2 Petero 1:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Kusangwa motutakwama amalagu wʼamenge omugulu twabowĩsaya obũtokĩ nʼeriasa lyʼomukama wetu Yesu Kristo, nĩkwa motwalangira obukulu buwe omo meso wetu.

Nouveau Testament et Psaumes en Ndandi Version 1962

¹⁶ Kusangwa sitwetakwama esyo nganu esyo bakokotaya namenge omugulu twabaminyisaya akagala neriasa byoMukama wetu Yesu Kristo, nikwa twabya balangiri omo meso wetu bobukengwa buwe.

2 Petero 1:16 Iomraidhean Croise

Malakĩ 3:2

Nĩkwa nindi wasyasĩka ekiro kyʼerĩhĩka liwe kwehĩ? Kandi nindi wasyatoka erihangana omugulu akahuluka kwehĩ? Kusangwa ali ngʼomuliro wʼomũhesĩ, kandi ngʼesabũnĩ eyĩkeraya.

Malakĩ 4:5

Lebaya, nasyabatumira omũmĩnyererĩ Elĩa emuliro wʼerĩhĩka lyʼekiro kinene nʼekyʼerĩũbahya kyʼOmwami Mukulu.

Matayo 16:27

Kusangwa Omugala wʼomundu asyasa nʼabamalaĩka buwe omo lukengerwa lwa Tata wuwe; nʼoko mugulu oyo asyahemba obuli mundu ngʼemĩbĩrĩ yiwe kwʼiri.

Matayo 16:28

Kwenene ngabũga nenyũ, hali abandi oko bimene hano abatendisyahola bate balangira Omugala wʼomundu akasa mo Mwami.

Matayo 17:1

Nʼenyũma wʼebiro ndatu, Yesu mwatwala Petero na Yakobo, na Yoane mugala wabo Yakobo. Neryo mwatwalabo ĩbobene oko kitwa kiri-kiri.

Matayo 24:27

Kusangwa Omugala wʼomundu asyasa ngʼakarabyo akakakoleraya kakalũa eyo eryuba likahuluka nʼerĩkangabasanĩa, nʼerĩhĩka eyo eryuba likalengera.

Matayo 24:3

Neryo Yesu abere anĩkere oko kitwa kyʼeMĩzeĩtũnĩ, abiga mobamũhĩkako ahate bandu bati, Utubwire emyatsi eyĩ nga yasyabya oko mugulu wahi, kandi ekiminyikalo kyʼerĩhĩka lyawe nga ni kyahi, nʼerihwererera lyʼemigulu eyĩ ni kiro kyahi kwehĩ?

Matayo 28:18

Neryo Yesu mwasa mwabũga nabo ati, Ehamũlĩ yosĩ nabirihabwayo omo lubula nʼomo kihugo.

Mariko 13:26

Neryo basyalangira Omugala wʼomundu akasa omo bĩtũ, nʼobũtokĩ bunene, nʼolukengerwa.

Mariko 14:62

Neryo Yesu mwabũga ati, Indi ye, kandi mwasyalangira Omugala wʼOmundu ĩnĩanĩkere oko byala byʼamali byʼobũtokĩ, iniakasa nʼebĩtũ byʼomo kyanya.

Luka 1:2

Abandu abo mobatubwira emyatsi eyo, ibabiribya balangĩrĩ nʼabatũlĩ bʼekĩnywa ekyo erĩtsũka erĩmbere.

Luka 9:43

Nĩkwa abandu bosĩ mobasweka kutsibu busana nʼobũtokĩ bunene bwa Nyamuhanga.

Yoane 1:14

NʼEkĩnywa ekyo mokyabya mundu, naye mwĩkala omo katĩkatĩ ketu. Netu motwalangira olukengerwa luwe ĩloswĩre nʼolukogo nʼekwenene. Olukengerwa olũ lwabya olwa Mugala Ekyusa ekyabutawa na Tata.

Yoane 17:2

Kandi ngoko wabirimuha ehamũlĩ oko bandu bosĩ, iniatoka eriha engebe yʼerikota oko bosĩ wamuha.

AbanyaRoma 1:4

Nĩkwa omo Bunyamuhanga buwe bũbũyĩrĩre, erĩlũbũka liwe oko baholĩ lĩkakangaya omo bũtokĩ bunene, Yesu kwʼali Mugala wa Nyamuhanga.

1 AbanyaKorinto 1:17

Kusangwa Kristo mwatanyituma erĩbatĩsya, nĩkwa anyituma erĩtũla Engulu Yowene. Nʼerĩtũlago butsira omo kĩsehya kyʼebĩnywa byʼabandu, neryo omusalaba wa Kristo akasyayirwa mo buyira.

1 AbanyaKorinto 1:23

nĩkwa ĩtwe tũkakanganaya Kristo oyo wabambawa oko musalaba. Abayũda sĩbanzĩre omwatsi oyũ, nʼabandu bʼEbihanda bakaganza omwatsi oyo mo bũkĩrũ.

