1 Samwelĩ 9:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Nʼomugulu bahĩka omo kihugo kyʼeZũfi, Saũlo mwabwira omugombe wuwe oyo wabya haguma naye ati, Wase, tusubule, tata wage akasyaleka erĩganĩrya esyopunda, ĩnĩahahũkya omutima busana netu.

1 Samwelĩ 9:5 Iomraidhean Croise

Matayo 6:25

Busana nʼomwatsi oyũ, ngababwira nyiti, Sĩmũyĩlũhaye nʼamaganĩryo busana nʼengebe yenyũ, muti, mwasyalyakĩ, kutse busana nʼomubiri, nga mwasyambalakĩ. Kusangwa engebe sĩyĩrengĩre byalya, nʼomubiri sĩalengĩre esyongimba kwehĩ?

Matayo 6:28

Kandi busana nakĩ mũkayĩlũhaya omo maganĩryo busana nʼesyongimba kwehĩ? Mũlebaye ebiranga-ranga byʼomolĩ ngoko bikalasa. Sibyenuba, kutse eriluka esyongimba.

Matayo 6:34

Neryo sĩmũyĩlũhaye nʼamaganĩryo busana nʼomo ngyakya; kusangwa engyakya yasyabya nʼamaganĩryo wayo. Obuli kiro kiwite obũlĩge bungaho.

Luka 12:11

Omugulu bakabaleta embere syʼamanyũmba wʼerĩhĩndanamo, nʼabatabalĩ, nʼabʼehamũlĩ, sĩmũhahũkaye emitima nga mwasyasũbĩrya bokĩ, kutse ebyo mwangabũga.

Luka 12:22

Neryo Yesu mwabwira abiga buwe ati, Busana nʼomwatsi oyũ ngababwira nyiti, Simubye nʼerĩyĩlũhya nʼamaganĩryo busana nʼengebe yenyũ, muti mwasyalyakĩ, kutse busana nʼomubiri, nga mwasyambalakĩ.

1 Samwelĩ 1:1

Neryo habya omundu muguma wʼeRamataĩmũ-sofimũ, owʼekihugo kyʼebitwa kya Efũraĩmũ, nʼerĩna liwe lyabya Elkana, mugala wa Yerohamũ, omugala wa Elĩhũ, omugala wa Tohũ, omugala wa Zũfũ, Omũefũraĩmũ.

1 Samwelĩ 10:2

Ukandibya wahongoka ũkalũa aho nyiri mũnabwĩre ũkandĩeya abalume babiri hakũhĩ nʼeyisinda ya Rakelĩ omo mutano wa Benyamĩna eZelza; nabo bakandikubwira, bati, Esyopunda esyo wayasonda-sonda syabiribanika; neryo, lebaya tata wawe abirireka erĩhahũka busana nʼesyopunda, ĩnĩakahahũka busana nawe, ati, Ngolekĩ busana nʼomugala wage kwehĩ?