1 Samwelĩ 7:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Neryo mobahĩndana eMĩsĩpa, mobateha magetsi, mobũtago embere syʼOmwami Mukulu, nʼekiro ekyo mobatsira akalyo mobabũga bati, Twabĩrĩhalya oko Mwami Mukulu. Na Samwelĩ mwatswera abana ba Ĩsraelĩ eMĩsĩpa.

1 Samwelĩ 7:6 Iomraidhean Croise

Enzũko 31:49

na Mĩsĩpa, kusangwa ati, Omwami Mukulu ategaye omo katĩkatĩ kage nawe omugulu tuli hali na hali.

2 Samwelĩ 14:14

Kusangwa twasyahola, kwenene ituli ngʼamagetsi agũtĩrwe ahisi, awate angaswatehwa kandi; nĩkwa Nyamuhanga sĩalĩlũsaya engebe, nĩkwa akayira enzira, ati oyo wahigawa syasyegusawa ehandi.

1 Abami 8:47

nĩkwa bamayĩbũlya omo mitima yabo omo kihugo eyo batwalawa mo banyegwa bati, Twabirikola ebibi, twabirikola ebĩhengemĩre, twabirikola nabi;

1 Emyatsi yʼEmigulu 11:18

Neryo abasatu abo mobalaba omo mulondo wʼAbafĩlĩstĩnĩ mobateha amagetsi omo kitehero kyʼeBetelehemũ ekyabya hakũhĩ nʼolũkyo, mobĩmyago mobaleterago Dawĩdĩ; nĩkwa Dawĩdĩ mwatanza erĩpũlyago, nĩkwa mũtũlĩrago embere syʼOmwami Mukulu,

2 Emyatsi yʼEmigulu 20:3

Na Yosafatĩ mubaha, mwayĩhĩra okwʼisonda-sonda Omwami Mukulu; neryo mwahamula ati batsire erirya akalyo eYũda hosĩ.

Nehemĩa 9:27

Busana nʼekyo mowahĩrabo omo byala byʼesyonzĩgũ syabo, abalũhayabo; nʼoko mugulu wʼobũlĩge bwabo, omugulu bakulakira, mowowabo elubula; nʼomo bungi bwʼolukogo lwawe mowahabo abalamya abalamayabo omo byala byʼabandu abanũbayabo.

Yobũ 16:20

Abĩra bage bakanyiseka; Erĩso lyage lĩkatogaya emĩsonĩa uku Nyamuhanga.

Yobũ 3:24

Kusangwa erĩsĩmba lyage rĩkahĩka omugulu ngalangira akalyo kage, Nʼerilaka lyage lĩkũtĩka ngʼamagetsi.

Yobũ 33:27

Asyimbira embere syʼabandu ati, Nabĩrĩhalya, nabiribindula nabi ekyabya kitunganene, Nakyo sikinyitolere.

Yobũ 40:4

Lebaya, ĩngye indi katya-katya; Ngandĩkũsũbĩryakĩ kwehĩ? Nabiriyiwata oko buno.

Yobũ 42:6

Busana nʼekyo namaleka ebyosĩ ebyo; Namayiswekera omo lũtũtũ nʼomwʼĩbũ.

Esyonyimbo 106:6

Twabĩrĩhalya, ngoko aboso-kulu wetu bakola; Twabiribya babi nʼabʼebibi.

Esyonyimbo 119:136

Emĩsonĩa yage ikasenda ngʼolũsĩ, Kusangwa abandu sibalikenga emigambo yawe.

Esyonyimbo 42:3

Ngalaka omo musibo nʼomo kiro, nʼemĩsonĩa ni kalyo kage; Esyonzĩgũ syage sĩkanyĩbũlaya emigulu yosĩ siti, Nyamuhanga wawe ali hahi?

Esyonyimbo 6:6

Namaluha omwʼĩsĩmba lyage; Obuli kiro ngatsapaya engyingo yage omo mĩsonĩa, Ngatsapaya aho ngagotsera busana nʼeririra.

Esyonyimbo 62:8

Ĩnywe bandu bage, muyiketere Nyamuhanga emigulu yosĩ! Mumubwire amalĩge wenyũ gosĩ; Nyamuhanga ni busayiro bwetu.

Yeremĩa 31:19

Kusangwa namabĩbũnũkala, monayiswekera. Neryo namabĩkangĩrĩrĩbwa, monayĩswĩrya oko kihinga kyage. Monakwa esĩsonĩ, ega, monahemulwa, kusangwa monaheka erihemuka lyʼobũlwana bwage.

Yeremĩa 36:9

Neryo oko mwaka wʼakatanu wa Yehoyakĩmũ mugala wa Yosĩa omwami wʼeYũda oko mukera wʼomwenda, abandu bosĩ bʼeYerũsalema, nʼabandu bosĩ abahĩka eYerũsalema bakalũa omo mĩyĩ yʼeYũda, mobayira eritsira akalyo embere syʼOmwami Mukulu.

Yeremĩa 9:1

Kumbe omutwe wage ni magetsi, nʼameso wage eribya ngũnũnũko yʼemĩsonĩa, neryo inatoka eririra omo musibo nʼomo kiro busana nʼabandu bĩtawa bʼomwali wʼabandu bage!

Ekiriro 2:11

Ameso wage akalĩbana omo mĩsonĩa, Ekĩrĩmũ kyage kĩkapapũka, Omutima wage akũtawa oko kitaka, Busana nʼerihera lyʼamwali wʼabandu bage, Kusangwa abana balere nʼabakonga bakalembera Omo syonzira syʼomũyĩ.

