2 Petero 1:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Ĩngye Sĩmonĩ Petero, omugombe nʼomukwenda wa Yesu Kristo, ngasakira abo babiribana erĩkĩrĩrya ngʼeryo tuwite busana nʼeritunganene lya Nyamuhanga wetu nʼomũlamya Yesu Kristo.

Nouveau Testament et Psaumes en Ndandi Version 1962

¹ Simoni Petero, omugombe nomukwenda wa Yesu Kristo, kwabo babiribana erikirirya rye nzwere nene nge ryetu omo ritunganene ryoMungu wetu noMulamya Yesu Kristo:

2 Petero 1:1 Iomraidhean Croise

Ĩsaya 12:2

Lebaya, Nyamuhanga ni mulamo wage. Ngandiyiketera ye, Sindiendisyubaha, kusangwa Omwami Mukulu ye Nyamuhanga, Ni maka wage nʼolwimbo lwage, Naye abiribya mulamo wage.

Yeremĩa 33:16

Oko biro ebyo Yũda asyalamĩbwa, nʼeYerũsalema yasyĩkala buholo. Nʼerĩ lyo lĩna asyahulwamo: Omwami Mukulu ni ritunganene lyetu.

Matayo 10:2

Aya ni mena wʼabakwenda ĩkũmĩ nʼababiri: owʼerĩtsũka, Sĩmonĩ, oyukahulawa mo Petero, na mugala wabo Anderea; na Yakobo, mugala wa Zebedayo na mugala wabo Yoane;

Matayo 4:18

Neryo Yesu abere akalendera hakũhĩ nʼengetsi yʼeGalĩlaya, mwalangira ababiri abasubeneko, Sĩmonĩ oyukahulawa mo Petero, na Anderea, mugala wabo, ibakagusa ekĩsohĩ kyʼomo ngetsi; kusangwa babya basohĩ.

Luka 1:47

Ekĩrĩmũ kyage kikatsemera Nyamuhanga Omũlamya wage.

Luka 11:49

Busana nʼomwatsi oyũ, Amenge wa Nyamuhanga mwabũga ati, Nasyatumirabo abamĩnyererĩ nʼabakwenda, kandi basyĩta abandi ba kubo nʼerĩendererya abandi.

Yoane 1:42

Neryo Anderea mwaleta Sĩmonĩ uku Yesu. Yesu mwamutungerera mwabũga ati, Uli Sĩmonĩ, mugala wa Yoane. Wasyahulwa mo Kefa (Ekĩnywa ekĩ kiti, Petero).

Yoane 12:26

Omundu amanyikolera, anyikwame, nʼaho nyiri ha nʼaho omugombe wage asyabya. Omundu amanyikolera, Tata asyamũsĩkya.

Yoane 20:21

Neryo Yesu mwaswabwirabo ati, Obuholo kwʼĩnywe. Ngoko Tata anyituma, nage ko ngabatuma nyitya.

Emibiri 15:14

Sĩmeonĩ abĩrĩbakanĩrya ngoko Nyamuhanga atsũka erĩkangya olwanzo luwe busana nʼEbihanda, eriyisoga omo katĩkatĩ kabo abandu busana nʼerĩna liwe.

AbanyaRoma 1:1

Ĩngye Paũlo, omugombe wa Kristo Yesu nʼomukwenda oyo Nyamuhanga abirikira nʼerimusombola busana nʼEngulu Yowene yiwe.

AbanyaRoma 1:12

Nyiti itwatoka erĩsĩkanĩa emitima omwʼĩkĩrĩrya lyenyũ nʼeryage ĩtwe bosĩ.

AbanyaRoma 1:17

Kusangwa Engulu Yowene ĩkatũbĩsũlĩra ngoko Nyamuhanga akatũngananaya omundu embere siwe, omwʼĩkĩrĩrya lisa, ngoko kĩsakĩre kiti, Nĩkwa oyukatunganana embere sya Nyamuhanga busana nʼerĩkĩrĩrya asyakota.

1 AbanyaKorinto 1:30

Nĩkwa Nyamuhanga abĩrĩbamatĩkanĩa na Kristo Yesu. Kandi Nyamuhanga abiriyira Kristo eribya menge wetu. Busana na Kristo tukatunganana embere sya Nyamuhanga, kandi busana na Kristo tukabya bana ba Nyamuhanga, nʼeribya bwĩranda.

1 AbanyaKorinto 15:9

Kusangwa ĩngye indi muke oko bakwenda bosĩ, kandi sinyitolere eriahulwa mo mukwenda, kusangwa monendererya ekanĩsa ya Nyamuhanga.

1 AbanyaKorinto 9:1

Sindi bwĩranda kwehĩ? Sindi mukwenda kwehĩ? Sinditalangira Yesu Omukama wetu kwehĩ? Ĩnywe Simuli kiminyikalo kyʼomũbĩrĩ wage busana nʼomukama wage kwehĩ?

2 AbanyaKorinto 4:13

Netu tuwite ekĩrĩmũ kyʼerĩkĩrĩrya, ngoko kĩsakĩre kiti, Monabũga kusangwa monĩkĩrĩrya. Ko litya netu tũkabũga kusangwa twabĩrĩkĩrĩrya;

2 AbanyaKorinto 5:21

Kristo mwabya butsira ebibi, nĩkwa Nyamuhanga mwamuyira ngʼowʼebibi busana netu, itwatoka eriyirwa mo batunganene ba Nyamuhanga busana nʼerimatikana na Kristo.

AbanyaGalatia 2:8

Kusangwa oyo wakola na Petero omo bukwenda oko Bayũda, yo nʼoyo wakola nage omo bukwenda bwʼEbihanda.

