2 Petero 1:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Twabyaho omugulu Nyamuhanga Tata amuha erĩsĩkya nʼolukengerwa, omugulu omulenge alũa omo Lukengerwa Lũkangĩre ati, Oyũ ni Mugala wage mwanze, oyo wabĩrĩnyĩtsemesya ndeke.

Nouveau Testament et Psaumes en Ndandi Version 1962

¹⁷ Kusangwa omugulu abana erisikya nolukengerwa byalwa oko Mungu Tata, oLukengerwa lwoBwami molwaheka omulenge okwiye ati, Oyu ni Mugala wage mwanze, namatsemesibwa ndeke mwiye.

2 Petero 1:17 Iomraidhean Croise

Ĩsaya 42:1

Mũlebaye, Omugombe wage, oyo ngahambirira, omusombolwa wage, oyo mutima wage akatsemera. Nabĩrĩhĩra Omũlĩmũ wage ukwʼiye. Asyahũlũkya erĩbanza litunganene oko bihanda.

Ĩsaya 53:10

Nĩkwa molyatsemesya Omwami Mukulu erĩmũhũnza. Abĩrĩmwagalya. Amayiyira eribya buhere bwʼolubanza, asyalola oko bana buwe, asyatomekera ebiro biwe, nʼeritsemesya libuya lyʼOmwami Mukulu lyasyagasa omo byala biwe,

Matayo 12:18

Lebaya, Omugombe wage oyo nabiriyisoga; Omwanze wage, omutima wage amatsemesĩbwa busana naye. Nasyamũhĩra kʼOmũlĩmũ wage, Naye asyakanganĩa erĩbanza oko bandu bosĩ.

Matayo 17:3

Neryo lebaya, Musa na Elĩa mobabutukira kubo ĩbakakanaya na Yesu.

Matayo 17:5

Abere akĩnabũga, ekĩtũ ekĩkangabasenĩe mokyasũkũlĩryabo; neryo, omulenge mwalũa omo kĩtũ ati, Oyũ ni Mugala wage mwanze, namamutsemera ndeke; mũmwowe!

Matayo 28:19

Neryo mugende, muyire abiga oko bihanda byosĩ; mũbatĩsayebo omo lĩna lyʼĨse, nʼeryʼOmugala, nʼeryʼOmũlĩmũ Abũyĩrĩre.

Matayo 3:17

Neryo omulenge mwalũa elubula ati, Oyũ ni Mugala wage mwanze, namamutsemera ndeke.

Mariko 1:11

Nʼomulenge mwalũa elubula ati, Uli Mugala wage mwanze, namakutsemera ndeke.

Mariko 9:7

Neryo ekĩtũ mokyahuluka mokyasũkũlĩryabo, nʼomulenge mwalũa omo kĩtũ ati, Oyũ ni Mugala wage mwanze, mũmowe.

Luka 10:22

Tata wage abirimba emyatsi yosĩ, kandi sihali oyo wasĩ Mugala nga nindi, nina Tata; kandi sihali oyo wasĩ Tata nga nindi, nina Mugala, nʼomundu oyo Mugala anzĩre erĩmũbĩsũlĩra.

Luka 3:22

nʼOmũlĩmũ Abũyĩrĩre mwamwandagalirako omwʼisosa lyʼomubiri wʼakalĩkũkũ. Neryo omulenge mwalũa elubula ati, Uli Mugala wage mwanze, namakutsemera ndeke.

Yoane 10:15

Ngoko Tata anyasĩ, nage nyasĩ Tata; kandi ngasiga engebe yage busana nʼesyombũlĩ.

Yoane 10:36

Nĩkwa ĩngye, Tata abirinyihigula nʼerinyituma omo kihugo. Neryo mukanyahula muti, Ukatsuma, kusangwa nabũga nyiti indi Mugala wa Nyamuhanga kwehĩ?

Yoane 14:11

Mũnyĩkĩrĩraye ko nyimatikene na Tata, na Tata amatikene ũkwʼĩngye. Kutse mwĩkĩrĩraye busana nʼemĩbĩrĩ ĩyoyene.

