1 Samwelĩ 6:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² NʼAbafĩlĩstĩnĩ mobabirikira abahererĩ nʼabalagũlĩ, bati, Twasyakolakĩ nʼerĩsandũko lyʼOmwami Mukulu kwehĩ? Mũtũkangaye ngoko twangasũbyalyo aho walyo.

1 Samwelĩ 6:2 Iomraidhean Croise

Enzũko 41:8

Enyũma wʼaho omo ngyakyangyakya, ekĩrĩmũ kiwe mokyakwa engitsi, neryo mwatuma eribirikira abalagũlĩ bosĩ bʼeMĩsĩrĩ. Nʼabalume bosĩ bʼamenge. Neryo Farao mwabwirabo erilota liwe nĩkwa sihabya mundu nʼomuguma oyo wangatoka eribikuliralyo Farao.

Erĩlũayo 7:11

Neryo Farao mwabirikira abandu buwe bʼamenge nʼabakũmũ; nabo nibya, abakũmũ bʼeMĩsĩrĩ, mobakola batya omo busaki bwabo.

Ĩsaya 2:6

Kusangwa wabĩrĩsĩganĩa abandu bawe kye kĩtũnga kya Yakobo, kusangwa boswĩre mwʼemitsye eyĩkalũa eyo eryuba likasira, kandi nĩ balagũlĩ filĩstĩnĩ, kandi bakahambana omo byala byʼabana bʼabandu bʼehandi.

Danĩelĩ 2:2

Neryo omwami mwahamula abasaki nʼabakũmũ nʼabalagũlĩ, nʼAbakaldea, ati babirikirawe eribikulira omwami erilota liwe. Neryo mobahangana embere syʼomwami.

Danĩelĩ 5:7

Neryo omwami mwabirikira kutsibu ati balete abakũmũ, nʼAbakaldea, nʼabalagũlĩ. Neryo omwami mwabwira abandu bʼamenge bʼeBabelĩ ati, Oyo wasyasoma erisaka erĩ nʼerĩnyĩmĩnyĩsya eribikula lyalyo, asyambalĩbwa olukimba lʼomula, kandi asyahĩrwa kʼobuhulula bwʼesyamagetsi omo bĩkya biwe, kandi asyabya ĩsemumbo wʼomo bwami.

Matayo 2:4

Neryo Herode mwahĩndanĩa abahererĩ bakulu bosĩ nʼabakangĩrĩrya bʼemigambo, neryo mwabũlyabo Kristo ngʼangabutirwahi.

1 Samwelĩ 5:8

Neryo mobatumirana erĩhĩndanĩa abakama bosĩ bʼAbafĩlĩstĩnĩ aho bali, bati, Tukolekĩ nʼerĩsandũko lya Nyamuhanga wʼAbaĩsraelĩ kwehĩ? Nabo mobasũbĩrya bati, Erĩsandũko lya Nyamuhanga wʼAbaĩsraelĩ litwalawe eGatĩ. Neryo mobatwala erĩsandũko lya Nyamuhanga wʼAbaĩsraelĩ eyo.

1 Samwelĩ 6:1

Nʼerĩsandũko lyʼomukama Mukulu molyabya omo kihugo kyʼAbafĩlĩstĩnĩ emikera irinda.