Ekiriro 3:49

Ameso wage akasendaya emĩsonĩa, Butsira erĩũmbya.

Ekiriro 5:16

Embĩta yabiritoga erĩlũa oko mutwe wetu. Obũlĩge kwĩtwe, kusangwa twabĩrĩhalya.

Ezekĩelĩ 20:4

Wasyatswerabo, uwe mugala wʼomundu, wasyatswerabo kwehĩ? Ũmĩnyĩsayebo esyonye syʼabotata wabo.

Hosea 5:1

Ĩnywe bahererĩ, mowe ekĩ, nenyũ ekĩtũnga kya Ĩsraelĩ, muhulikirire, utege okũtũ uwe kĩtũnga kyʼOmwami! Kusangwa olubanza ni lwawe; kusangwa wabiribya kitego eMĩsĩpa, nʼobutimba obũyĩsanzĩre oko Taborĩ.

Yoelĩ 2:12

Omwami Mukulu ati, Kutse na lino, munyibindukire nʼemitima yenyũ yosĩ, nʼeritsira akalyo, nʼeririra, nʼerĩsũsũmana.

Abalawĩ 16:29

Neryo kyasyabya mugambo busana nenyũ ebiro byosĩ; omo mukera wʼakalinda, oko kiro kyʼerĩkũmĩ kyʼomukera, mwasyayĩkehya omo mitima yenyũ, isimwasyakola omũsĩndokĩ wʼomũbĩrĩ, oyũbũtĩrwe eka, kutse oyũtasĩbwe oyukabungira omo katĩkatĩ kenyũ,

Abalawĩ 26:40

Nabo bamakangya ebibi byabo, nʼebibi byʼabotata wabo, omwʼĩhalya lyabo eryo banyĩhalayako, kandi nibya kusangwa mobalwa nage.

Luka 15:18

Ngandihongoka eriya eyiri tata wage nʼerimubwira nyiti, Tata, nabĩrĩhalya embere sya Nyamuhanga nʼembere syawe.

Yosũa 18:26

nʼeMĩsĩpe, nʼeKefĩra, nʼeMoza,

Abatswerĩ 10:10

Neryo abana ba Ĩsraelĩ mobalakira Omwami Mukulu, bati, Twamakũhalyako kusangwa twabĩrĩsĩganĩa Nyamuhanga wetu, kandi twabirikolera esyo Balĩ.

Abatswerĩ 10:15

Nʼabana ba Ĩsraelĩ mobabwira Omwami Mukulu bati, Twabĩrĩhalya; utukolere ekyo Wamalangira mo kibuya; ekiguma kisa tukakusaba ũtũlamaye mũnabwĩre.

Abatswerĩ 2:4

Neryo, omugulu omũlaĩka wʼOmwami Mukulu abũga ebĩnywa ebĩ oko bana bosĩ ba Ĩsraelĩ, abandu mobasumba omulenge wabo mobalira.

Abatswerĩ 20:23

Kandi abana ba Ĩsraelĩ mobahetuka eriyalirira embere syʼOmwami Mukulu erĩhĩka omwʼĩgolo-golo; kandĩ mobabũlya Omwami Mukulu bati, Tunagende kandi oko malwa nʼabagala ba Benyamĩna mugala wetu kwehĩ? Neryo Omwami Mukulu mwabũga ati, Uyalwe naye.

Abatswerĩ 20:26

Neryo abana ba Ĩsraelĩ bosĩ, nʼabandu bosĩ mobahetuka erĩhĩka eBetelĩ, mobalira, mobĩkalaho embere syʼOmwami Mukulu, mobatsira akalyo ekiro ekyo erĩhĩka omwʼĩgolo-golo; mobahonga amahere wʼerĩokererya nʼamahere wʼobuholo embere syʼOmwami Mukulu.

Abatswerĩ 3:10

Omũlĩmũ wʼOmwami Mukulu mwamũhĩkako, naye mwatswera Ĩsraelĩ. Omugulu ayalwa, Omwami Mukulu mwahĩra Kũsanĩ-rĩsataĩmũ omwami wʼeMesopotamia omo byala biwe; neryo Otĩnĩelĩ mwakĩnda Kũsanĩ-rĩsataĩmũ.

1 Samwelĩ 1:15

Neryo Hana mwamũsũbĩrya ati, Iyihi, mukama wage, ĩngye indi mũkalĩ wʼomutima wʼobũlĩge; sĩndĩtapũlya bĩnyũ kutse obũhĩre kutsibu, nĩkwa nabirilakira Omwami Mukulu nʼomutima wage.

1 Samwelĩ 10:17

Kandi enyũma wʼaho Samwelĩ mwabirikira bandu bo haguma oko Mwami Mukulu eMĩsĩpa;

1 Samwelĩ 12:10

Neryo mobalakira Omwami Mukulu, bati, Twabĩrĩhalya, kusangwa twabĩrĩsĩganĩa Omwami Mukulu, erikolera Mabalĩ na Astarotĩ. Nĩkwa lino ũtũlamaye omo byala byʼesyonzĩgũ syetu, netu tukandikukolera.

1 Samwelĩ 7:15

Kandi Samwelĩ mwatswera Abaĩsraelĩ ebiro byosĩ byʼeribyaho liwe.