2 Petero 1:19 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁹ Busana nʼomwatsi oyũ, tukayiketera ekĩnywa ekyabũgawa nʼabamĩnyererĩ. Nenyũ mutolere imwatsomanakyo ngʼetala eyĩkakoleraya ahali omwĩrĩmya, erĩhĩka okwʼikya lyʼeKiro ekyo, nʼerĩhĩka aho mugulu engũnũnũ yʼengyakya-ngyakya yasyakolerya omo mitima yenyũ.

Nouveau Testament et Psaumes en Ndandi Version 1962

¹⁹ Kandi tuwite eKinywa kyeriminyerera ekisikire kwilaba. Nenyu mukakola ndeke eriowakyo ngoluseke lukakoleraya ahari omwi rimya, erihika aho bukakera, nengununu yengyakya-ngyakya ikahangana omo mitima yenyu.

2 Petero 1:19 Iomraidhean Croise

Esyonyimbo 119:105

Ekĩnywa kyawe ni tala yʼerinyisondola, Ni kyakakala busana nʼenzira yage.

Emĩsyo 6:23

Kusangwa eritegeka ni tala; nʼebihano ni kyakakala; Nʼerikunga lyʼerĩkangĩrĩrya ni nzira yʼengebe.

Ĩsaya 14:12

Wamatoga uti erĩlũa elubula, uwe ngũnũnũ yʼengyakya-ngyakya, omugala wʼomusakala! Wabĩrĩtũbwa ahisi oko kitaka, uwe wolobaya ebihanda!

Ĩsaya 41:26

Nindi oyo wabĩrĩtũlago okwʼĩtsũka lyʼerĩmbere, itwatoka eriminya kwehĩ? Kutse oyo wabũga oko migulu ya kera, itwatoka erĩbũga tuti, Iye ni kwenene. Ega, sihabya oyo watũlago, ega, kwenene. Ega, sihabya oyo wakanganaya, ega kwenene sihabya oyo wakanganaya, ega kwenene sihabya oyo wowa ebĩnywa byenyũ.

Ĩsaya 8:20

Okwʼĩkangĩrĩrya nʼokwʼĩtũlago! Bamatĩndabũga ngʼekĩnywa ekĩ, ni kusangwa sibawite eryibuka.

Ĩsaya 9:2

Abandu abakalendera omo mwĩrĩmya basyalangira ekyakakala kinene. Ababya bĩkere omo kihugo kyʼekyũtsũtsũ kyʼoluholo, ekyakakala kyasyakolerya kubo.

Matayo 4:16

Abandu abĩkere omo mwĩrĩmya, Mobalangira ekyakakala kinene! Kandi busana nʼabĩkere omo kihugo nʼomo kyũtsũtsũ kyʼoluholo, Ekyakakala kyamakoleryabo!

Yoane 5:35

Yoane abya tala eyikaka nʼerĩkolerya, nenyũ mwabya mwanzĩre eritsema katambĩ omo kyakakala kiwe.

Yoane 5:39

Mukasoma Amasako, kusangwa mũkaganĩraya muti muwite engebe yʼerikota. Kandi Amasako ayo akatũlago busana nage!

Yoane 8:12

Kandi Yesu mwaswabũga nabo ati, Ingye indi kyakakala kyʼekihugo. Oyukanyikwama siendisyalendera omo mwĩrĩmya, nĩkwa asyabya nʼekyakakala kyʼengebe.

Emibiri 15:29

tuti, muleke ebyalya ebĩtsandĩre kusangwa bikaherawa oko syosanamu; kandi muleke erirya omusasi; erirya enyama eyabĩrĩnĩgwa; kandi muleke erĩsĩngĩra. Mwamayĩteya oko myatsi eyĩ, mwasyakola ndeke. Mubye nʼobuholo.

Emibiri 17:11

Nĩkwa abandu bʼeBeroya babya bandu babuya kwilaba bandu bʼeTesalonĩka. Mobangirira ekĩnywa kya Nyamuhanga nʼomũhwa, ĩbakasondaya omo Masako obuli kiro erĩrebya emyatsi eyĩ nga ni kwenene.

AbaEbrania 2:2

Kusangwa ekĩnywa ekyabũgawa nʼabamalaĩka mokyahangana ndeke, nʼobuli ĩlolo nʼerĩtendĩowa mobyasuyirwa ngoko litolere.

Yakobo 2:8

Nĩkwa mukandikola ndeke mwamaberererya omugambo wʼobwami owali omo masako ati, Wanze mũlĩkyenyũ ngoko ũyanzĩre.

1 Petero 1:10

Abamĩnyererĩ mobasonda-sonda nʼerĩbũlĩrĩrya omwatsi wʼerilama erĩ. Neryo mobaminyerera omwatsi wʼolũsũnzo lwʼolukogo olo Nyamuhanga angabaha.

1 Yoane 5:10

Oyũkĩkĩrĩraya Omugala wa Nyamuhanga awite erĩtũlago omo mutima wuwe; nʼoyũtĩkĩrĩraya Nyamuhanga, abirimuyira mo mũbehĩ, kusangwa sĩalĩtĩkĩrĩrya omwatsi ogo Nyamuhanga abĩrĩtũla busana nʼomugala wuwe.

3 Yoane 1:6

Nabo bakakũkanaya omo kanĩsa, omwatsi wʼolwanzo lwawe. Nawe wasyakola ndeke wamakwamanĩsyabo omo nzira yabo, ngoko litolere embere sya Nyamuhanga.

Eribisurirwa 2:28

Kandi nasyamuha engũnũnũ yʼomo ngyakya-ngyakya.

Eribisurirwa 22:16

Ĩngye Yesu nabirituma omũlaĩka wage nʼerĩbatũlĩra emyatsi eyĩ busana nʼesyokanĩsa. Ingye indi Mũlĩhĩ nʼomwana wʼekĩtũnga kya Dawĩdĩ. Ĩngye indi ngũnũnũ eyikaka omo ngyakya-ngyakya.