1 Samwelĩ 9:25 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁵ Nʼomugulu bandagala erĩlũa ahʼendata erĩhĩka oko mũyĩ, Samwelĩ mwakanĩrya na Saũlo oko lutwe.

1 Samwelĩ 9:25 Iomraidhean Croise

2 Samwelĩ 11:2

Neryo omwʼĩgolo-golo, Dawĩdĩ mwahangana akalũa omo ngyingo yiwe, neryo mwayĩgendya-gendya oko lutwe lwʼenyũmba yʼOmwami; nʼoko lutwe kwʼaho mwalangira omũkalĩ akayikosa; nʼomũkalĩ oyo abya mubuya kutsibu.

Nehemĩa 8:16

Neryo abandu mobahuluka, mobaletayo, mobayĩkokoterya ehitalikirire, obuli mundu oko lutwe lwʼenyũmba yiwe, nʼomo bibuga byabo, nʼomo bibuga byʼenyũmba ya Nyamuhanga, nʼahagalĩhĩre oko Lũkyo lwʼAmagetsi, nʼahagalĩhĩre oko Lũkyo lwa Efũraĩmũ.

Yeremĩa 19:13

Nʼamanyũmba wʼeYerũsalema, nʼamanyũmba wʼabami bʼeYũda asyatsanda ngʼeTofetĩ busana nʼamanyũmba gosĩ ahabĩrĩhĩsĩrĩbwa kʼobukwa oko nyitwe syago oko milondo yosĩ yʼomo kyanya, nʼerĩũtũlĩra amahere wʼerĩpũlya oko Sindi nyamuhanga.

Matayo 10:27

Ebyo ngababwira omo mwĩrĩmya, mũbũgebyo omo kyakakala; nʼebyo mũkowa omo bihwehwe mũtũlaganayebyo oko lutwe lwʼenyũmba.

Matayo 24:17

Omundu oyuli endata oko nyũmba, syakime ati, akenda ebindu ebiri omo nyũmba yiwe.

Luka 5:19

Neryo busana nʼendeko, mobabula enzira yʼerĩmwĩngĩryamo. Neryo mobasamba oko lutwe, mobahigula ebĩkayĩ, neryo mobamwandagalya omo katĩkatĩ embere sya Yesu iniane oko ngyingo yiwe.

Emibiri 10:9

Neryo engyakya abakwenda aba ibane omo nzira ibakasonda erĩhĩka eYopa, Petero mwaya omo kyumba kyʼendata akayasaba, hakũhĩ nʼesaa sĩta.

Eryibuka Ebihano 22:8

Omugulu ũkahĩmba enyũmba nyihya-nyihya, mwasyahĩmba ekikunda oko lutwe lwenyũ, mukasyaleta olubanza lwʼomusasi oko nyũmba yenyũ omundu amatoga kuyo.

1 Samwelĩ 9:26

Kandi mobabuka omo tũtũtũ; neryo bwabere bwakya Samwelĩ mwabirikira Saũlo oko lutwe ati, Hangana, ngakugosola. Neryo Saũlo mwahangana, mobahuluka ababiri bosĩ omo nzira iye na Samwelĩ.