atsumulamo abana ba Ĩsraelĩ embere wʼoluholo luwe.

AbaEbrania 10:15

NʼOmũlĩmũ Abũyĩrĩre nibya akatũtũlĩrago; kusangwa akatsũka eritubwira ati,

AbaEbrania 3:7

Neryo, ngoko Mũlĩmũ Abũyĩrĩre akabũga ati, Lero mũnabwĩre, mwamowa omulenge wuwe,

AbaEbrania 9:8

Omũlĩmũ Abũyĩrĩre akakangaya omo myatsi eyĩ ngoko enzira yʼeriya Ahabũyĩrĩre Kutsibu siritalĩbũkala omugulu ehema yʼeyĩhya ikinahangene.

Yosũa 14:6

Neryo abana ba Yũda mobasegera hakũhĩ na Yosũa eGĩlgalĩ; na Kalebũ mugala wa Yefũne Omũkenĩzĩ mwabũga naye ati, Ũnasĩ ekĩnywa ekyo Mwami Mukulu abwira Musa omundu wa Nyamuhanga busana nage na busana nawe eKadesĩ-Barnea.

1 Petero 1:11

Kandi mobalenga eriminya ngʼOmũlĩmũ wa Kristo, omwisi wabo, abya akahula emyatsi yahi kutse mugulu wahi. Kusangwa Omũlĩmũ abya akaminyerera amalĩge wa Kristo, nʼolukengerwa olwasyakwama amalĩge ayo.

Eribisurirwa 19:10

Neryo monatũlama ahisi embere syʼebisando biwe erĩmũramya. Naye mwabũga nage ati, Sukole utya! Ĩngye indi mugombe mũlĩkyenyũ haguma nawe, nʼabalĩkyenyũ abakatũla omwatsi wa Yesu. Ũramaye Nyamuhanga! Kusangwa erĩtũla omwatsi wa Yesu nĩ kĩrĩmũ kyʼeriminyerera.