AbanyaEfeso 3:5

Omo migulu yalaba Nyamuhanga mwatamĩnyĩsya abandu bʼerĩkũmbo erĩ; nĩkwa lino omo Mũlĩmũ Abũyĩrĩre abĩrĩbĩsũlĩralyo abakwenda buwe babũyĩrĩre nʼabamĩnyererĩ.

AbanyaEfeso 4:11

Neryo mwaha abandu bʼolũsũnzo mũsĩndo-mũsĩndo. Mwaha abandi eribya bakwenda, mwaha abandi eribya bamĩnyererĩ, mwaha abandi eribya batũlĩ bʼEngulu Yowene, abandi mwahabo eribya bateya bʼekanĩsa nʼabakangĩrĩrya.

AbanyaEfeso 4:5

Hali Omukama muguma, nʼerĩkĩrĩrya liguma, nʼerĩbatĩsya liguma.

AbanyaFilipi 1:1

Ĩtwe Paũlo na Tĩmoteo, abagombe ba Kristo Yesu, tukabasakira, ĩnywe bandu bosĩ ba Nyamuhanga abĩkere eFĩlĩpĩ, abĩkĩrĩrye Kristo Yesu, haguma nʼabateya nʼabawatĩkya.

AbanyaFilipi 1:29

Busana na Kristo mwabirihabwa obubuya obũ obwʼerĩmwĩkĩrĩrya, nĩkwa butsira erĩ risa, nĩkwa obubuya bwʼeriagalwa busana naye.

AbanyaFilipi 3:9

Kandi nyibanike kwenene ko nyimatikene naye, isingwite ekitunganene ekikabanika omo Migambo, nĩkwa ekitunganene ekikabanika omwʼĩkĩrĩrya Kristo, kyo kitunganene ekĩkalũa ewa Nyamuhanga omo nzira yʼerĩkĩrĩrya.

2 Timoteo 1:5

Neryo ngibuka erĩkĩrĩrya lyawe lyʼekwenene; ngʼeryo mukaka wawe Loĩsĩ na koyo wawe Eũnĩkĩ babya bawite. Kandi nawe nyasĩ uwiteryo nibya.

Tito 1:1

Ĩngye Paũlo, omugombe wa Nyamuhanga, nʼomukwenda wa Yesu Kristo, Ĩngye nayisogawa, kandi natumawa erĩwatĩkya erĩkĩrĩrya lyʼabandu Nyamuhanga ayisoga. Kandi erĩwatĩkyabo eriminya ekyʼekwenene omo kisomo kyetu kyʼerikenga Nyamuhanga.

Tito 1:4

Ĩngye ngakusakira uwe Tĩto, omugala wage kũndũ omwʼĩkĩrĩrya lyetu; Nyamuhanga Tata, na Kristo Yesu Omũlamya wetu, bakuhe olukogo nʼobuholo.

Tito 2:13

itukalindirira nʼamaha gʼomũyĩsa ekiro kyʼobutseme, kandi tukalindirira erihuluka lyʼolukengerwa lwa Nyamuhanga wetu mukulu, nʼomũlamya wetu, Yesu Kristo.

Yakobo 1:1

Ĩngye Yakobo, omugombe wa Nyamuhanga nʼOmukama Yesu Kristo, ngabakeraya ĩnywe bihanda ĩkũmĩ nʼebibiri ababiripanza-panzwa omo kihugo kyosĩ.

1 Petero 1:1

Ĩngye Petero, omukwenda wa Yesu Kristo, ngabasakira ĩnywe bandu abo Nyamuhanga ayisoga, abĩkere ngʼabasayĩ, abapanza-panzirawa omo bihugo byʼePonto, nʼeGalatĩa, nʼeKapadokĩa, nʼeAsĩa, nʼeBetanĩa.

1 Petero 1:7

Neryo erirengwako eryo lĩkamĩnyĩsaya erĩkĩrĩrya lyenyũ. Esyamagetsi sikanahera, nasyo sikalengawako omo muliro. Neryo erĩkĩrĩrya lyenyũ eriwite enzwere nene kwilaba esyamagetsi, litolere iryalengwako. Neryo mwasyabana eripipa nʼolukengerwa, nʼerĩsĩkĩbwa oko kiro ekyo Yesu Kristo asyabĩsũlwa.

1 Petero 2:7

Erĩbwe erĩ, nĩ ryʼobũgũlĩ bunene busana nenyũ abakĩkĩrĩraya. Nĩkwa busana nʼabatĩkĩrĩraya, ati, Erĩbwe eryo bahĩmbĩ babana nga ni buyira, Lyabiribya erĩbwe erĩkatũngananaya enũnga yʼenyũmba.

1 Petero 5:1

Neryo, ngalemba-lemba abakulu omo katĩkatĩ kenyũ nga mũlĩkyenyũ mukulu. Kandi indi mũlangĩrĩ wʼamagalĩ wa Kristo. Neryo nasyasangira olukengerwa olũkandĩsyabĩsũlwa.

2 Petero 1:4

Kandi abirituha esyondagane siwe nene, syʼesyonzwere nene, itwatoka erisangira omo bu Nyamuhanga buwe, imwamabibala eritsanda lyʼesyongumbu sya muna-kihugo.

Yuda 1:1

Ĩngye Yũda, omugombe wa Yesu Kristo, nʼomugala wabo Yakobo, ngabasakira ĩnywe mwabirikirawa, abanzĩrwe na Nyamuhanga Tata, kandi abakalemberawa busana na Yesu Kristo.