1 Samwelĩ 7:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo Samwelĩ mwabũga nʼenyũmba yosĩ ya Ĩsraelĩ ati, Mwamasuba oko Mwami Mukulu nʼomutima gosĩ, ego, mũhĩre esindi nyamuhanga syo hali, na Astarotĩ sĩlũe omo katĩkatĩ kenyũ, mũhĩre emitima yenyũ oko Mwami Mukulu, nʼerimukolera ĩyowene; naye akandĩbalamya omo byala byʼAbafĩlĩstĩnĩ.

1 Samwelĩ 7:3 Iomraidhean Croise

Enzũko 35:2

Neryo Yakobo mwabũga nʼabandu bʼekĩtũnga kiwe, nʼabosĩ ababya haguma naye ati, Mũlũsayeho esyonyamuhanga syʼehandi esiri omo katĩkatĩ kenyũ, mũyeraye, muhindule esyongimba syenyũ.

1 Abami 11:33

kusangwa babĩrĩnyĩsĩganĩa, kandi babĩrĩramya Asterotĩ, nyamuhanga wʼobũkalĩ wʼAbanya Sĩdonĩ, na Kemosĩ nyamuhanga wa Moabũ, na Mĩlkomũ nyamuhanga wʼabana ba Amonĩ; kandi sibetalendera omo nzira syage, erikola ebitunganene omo meso wage, nʼerĩteya ebihano byage nʼebilayiro byage, ngoko tata wuwe Dawĩdĩ akola.

1 Abami 8:48

bamakusubako nʼomutima wabo gosĩ nʼekĩrĩmũ kyabo kyosĩ omo kihugo kyʼesyonzĩgũ syabo, abahekabo mo banyegwa, bamakusaba erĩlolya oko kihugo kyabo ekyo waha oko botata-kulu wabo, nʼomũyĩ ogo wabiriyisoga, nʼenyũmba eyo nabĩrĩhĩmba busana nʼerĩna lyawe;

2 Abami 17:39

Nĩkwa mwasyubaha Omwami Mukulu, Nyamuhanga wenyũ, naye asyabalamya omo byala byʼesyonzĩgũ syenyũ syosĩ.

2 Abami 23:15

Kandi mwaterya ekiherero ekyabya eBetelĩ, nʼahendata aho Yeroboamũ mugala wa Nebatĩ ahĩmba, oyo wakolesaya Ĩsraelĩ yʼebibi, ekiherero ekyo nʼahendata aho mwateryabyo. Neryo mwatũndũla amabwe waho, neryo mwaswabyo eribya lũtũtũ, kandi mwahĩsya esanamu ya Asera.

1 Emyatsi yʼEmigulu 22:19

Na lino mũhĩre emitima yenyũ nʼebĩrĩmũ byenyũ erisonda-sonda Omwami Mukulu Nyamuhanga wenyũ; neryo muhangane, mũhĩmbe ahabũyĩrĩre hʼOmwami Mukulu Nyamuhanga, erireta erĩsandũko lyʼerilagana lyʼOmwami Mukulu, nʼebindu bĩbũyĩrĩre bya Nyamuhanga, omo nyũmba eyĩkandĩsyahĩmbwa busana nʼerĩna lyʼOmwami Mukulu.

1 Emyatsi yʼEmigulu 28:9

Nawe Solomono, mugala wage, Uminye Nyamuhanga wa tata wawe, umukolere nʼomutima owahĩkene nʼomo bũlengekanĩa obukanza; kusangwa Omwami Mukulu akasondaya emitima yosĩ nʼeriminya amaganĩryo gosĩ wʼobũlengekanĩa. Wamamusonda-sonda, asyabanika ukʼuwe; nĩkwa wamamũsĩga, asyakugana kera na kera.

2 Emyatsi yʼEmigulu 19:3

Nĩkwa umʼuwe hanabanĩkĩre ebibuya, kusangwa wabĩrĩlũsya esyosanamu sya Asera omo kihugo, kandi wabĩrĩhĩra omutima wawe erisonda-sonda Nyamuhanga.

2 Emyatsi yʼEmigulu 20:33

Nĩkwa ahendata mohatalũsĩbwa; kutse abandu ĩsĩbebahĩra emitima yabo uku Nyamuhanga wʼabotata wabo.

2 Emyatsi yʼEmigulu 30:19

oyũkahĩra omutima wuwe erisonda-sonda Nyamuhanga, Omwami Mukulu, Nyamuhanga wʼabotata wuwe, nomo angabya ĩsĩerĩre ngʼeriera lyʼahabũyĩrĩre ko liri.

Emĩsyo 16:1

Eritondeka lyʼomutima ni mwatsi wʼabandu; Nĩkwa erĩsũbĩrya lyʼolulimi lĩkalũa oko Mwami Mukulu.

Ĩsaya 55:7

Omubi aleke enzira yiwe, Nʼomundu utatunganene aleke amalengekanĩa wuwe. Asube oko Mwami Mukulu, Naye asyamuganyira; Asube ahali Nyamuhanga wetu, Kusangwa asyamubuyira ndeke.

Yeremĩa 24:7

Nasyahabo omutima wʼerinyiminya, ko nyiri Mwami Mukulu. Nabo basyabya bandu bage, nage nasyabya Nyamuhanga wabo, kusangwa basyanyisubako nʼomutima wabo gosĩ.

Yeremĩa 36:3

Kwamũhwa ekihanda kya Yũda kyasyowa erĩkwa lyosĩ eryo ngaganĩraya erikolabo. Ibaminya eribindula emitima yabo obuli mundu erireka enzira yiwe nyibi. Nage inabuyira ebibi byabo nʼobubi bwabo.

