2 Petero 1:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Neryo nasyabya ĩnyĩnasĩkĩre ebiro byosĩ erĩbĩbũkya emyatsi eyĩ, nomo mwangabya ĩmũnasĩyo nʼerihangana ndeke omo mwatsi wʼekwenene ogo munawite.

Nouveau Testament et Psaumes en Ndandi Version 1962

¹² Busana neki ngandisyabya ngabibukya emyatsi eyi ebiro byosi, nomo mwangabya mwasibyo imusikire omo kwenene eyo muri nayo.

2 Petero 1:12 Iomraidhean Croise

Emibiri 16:5

Litya esyokanĩsa mosyabana amaka omwʼĩkĩrĩrya, nʼeriganza lyabo molyakanya obuli kiro.

AbanyaFilipi 3:1

Ego, balĩkyetu, mutsemere Omukama! Sĩrĩkalĩre busana nage eribasakira emyatsi eyĩ, kandi ĩkabategaya.

AbanyaKolosai 1:5

Omugulu ebĩnywa byʼekwenene byʼEngulu Yowene byabahĩkako erĩmbere, mobyabaletera amaha. Neryo erĩkĩrĩrya lyenyũ nʼolwanzo lwenyũ bikahangana oko maha wʼerilama awabĩkĩre busana nenyũ elubula.

AbanyaKolosai 2:7

Muhande emĩrĩhĩ yenyũ omwisi wuwe. Mũsĩkaye erĩkĩrĩrya lyenyũ ngoko mwakangĩrĩrĩbawa. Mubye nʼomutima oswĩre nʼewasĩngya.

1 Timoteo 4:6

Wamahana abalĩkyetu emyatsi eyĩ, wasyabya mugombe mubuya wa Yesu Kristo, mũnasĩkĩre ndeke omo bĩnywa byʼomwatsi wʼerĩkĩrĩrya nʼerĩkangĩrĩrya lyʼekwenene ebyo Wamakwama.

2 Timoteo 1:6

Busana nʼomwatsi oyũ, Ngakwĩbũkaya nyiti, Ũtegaye olũsũnzo olo Nyamuhanga akuha omugulu nakũhĩra kwʼebyala.

AbaEbrania 10:32

Nĩkwa mwibuke ebiro byʼerĩmbere, omugulu mwabana ekyakakala kya Nyamuhanga, ngoko mwayĩyĩnaya butsira erĩkĩndwa omo malwa awakalĩre, nʼomo malĩge.

AbaEbrania 13:9

Simutwalawe omwʼĩkangĩrĩrya lyʼemĩsĩndo-mĩsĩndo nʼeryʼehandi. Kusangwa lyowene emitima yenyũ ĩsĩkĩbawe nʼolukogo lwa Nyamuhanga. Sĩyĩsĩkĩbawe omo myatsi yʼebyalya, eyitereta mugaso oko bakakwamayo.

1 Petero 5:10

Neryo mwamabiagalwa akatambĩ, Nyamuhanga owʼolukogo losĩ oyo wababirikira erisangira olukengerwa luwe lwʼerikota haguma na Kristo, asyabahĩkanĩa, nʼerĩbasĩkya, nʼeribaha amaka, nʼerĩbahanganĩa ndeke.

1 Petero 5:12

Nabiribasakira ebĩnywa bike ebĩ. Sĩlvano oyo ngahula ngʼomũlĩkyetu oyuteregula abĩrĩnyĩwatĩkya erisakabyo. Kandi ngasonda erihanda emitima yenyũ nʼerĩtũlago nyiti omwatsi oyũ ni lukogo lwʼekwenene lwa Nyamuhanga. Mũsĩke mulo.

2 Petero 1:13

Kusangwa ngaganza nyiti, litolere omugulu nyikine omo mubiri wage, erĩbĩbũkyago.

2 Petero 1:15

Neryo nasyakola nʼomũhwa, imwatoka eryibuka ebiro byosĩ emyatsi eyĩ enyũma wʼerigenda lyage.

2 Petero 3:1

Balĩkyetu banze, eyĩ ni barua yʼakabiri ngabasakira. Omwʼĩbĩrĩ syosĩ ngalenga erĩbũkya oko bũlengekanĩa bubuya.

2 Petero 3:17

Neryo ĩnywe banze, mwabiriminya emyatsi eyĩ, mũyĩtegaye, mukasyahekwa omo luhabo lwʼabandu bʼomwaga, nʼeritoga erĩlũa aho mwabya mũsĩkĩre.

1 Yoane 2:21

Sinditabasakira kusangwa sĩmwasĩ omwatsi wʼekwenene, nĩkwa kusangwa mũnasĩgo. Nʼakandi kusangwa mũnasĩ ko hate eribiha erĩkalũa oko mwatsi wʼekwenene.

2 Yoane 1:2

Kusangwa omwatsi wʼekwenene amatikene netu, kandi asyabya haguma netu kera na kera.

Yuda 1:17

Nĩkwa ĩnywe, abanze betu, mwibuke ebĩnywa byabũgawa erĩmbere nʼabakwenda bʼOmukama wetu Yesu Kristo.

Yuda 1:3

Abanze betu, nabya ngalenga kutsibu eribasakira omwatsi wʼerilama lyetu eryo tũsangĩre. Kandi naganĩraya nyiti litolere inabasakira eribalemba-lemba nyiti, Mulwire erĩkĩrĩrya eryo Nyamuhanga abiriha abandu buwe busana na kera na kera.

Yuda 1:5

Nomo mũnasĩ emyatsi yosĩ, lino ngasonda erĩbĩbũkya, ngoko Mukama mwalamya bandu omo kihugo kyʼeMĩsĩrĩ, nĩkwa enyũma mwaherya abatĩkĩrĩraya.