1 Samwelĩ 5:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Nʼomugulu babuka omo ngyakya-ngyakya yʼaho, lebaya, Dagonĩ abiriwira oko bũsũ oko kitaka embere syʼerĩsandũko lyʼOmwami Mukulu; nʼomutwe wa Dagonĩ, nʼebiganza bibiri byosĩ ĩbyabĩrĩtwĩkĩraho oko kisayi kyʼolũkyo; na Dagonĩ ĩnĩabĩrĩsĩgala mo kahindiyiri kasa.

1 Samwelĩ 5:4 Iomraidhean Croise

Ĩsaya 27:9

Neryo busana nʼekĩ ebibi bya Yakobo byasyabuyirwa. Ebĩ byo byasyabya enzwere yʼerĩlũsya ebibi biwe omugulu akayira amabwe gosĩ wʼekiherero ngʼamabwe wʼembemba awatũndwĩre. Omugulu oyo, esyosanamu sya Asera nʼebiherero byʼobukwa sibyendisyaswahangana.

Ĩsaya 40:20

Obuli mwera Okwʼibana ehongo akayisoga omuti owatehonda. Iniayisondera omunyima wʼomũbĩrĩ erĩkokotya esanamu eyitetengana.

Yeremĩa 10:11

Mwasyabwirabo muti, Esyonyamuhanga esitahangika amatũkũ nʼekihugo, esĩ syasyahera omo kihugo, nʼeyĩkwa oko bũtũkũ.

Yeremĩa 10:14

Obuli mundu nĩ mũkĩrũ isiawite amenge. Obuli mũhesĩ wʼesyamagetsi abirihemulwa omo siwe, kusangwa esyosanamu siwe syʼerĩnũnĩa sikateba, kandi sisiri mo muka.

Yeremĩa 10:15

Ni bitya-bitya, omũbĩrĩ wʼeriteba. Oko mugulu wʼerisuyirwa lyabo basyahera.

Yeremĩa 50:2

Mũtũlego omo katĩkatĩ kʼebihanda, mũbũge, mũtũlego, muhanganaye ebendera. Sĩmũbĩsego, muti, Babelĩ abĩrĩhũngwa, Belĩ abirihemuka, Merodakĩ abirikonongoka. Esyosanamu syako syabirihemuka, esyosanamu syako syabirikonongoka.

Danĩelĩ 11:8

Kandi asyahũnga esyonyamuhanga syabo haguma nʼesyosanamu syabo syʼekyuma, nʼebindu byabo bibuya byʼekĩtsĩpa nʼesyamagetsi, asyatwalabyo omo bunyegwa eMĩsĩrĩ. Nĩkwa iye siendisyalwa nʼomwami wʼelutambi lwʼeNdata oko yindi myaka.

Mĩka 1:7

Nʼesyosanamu siwe syosĩ esĩbatsĩre syasyatulangwa mo bihande bihande, nʼebihembo byage byasyahĩsĩbwa omo muliro, kandi nasyatsandya esyosanamu syago syosĩ; kusangwa abirikuma-kumasyo oko luhembo lʼomũmalaya, nasyo Syasyasuba oko luhembo lʼomũmalaya.

1 Samwelĩ 6:5

Neryo mwasyakokotya ebĩsosekanĩo byʼebihute byenyũ, nʼebĩsosekanĩo byʼesyombeba syenyũ esĩkaheraya ekihugo; kandi mwasyaha olukengerwa uku Nyamuhanga wa Ĩsraelĩ; mbino asyangũhya ebyala biwe ũkwʼĩnywe, nʼoko nyamuhanga syenyũ, nʼoko kihugo kyenyũ.