Yoane 14:6

Yesu mwamubwira ati, Ĩngye indi nzira, ĩngye indi mwatsi wʼekwenene, ĩngye indi ngebe; sihali mundu ũkahĩka uku Tata ate kwĩngye.

Yoane 17:21

Ngasaba nyiti abosĩ babye muguma. Uwe Tata! Nyiti, bamatikane ũkwʼĩtwe, ngoko umatikene kwĩngye, kandi nage nyimatikene ukʼuwe, neryo ekihugo kĩkĩrĩraye kʼuli inina we wanyituma.

Yoane 20:17

Yesu mwamubwira ati, Sũnyĩtũleko Kusangwa sindinahetukira ewa Tata. Nĩkwa ugende oko bagala betu ubwirebo uti ngahetukira uku Tata wage, na Tata wenyũ, nʼuku Nyamuhanga wage, nʼuku Nyamuhanga wenyũ.

Yoane 3:35

Tata anzĩre Omugala, kandi abĩrĩhĩra emyatsi yosĩ omo byala biwe.

Yoane 5:20

Kusangwa Ĩse anzĩre Mugala, kandi akamũkangaya emyatsi yosĩ eyo akakola. Kandi emĩbĩrĩ minene ũkwʼeyĩ asyamũkangyayo, imwatoka erisweka.

Yoane 5:26

Kusangwa ngoko Tata ni mwenye engebe, litya abiriha Omugala eribya Omwenye engebe.

Yoane 6:27

Simukolere ebyalya ebikahonda, nĩkwa mukolere ebyalya ebikabyaho erĩhĩka oko ngebe yʼerikota. Ebyalya ebĩ Omugala wʼOmundu asyabahabyo, kusangwa Nyamuhanga, Tata, abĩrĩmũhĩra kwʼekiminyikalo kyʼerĩmũsĩma.

Yoane 6:37

Abosĩ abo Tata akamba basyasa ũkwʼĩngye; nʼoyukasa kwĩngye sindiendĩsyamũsũbya eyĩhya nʼahake.

Yoane 6:39

Kandi erianza lyʼoyo wanyituma lyerĩ ati, sĩnyĩtalaye nʼomuguma oko bosĩ abirimba, nĩkwa nyĩlũbũkaye abosĩ oko kiro kyʼenyũmanyũma.

AbanyaRoma 15:6

Neryo ĩnywe bosĩ haguma nʼomulenge muguma, imwapipa Nyamuhanga Tata wʼOmukama wetu Yesu Kristo.

2 AbanyaKorinto 1:3

Nyamuhanga apipawe, ye Tata wʼOmukama wetu Yesu Kristo, ye Tata wʼeriganyira, na Nyamuhanga wʼerĩkĩranĩa lyosĩ.

2 AbanyaKorinto 11:31

Nyamuhanga na Tata wʼOmukama Yesu, erĩna liwe lipipawe kera na kera, iye anasĩ ko ndebiha.

AbaEbrania 1:3

Omugala akakangabasanaya nʼolukengerwa lwa Nyamuhanga. Kandi iye ni kiminyikalo kwenene kyʼeribyaho lya Nyamuhanga. Kandi akahanganaya emyatsi yosĩ yʼekihugo nʼeyʼekyanya omo kĩnywa kyʼobũtokĩ buwe. Neryo abere abĩerya ebibi busana nʼabandu, mwĩkala oko luhande lwʼamali lwa Nyamuhanga Omwenye Obukulu Owendata kutsibu.

2 Yoane 1:3

Nyamuhanga Tata, na Yesu Kristo, Omugala wa Tata, atuhe olukogo, nʼeriganyira, nʼobuholo. Ebi bibye byetu omo kwenene nʼomo lwanzo.

Yuda 1:1

Ĩngye Yũda, omugombe wa Yesu Kristo, nʼomugala wabo Yakobo, ngabasakira ĩnywe mwabirikirawa, abanzĩrwe na Nyamuhanga Tata, kandi abakalemberawa busana na Yesu Kristo.