1 AbanyaKorinto 1:7

neryo simwetabula olũsũnzo nʼoluguma lwa Nyamuhanga, imunemulindirira eriminyikala lyʼomukama wetu Yesu Kristo.

1 AbanyaKorinto 2:1

Balĩkyetu, omugulu nabahĩkako erĩbatũlĩra omwatsi wʼekwenene wa Nyamuhanga, mondasa omo bĩnywa byʼamenge nʼebyʼekĩsehya.

1 AbanyaKorinto 2:4

Neryo ekĩnywa kyage nʼerĩtũlago lyage, sibyabya byʼekĩsehya kyʼebĩnywa byʼamenge wʼabandu, nĩkwa byabya ĩbakakangaya obũtokĩ bwʼOmũlĩmũ wa Nyamuhanga.

1 AbanyaKorinto 5:4

Neryo omugulu mũhĩndene haguma, nage indi haguma nenyũ omo kĩrĩmũ kyage, ituli nʼobũtokĩ bwʼomukama wetu Yesu,

2 AbanyaKorinto 2:17

Kusangwa Situli ngʼabandi bangi abakatũndaya ekĩnywa kya Nyamuhanga. Nĩkwa omo kwenene, tũkabũga embere sya Nyamuhanga ebĩnywa bĩkalũa uku Nyamuhanga; kandi, tũkabũga ngʼabagombe ba Kristo.

2 AbanyaKorinto 4:2

Nĩkwa tukagana emyatsi eyo bũbĩso-bĩso eyʼesĩsonĩ, isitwalendera omo matebo. Kandi sĩtũlĩhengemaya ekĩnywa kya Nyamuhanga, nĩkwa tũkamĩnyĩkalaya ekyʼekwenene, ĩtũkayĩmĩnyĩsaya busana nʼerĩsĩmwa embere syʼobunyamutima bʼobuli mundu, embere sya Nyamuhanga.

AbanyaEfeso 4:14

Itutaswabya bana, abakagusawa eyĩ nʼeyĩ omo bisunda byʼengetsi, kutse erihekwa ehandi nʼehandi nʼamahunga gosĩ wʼerĩkangĩrĩrya lyʼabandu abakateba, kandi abakatalaya abandu omo bũgobya bwabo.

AbanyaFilipi 3:21

Iye asyabindula omubiri wetu molo, nʼeriyirago ngʼomubiri wuwe wʼolukengerwa, busana nʼobũtokĩ buwe obukatoka erĩhĩra emyatsi yosĩ omo butabale buwe.

1 AbanyaTesalonika 2:19

Kusangwa amaha wetu nindi, nʼobutseme bwetu nindi, kutse akakĩra akʼeriyihalambira nindi kwehĩ? Sĩ nĩna nywe omugulu tuli embere syʼOmukama wetu Yesu okwʼĩhĩka liwe kwehĩ?

2 AbanyaTesalonika 2:9

Neryo Omundu Mubi oyo asyasa omo bũtokĩ bwʼeSatanĩ nʼerikola ebitiko-tiko byʼemĩsĩndo yosĩ nʼebĩmĩnyĩsyo byʼamabehĩ, nʼebyʼeriswekera.

1 Timoteo 1:4

Ubwirebo uti, baleke eriahula emitsye ya kera nʼamena wʼaboso-kulu, ebikaleta obuhaka. Ebĩ sĩbyewatĩkaya omũbĩrĩ wa Nyamuhanga, owakahangana omwʼĩkĩrĩrya.

1 Timoteo 4:7

Nĩkwa Usage ebihaniriro bitya-bitya ebyʼekihugo ebitawite mugaso. Nĩkwa ũyĩkalakalaye busana nʼerikenga Nyamuhanga.

Tito 1:14

Kandi Sibakwame ebihaniriro byʼAbayũda, kutse ebihano byʼabandu ababĩrĩsĩganĩa omwatsi wʼe kwenene.

2 Petero 2:3

Neryo omo muhuguru wabo abakangĩrĩrya bʼamabehĩ aba, basyababana kwʼendũndĩ omo malagu wabo abakangĩrĩrya bʼamabehĩ aba, bakera, kandi erihera lyabo likalindirirabo.

1 Yoane 4:14

Netu twabirilangira, kandi tũkatũlago ko Tata abirituma Mugala wuwe eribya Mũlamya wʼekihugo.

Yuda 1:14

Kandi Enoka oyo wabya wʼolulengo lwa Adamu, mwaminyerera busana nʼabandu aba ati, Lebaya, Omukama asyasa haguma nʼabamalaĩka babũyĩrĩre buwe maelfu nʼamaelfu,

Eribisurirwa 1:7

Mũlebaye! Akasa omo bĩtũ! Nʼobuli rĩso nʼasyamulangira, nʼabamutsimita nibya. Nʼebihanda byosĩ bya muna-kihugo byasyamulirira. Inga, bibye bitya! Amina.