1 Samwelĩ 7:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ NʼAbafĩlĩstĩnĩ mobakĩndwa batya, mobataswahĩka omo mitano ya Ĩsraelĩ. Nʼebyala byʼOmwami Mukulu mobyalwa nʼAbafĩlĩstĩnĩ oko biro byosĩ bya Samwelĩ.

1 Samwelĩ 7:13 Iomraidhean Croise

2 Samwelĩ 8:1

Kandi enyũma wʼaho, Dawĩdĩ mwaswĩrya Abafĩlĩstĩnĩ, kandi mwakĩndabo; na Dawĩdĩ mwĩmya obũsondolĩ bʼomũyĩ mukulu erĩlũsyabo omo byala byʼAbafĩlĩstĩnĩ.

Abatswerĩ 13:1

Nʼabana ba Ĩsraelĩ mobaswakola ebibi omo meso wʼOmwami Mukulu; neryo Omwami Mukulu mwahĩrabo omo byala byʼAbafĩlĩstĩnĩ emyaka makũmĩ ani (40).

Abatswerĩ 13:5

Kusangwa, lebaya, wasyaheka obukule, nʼeributa omugala; nʼolugembe silwendisyakira omo mutwe wuwe; kusangwa omwana oyo asyabya Omũnazĩrĩ uku Nyamuhanga erĩtsũka omo nda, naye akandĩsyatsũka erĩlamya Abaĩsraelĩ omo byala byʼAbafĩlĩstĩnĩ.

Abatswerĩ 8:28

Neryo Mĩdĩanĩ moyakĩndwa itya embere syʼabana ba Ĩsraelĩ, mobataswasumba emitwe yabo. Nʼekihugo mokyahumula oko myaka makũmĩ ani oko biro bya Gĩdeonĩ.

1 Samwelĩ 12:11

Neryo Omwami Mukulu mwatuma Yerũbalĩ, na Bedanĩ, na Yefũta, na Samwelĩ, erĩbalamya omo byala byʼesyonzĩgũ syenyũ omo mbande syosĩ, nenyũ momwĩkala buholo.

1 Samwelĩ 5:9

Neryo babere babitwalalyo, ebyala byʼOmwami Mukulu mobyalwa nʼomũyĩ oyo omo bũlĩge bunene. Kandi mwĩta abalume bʼomũyĩ oyo, abana nʼabakulu; mobalasa kwʼebihute.