1 Samwelĩ 8:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ NʼOmwami Mukulu mwabwira Samwelĩ ati, Uhulikirire omulenge wʼabandu omo byosĩ bakakubwira; kusangwa uwe bategana, nĩkwa ĩngye bakagana, bati sinyibye mwami wabo.

1 Samwelĩ 8:7 Iomraidhean Croise

Erĩlũayo 16:8

Neryo Musa mwabũga ati, Omwami Mukulu akandibaha esĩswĩ syʼerirya omwʼĩgolo-golo, nʼomo ngyakya obundu bunene; kusangwa Omwami Mukulu akowa emiyitongo yenyũ, siyiri busana netu, nĩkwa iri busana nʼOmwami Mukulu.

Ĩsaya 66:4

Nage nibya nasyayisoga erisuyirabo, kandi nasyaleterabo ebyo bakubaha. Kusangwa nabirikira, nĩkwa isihali oyo witaba. Monabũga, nĩkwa mobatahulikirira. Mobakolera ebibi omo meso wage, mobayisoga ebyo ndetsemera.

Yeremĩa 34:14

Emyaka irinda yamabihwa obuli mundu ũkwʼĩnywe asyabohola mũlĩkyabo Omuebrania oyo wagũlĩbawa ukʼuwe nʼerikukolera emyaka ndatu, wasyamubohola alũe ukʼuwe abye bwĩranda. Nĩkwa abotata-kulu wenyũ mobatambulikirira, kutse eritega amatwĩ wabo.

Ezekĩelĩ 2:3

Neryo mwambwira ati, Mugala wʼomundu, ngakutuma oko bana ba Ĩsraelĩ, abandu bʼerihona ababirinyihonako. Ibo nʼabotata wabo babĩrĩnyĩhalyako erĩhĩka na mũnabwĩre.

Ezekĩelĩ 3:7

Nĩkwa ekihanda kya Ĩsraelĩ sĩbendĩsyalĩga erĩkowa, kusangwa sĩberĩga erĩnyowa. Kwenene ekihanda kyosĩ kya Ĩsraelĩ nĩ kyʼembũmo ĩkalĩre nʼobutsibu.

Emiganzo 22:20

Neryo Nyamuhanga mwahĩka uku Balama omo kiro ekyo, mwamubwira ati, Abandu bamabya babiriasa erikubirikira, hangana, ugende nabo; nĩkwa ekĩnywa ekyo nasyakubwira kisa, kyo wasyakola.

Matayo 10:40

Omundundi oyũkabakokaya akanyĩkokaya; nʼoyũkanyĩkokaya akakokaya oyo wanyituma.

Luka 10:16

Yesu mwabwira abiga buwe ati, Oyũkabowa, akanyowa; nʼoyukabagana, akanyigana; nʼoyukanyigana, akagana oyo wanyituma.

Luka 19:14

Nĩkwa abandu buwe mobamũkwa obusu, mobamutumira abakwenda bati, Sĩtwanzĩre omundu oyukatutabalako.

Luka 19:27

Nĩkwa, esyonzĩgũ syage esyo, abatabya banzĩre ngatabala kubo, muletebo hano, mwĩtĩrebo hano omo meso wage.

Yoane 13:16

Kwenene, kwenene ngabũga nenyũ, omugombe sialengĩre omukama wuwe, nʼomukwenda sialengĩre oyuliamutuma.

Abatswerĩ 8:23

Na Gĩdeonĩ mwabwirabo ati, Sindiendibatabalako, kutse omugala wage siendisyabatabalako. Omwami Mukulu asyabatabalako.

1 Samwelĩ 10:19

Nĩkwa ekiro ekĩ kya mũnabwĩre mwabirigana Nyamuhanga wenyũ ĩyũkanabalamaya oko bitsibu byenyũ byosĩ nʼamalĩge wenyũ; nenyũ mwabirimubwira muti, Iyihi, nĩkwa ũhĩre omwami busana netu! Neryo lino muhulukire embere syʼOmwami Mukulu omo bihanda byenyũ nʼomo maelfu wenyũ.

1 Samwelĩ 12:1

Neryo Samwelĩ mwabwira Abaĩsraelĩ bosĩ, ati, Lebaya, nabirihulikirira omulenge wenyũ omo byosĩ mwambwira, kandi nabĩrĩbahĩrĩra omwami.

1 Samwelĩ 12:12

Nʼomugulu mwalangira Nahasĩ Omwami wʼabana ba Amonĩ akasa eribabambira, momwambwira muti, Iyihi, nĩkwa omwami yo wasyatutabalako; omugulu Omwami Mukulu Nyamuhanga wenyũ, abya mwami wenyũ.

1 Samwelĩ 8:22

NʼOmwami Mukulu mwabwira Samwelĩ, ati, Uhulikirire omulenge wabo, ũhĩre kubo kʼOmwami. Neryo Samwelĩ mwabwira abalume ba Ĩsraelĩ, ati, Mugende, obuli mundu oko mũyĩ wuwe.

1 Samwelĩ 8:8

Ngʼemĩbĩrĩ yosĩ babirikola erĩtsũka ekiro nalũsayabo eMĩsĩrĩ erĩhĩka ekiro kino, ĩbakanyĩsĩganaya eriyakolera esindi nyamuhanga, ko bakakukola batya nibya.