Yeremĩa 4:1

Omwami Mukulu ati, Wamasonda erisubula, uwe Ĩsraelĩ, neryo litolere Unyisubeko, kandi wamasonda erĩlũsya esyonye syawe embere syʼameso wage, isiwendisyatika-tika,

Ezekĩelĩ 14:6

Neryo Ubwire ekihanda kya Ĩsraelĩ uti, Omukama Iye Omwami Mukulu ati, Mubinduke erireka ebibi, mũbũnũkale oko syosanamu syenyũ. Mubindule amũsũ wenyũ oko nye syenyũ syosĩ.

Ezekĩelĩ 18:31

Muguse amalolo wenyũ gosĩ go hali, ago mwabĩrĩhalyamo, muyiyirire omutima muhya-muhya nʼekĩrĩmũ kihya-kihya! Kusangwa busana nakĩ, uwe kihanda kya Ĩsraelĩ, mwanzĩre erihola kwehi?

Hosea 14:1

Uwe Ĩsraelĩ, usube oko Mwami Mukulu Nyamuhanga wawe; kusangwa wabiriwa busana nʼebibi byawe.

Matayo 15:8

Abandu aba bakanyĩsĩkaya omo mĩnywa yabo, Nĩkwa emitima yabo iri hali kwĩngye.

Matayo 4:10

Yesu mwabwirayo ati, Lũaho, uwe Satanĩ! Kusangwa Amasako ati, Wasyaramya Omukama Nyamuhanga wawe, kandi wasyamukolera ĩyowene.

Matayo 6:24

Sihali mundu oyo wangatoka erikolera abakama babiri; kusangwa asyakwa omuguma yʼobusu, nʼerianza ogundi. Kutse asyabegera oko muguma, iniapona ogundi. Simwangatoka erikolera Nyamuhanga nʼebindu.

Luka 4:8

Yesu mwasũbĩryayo ati, Amasako ati, Wasyaramya Omukama Nyamuhanga wawe iwamukolera ĩyowene.

Yoane 4:24

Nyamuhanga nĩ Mũlĩmũ, nʼabakamũramaya litolere ĩbamũramya omo kĩrĩmũ nʼomo kwenene.

Eryibuka Ebihano 10:20

Wasyubaha Omwami Mukulu Nyamuhanga wawe; wasyamukolera ĩyowene; kandi wasyamumakirirako, kandi, wasyayisema omo lĩna liwe.

Eryibuka Ebihano 13:4

Mwasyakwama Omwami Mukulu Nyamuhanga wenyũ, nʼerimubaha, nʼerĩteya ebihano biwe, nʼerĩowa omulenge wuwe, kandi mwasyamukolera, nʼerimumakirira.

Eryibuka Ebihano 4:29

Nĩkwa eyo mwasyasonda-sonda Omwami Mukulu Nyamuhanga wenyũ, kandi mwasyamubana, omugulu mwasyamusonda-sonda nʼomutima wenyũ gosĩ nʼekĩrĩmũ kyenyũ kyosĩ.

Eryibuka Ebihano 6:13

Mwasyubaha Omwami Mukulu Nyamuhanga wenyũ; neryo mwasyamukolera, kandi mwasyalahĩrya omo lĩna liwe.

Yosũa 13:31

Nʼekihande kyʼeGĩleadĩ nʼeAstarotĩ, nʼeEdĩreĩ, emĩyĩ yʼobwami bwa Ogĩ omo Basanĩ, yabya busana nʼabana ba Makĩrĩ mugala wa Manase, ekyo kye kihande kyʼabana ba Makĩrĩ ngʼolulengo lwʼebĩtũnga byabo.

Yosũa 24:14

Na lino mubahe Omwami Mukulu, mumukolere omo kwenene nʼekũndũ; mũhĩre esyonyamuhanga syo hali esyo abotata-kulu benyũ bakolera eyisirya wʼolũsĩ Efũratĩ, nʼeMĩsĩrĩ; mukolere Omwami Mukulu.

Yosũa 24:23

Neryo lino mũlũsaye esyonyamuhanga syʼehandi esiri omo katĩkatĩ kenyũ, mũlolaye emitima yenyũ oko Mwami Mukulu, Nyamuhanga wa Ĩsraelĩ.

Abatswerĩ 10:16

Kandi mobalũsya esyonyamuhanga syʼehali omo katĩkatĩ kabo, mobakolera Omwami Mukulu; nʼekĩrĩmũ kiwe mokyabya nʼobũlĩge busana nʼobuligo bwa Ĩsraelĩ.

Abatswerĩ 10:6

Kandi abana ba Ĩsraelĩ mobaswakola ebibi omo meso wʼOmwami Mukulu, mobakolera esyo Balĩ na Astarotĩ, nʼesyonyamuhanga syʼeSĩrĩa nʼesyonyamuhanga syʼeSĩdona, nʼesyonyamuhanga syʼeMoabũ; nʼesyonyamuhanga syʼabana ba Amonĩ, nʼesyonyamuhanga syʼAbafĩlĩstĩnĩ mobasĩganĩa Omwami Mukulu, mobatamukolera.

Abatswerĩ 2:11

Kandi abana ba Ĩsraelĩ mobakola ekibi omo meso wʼOmwami Mukulu, mobakolera Baalĩ;

Abatswerĩ 2:13

Mobasĩganĩa Omwami Mukulu, mobakolera Baalĩ, na Astarotĩ.

1 Samwelĩ 31:10

Kandi mobahĩra ebindu byʼamalwa biwe byʼomo nyũmba ya Astarotĩ; nʼekĩnda kiwe mobabambakyo oko lũhĩmbo lwʼeBetĩ-sanĩ.