1 Samwelĩ 9:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Mwamabĩhĩka omo mũyĩ mũkandĩmweya neryo-neryo, ate ahetukira ahʼendata akayalya; kusangwa bandu sibendirya ate ahĩka, kusangwa akatsumula obuhere; nʼenyũma wʼaho ababirikirawa ibalya. Neryo muhetuke lino; kusangwa mukandimubana lino-lino.

1 Samwelĩ 9:13 Iomraidhean Croise

2 Samwelĩ 15:11

Kandi abandu magana abiri mobabirikirwa eYerũsalema, mobagenda na Abũsaloma ĩsĩbasĩ mwatsi wahi, mobagenda omo butaminya.

Matayo 14:19

Nĩkwa Yesu mwahamula esyondeko ati bĩkale ahisi oko biti; neryo mwĩmya amandu atanu ayo nʼamahere abiri, mwalalamira elubula, mwaha ewasĩngya uku Nyamuhanga. Neryo mwatsũtsanga amandu, mwahago abiga, nʼabiga mobahago oko bandu ababya omo ndeko.

Matayo 26:26

Neryo omugulu babya bakalya, Yesu mwĩmya obundu, neryo abere abitsumulabo, mwatsũtsangabo, mwahabo abiga ati, Mwĩmayebo, mulye; oyũ ni mubiri wage.

Mariko 6:41

Neryo Yesu mwĩmya amandu atanu ayo nʼamahere abiri, neryo mwalalamira endata elubula, neryo mwaha ewasĩngya uku Nyamuhanga. Neryo mwatsũtsangago, mwahago abiga buwe ati bahĩrego embere syʼabandu. Kandi mwagaba amahere abiri ayo nʼerĩtsũnganĩago oko bosĩ.

Luka 24:30

Neryo abere ĩkala oko mesa haguma nabo, mwĩmya obundu mwatsumulabo, mwatsũtsangabo, mwahabobo.

Luka 9:16

Neryo Yesu mwĩmya amandu atanu nʼamahere abiri, mwalalamira endata elubula, neryo mwatsumula kalyo ako, neryo mwatsũtsangago mwahabyo oko biga ati bahĩrebyo embere syʼabandu omo ndeko.

Yoane 6:11

Neryo Yesu mwĩmya amandu ayo, neryo mwagabirago oko babya bĩkere ahisi. Mwakola atya nibya nʼamahere eriha abosĩ ngoko babya banzĩre.

Yoane 6:23

Awandi mato make-make mwalũa eTĩberĩa, mwahĩka hakũhĩ nʼaho endeko yalira amandu, Omukama iniamabiha ewasĩngya.

1 AbanyaKorinto 10:30

Namalya akalyo iningaha ewasĩngya uku Nyamuhanga, busana nakĩ ngatongawa nabi busana nʼakalyo ako ngalya nʼewasĩngya kwehĩ?

1 Timoteo 4:4

Kusangwa ebyosĩ ebyo Nyamuhanga ahangika byowene, sibyangaganwa. Nĩkwa byangangirirwa nʼewasĩngya.

1 Samwelĩ 2:35

Nage nasyayĩhanganĩrya omũhererĩ oyuteregula oyo wasyakola ngʼebiri omo mutima wage nʼomo kĩrĩmũ kyage. Nage nasyamũhĩmbĩra enyũmba eyĩsĩkĩre; naye asyalendera embere syʼomũhakabĩbwa wage emigulu yosĩ.

1 Samwelĩ 9:14

Neryo bahetukira oko mũyĩ; nʼomugulu bahĩka omo mũyĩ, lebaya, Samwelĩ mwahulukirabo, akagenda ahʼendata.