1 Samwelĩ 9:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Nʼomugulu Samwelĩ alangira Saũlo, Omwami Mukulu mwamubwira ati, Lebaya, omundu oyo nakubwira! Oyũ asyatabalira bandu bage.

1 Samwelĩ 9:17 Iomraidhean Croise

Nehemĩa 13:19

Neryo, omugulu omwĩrĩmya atsũka omwʼĩgolo-golo oko syongyo syʼeYerũsalema embere wʼeSabato, monahamula nyiti esyonyũyĩ sikingawe, kandi monahamula nyiti sisikingulawe eSabato ite yahwa. Kandi monahĩra abandi bʼoko bagombe bage erĩteya esyongyo, omuheke siatwalawemo oko kiro kyʼeSabato.

Nehemĩa 13:25

Neryo monalwa nabo, nʼeritakirabo, nʼerĩswĩrya abandi ba kubo, nʼerikula esyonzwiri syabo, nʼerĩlahĩrĩryabo uku Nyamuhanga, nyiti, Simuhe abana-bato benyũ bʼoko bagala babo, kutse sĩmũtahĩraye abana-bato babo bʼoko bana benyũ abo mwabuta, kutse busana nenyũ.

Yeremĩa 32:8

Neryo Hanamelĩ mugala wa nyoko-lume wage mwambĩkako omo kibuga kyʼabateya ngʼekĩnywa ekyo, kyʼOmwami Mukulu, neryo mwabũga nage ati, Ngakũbũlaya nyiti, Gula eririma lyage eriri eAnatotĩ eriri omo kihugo kya Benyamĩna, kusangwa ehamũlĩ yʼerĩsĩgalyalyo ni yawe, nʼerĩtongolya ni ryawe. Uyigulireryo. Neryo monaminya ekĩ ko kiri kĩnywa kyʼOmwami Mukulu.

Hosea 13:11

Nabirikuha omwami omwʼihitana lyage, kandi nabĩrĩmũlũsyaho omwʼigalirwa lyage.

Emibiri 13:21

Neryo mobabũlya bati bahabawe omwami, neryo Nyamuhanga mwahabo Saũlo omugala wa Kĩsĩ, omundu wʼekihanda kya Benyamĩna eribya mwami wabo emyaka makũmĩ ani.

1 Samwelĩ 3:13

Kusangwa monamubwira nyiti, Nasyatswera ekĩtũnga kiwe kera na kera, busana nʼekibi ekyo abya asĩ, kusangwa abagala buwe mobayiretera eritakira, naye mwatakungabo.

1 Samwelĩ 9:18

Neryo Saũlo mwasegera hakũhĩ na Samwelĩ oko lũkyo, mwabũga ati, Ngakusaba umbwire ahali enyũmba yʼomũlangĩrĩ.