1 Samwelĩ 5:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² NʼAbafĩlĩstĩnĩ mobatwala erĩsandũko lya Nyamuhanga, mobatwalalyo omo nyũmba yʼesanamu ya Dagonĩ, mobasingikalyo oko mũsĩke wa Dagonĩ.

1 Samwelĩ 5:2 Iomraidhean Croise

1 Emyatsi yʼEmigulu 10:10

Neryo mobahĩra ebindu byʼamalwa biwe omo nyũmba yʼesyonyamuhanga syabo, mobatunga omutwe wuwe omo nyũmba ya Dagonĩ.

1 Emyatsi yʼEmigulu 10:8

Neryo bwabere bwabya ngyakya, omugulu Abafĩlĩstĩnĩ bahĩka eriambula abĩtawa, mobeya Saũlo nʼabagala buwe ĩbabĩrĩkwĩra oko kitwa kyʼeGĩlboa.

Danĩelĩ 5:2

Belsasarĩ, omugulu ageraya ebĩnyũ mwahamula ati esyondehĩ syʼesyamagetsi nʼesyʼekĩtsĩpa siretawe, esyo tata wuwe Nebũkadeneza alũsaya omo Hekalũ eyabya eYerũsalema; omwami nʼabakama buwe nʼabakalĩ buwe nʼabahwekĩ buwe batoke erĩpũlĩrya musyo.

Danĩelĩ 5:23

nĩkwa ukayihagata erilwa nʼomukama wʼelubula; kandi wabirireta esyondehĩ syʼenyũmba yiwe embere syawe, nawe nʼabakama bawe, nʼabakalĩ bawe, nʼabahwekĩ bawe, mwabĩrĩpũlĩrya musyo mwʼebĩnyũ kandi wabiripipa esyonyamuhanga syʼekĩtsĩpa nʼesyamagetsi, nʼesyʼomulinga, nʼesyʼekyuma, nʼesyʼemiti nʼesyʼamabwe, esitelangira, kutse erĩowa, kutse eriminya; na Nyamuhanga oyuli nʼomuka wawe wʼengebe omo byala biwe, nʼoyuli nʼesyonzira syawe syosĩ omo byala biwe, sulitamupipa.

Habakũkĩ 1:11

Neryo bakalaba ngʼerihunga nʼerilaba embere. Nĩkwa basyabanika kʼomusango, abakayira amaka wabo mo nyamuhanga wabo.

Habakũkĩ 1:16

Busana nʼekyo, bakaherera obutimba bwabo bʼobuhere. Nʼerĩhĩsĩrĩrya ekĩsohĩ kyabo kyʼamahere kyʼobukwa; kusangwa busana nʼemyatsi eyĩ, bakahamba amahere mangi, nʼakalyo kabo katswagĩre.

Abatswerĩ 16:23

Nʼabakama bʼAbafĩlĩstĩnĩ mobahĩndana haguma eriherera ehongo nene uku Dagonĩ nyamuhanga wabo, nʼeritsema; kusangwa babũga bati, nyamuhanga wetu abĩrĩhĩra Samũsonĩ enzĩgũ yetu, omo byala byetu.