1 Samwelĩ 4:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Nʼomugulu abandu bahĩka oko kilaliriro, abakulu bʼAbaĩsraelĩ mobabũga bati, Busana nakĩ Omwami Mukulu abĩrĩtwĩtĩra embere syʼAbafĩlĩstĩnĩ kwehĩ? Twende erĩsandũko lyʼerilagana lyʼOmwami Mukulu eSĩlo busana netu, ĩryahĩka omo katĩkatĩ ketu, nʼerĩtũlamya omo byala byʼesyonzĩgũ syetu.

1 Samwelĩ 4:3 Iomraidhean Croise

2 Samwelĩ 15:25

Kandi omwami mwabũga na Zadokĩ, ati, Mũsũbaye erĩsandũko lya Nyamuhanga lyʼeka. Namabana eriganyira omo meso wʼOmwami Mukulu, akandĩsyanyĩsũbũlya, nʼerĩnyĩkangyalyo, nʼaherĩkala liwe.

1 Emyatsi yʼEmigulu 17:1

Neryo omugulu Dawĩdĩ ĩkala omo nyũmba yiwe, Dawĩdĩ mwabwira omũmĩnyererĩ Natana ati, Lebaya, nyĩkere omo nyũmba yʼeMĩerezĩ, nĩkwa erĩsandũko lyʼerilagana lyʼOmwami Mukulu lĩkere omo kĩsũkũlĩryo kyʼolukimba.

Esyonyimbo 74:1

Uwe Nyamuhanga, busana nakĩ wabiritugusa kwehĩ? Wasyahitana oko bandu bawe kera na kera kwehĩ?

Esyonyimbo 74:11

Wabirigana erĩtũwatĩkya busana nakĩ kwehĩ? Busana nakĩ ũkabĩsa ebyala byawe enyũma kuwe kwehĩ?

Ĩsaya 50:1

Omwami Mukulu akabũga ati, Ebarua yʼerihiga koyo wawe eyo namuhigirako iri hahi kwehĩ? Kutse nabĩrĩbagũlya ukundi oyo wanyibweka kwehĩ? Lebaya, mwagũlĩbawa busana nʼebibi byenyũ, na koyo wenyũ ahigawa busana nʼamalolo wenyũ.

Ĩsaya 58:3

Busana nakĩ twabiritsira akalyo, nawe sulitalangiralyo kwehĩ? Busana nakĩ twabĩrĩyĩkehya, nawe suliminya kwehĩ? Lebaya, oko kiro kyʼeritsira akalyo lyenyũ mukabana ebĩkabatsemesaya, nʼerĩnũbya abakakola emĩbĩrĩ yʼĩnywe bosi.

Ĩsaya 59:1

Lebaya, ebyala byʼOmwami Mukulu sĩbyetakũhĩha uti byangataluka erĩlamya; kutse okũtũ kuwe si kutsiha uti sikwangatoka erĩowa.

Ĩsaya 59:2

Nĩkwa ebibi byenyũ byabiribagaba na Nyamuhanga wenyũ, nʼebibi byenyũ byabĩrĩbĩsa obũsũ buwe ũkwʼĩnywe, kikaleka ĩnĩatowa.

Yeremĩa 3:16

Neryo, mwamabikanya nʼeribya bangi omo kihugo, Omwami Mukulu ati, Oko biro ebyo, sibendisvahula Erĩsandũkũ lyʼerilagana lyʼOmwami Mukulu. Kutse sĩryendĩsyahĩka oko bũlengekanĩa; kutse siryendisyaswibukwayo; kutse sibendisyayĩtsũtsalyo; kutse siryendisyaswabatswa.

Yeremĩa 7:4

Simuyiketere ebĩnywa byʼeriteba muti, Eyĩ nĩ Hekalũ yʼOmwami Mukulu, eHekalũ yʼOmwami Mukulu, eHekalũ yʼOmwami Mukulu.

Emiganzo 10:33

Neryo mobahongoka erĩlolya embere erĩlũa oko kitwa kyʼOmwami Mukulu olugendo lwʼebiro bisatu; nʼerĩsandũkũ lyʼerilaga lyʼOmwami Mukulu molyagenda embere syabo olugendo lwʼebiro bisatu, erĩsonderyabo ahʼeriluhukira.

Emiganzo 10:35

Neryo omugulu erĩsandũkũ lyahongoka, Musa mwabũga ati, Uhangane, Uwe Mwami Mukulu, nʼesyonzĩgũ syawe sipanza-panzawe; nʼabakakũkwa obusu basage embere syawe.

Emiganzo 31:6

Na Musa mwatumabo, elfu nguma yʼobuli kihanda, oko malwa, ibo na Fĩnehasĩ mugala wʼomũhererĩ Eleazarĩ, eriyalwa, haguma nʼebindu byʼahabũyĩrĩre nʼesyongubi busana nʼendulo omo byala biwe.

Eryibuka Ebihano 29:24

Ebihanda byosĩ byasyabũga biti, Busana nakĩ Omwami Mukulu abirikola atya oko kihugo ekĩ kwehĩ? Kwʼerihitana lĩnene eryamaka erĩ ni busana nakĩ kwehĩ?

Eryibuka Ebihano 31:26

Mwĩmaye ekitabu ekĩ kyʼemigambo, mũhĩrekyo oko mũsĩke wʼerĩsandũkũ lyʼendagano yʼOmwami Mukulu Nyamuhanga wenyũ ikyabyaho mo mũlangĩrĩrĩ ũkwʼĩnywe.

2 Timoteo 3:5

bakwamĩre omuhanda wʼekisomo, nĩkwa bakagana obũtokĩ bwakyo. Usage abandu ngʼaba.

AbaEbrania 9:4

Kandi ho habya ekiherero kyʼesyamagetsi ekyʼerĩhĩsya kwʼobukwa, kandi erĩsandũko eryʼendagano eryabiribambwako ehosĩ esyamagetsi. Kandi omo rĩsandũko eryo mwabya akalega kʼesyamagetsi akali mwʼamana, kandi omũtso wa Harũnĩ owalasaya amasasa, nʼehisayi hibiri hyʼamabwe ehyasakawako esyondagane.

Yosũa 4:7

Neryo mwasyabwirabo muti, Kusangwa amagetsi wʼeYorodanĩ mwatũbwa embere syʼerĩsandũko lyʼendagano yʼOmwami Mukulu omugulu lyasoka eYorodanĩ, amagetsi wʼeYorodanĩ mwatũbwa. Nʼamabwe aya asyabya busana nʼekĩbũkyo oko bana ba Ĩsraelĩ kera na kera.

Yosũa 6:6

Kandi Yosũa omugala wa Nũnĩ mwabirikira abahererĩ, mwabwirabo ati, Muheke erĩsandũko lyʼendagano, nʼabahererĩ balinda baheke esyongubi sirinda syʼamahembe wʼesyombangale embere syʼerĩsandũko lyʼOmwami Mukulu.

Yosũa 7:7

Neryo Yosũa mwabũga ati, Ĩlolo, uwe Mukama Mwami Mukulu, busana nakĩ wabĩrĩsokya abandu aba eYorodanĩ, erĩtũhĩra omo byala byʼAbaamorĩ erĩtwĩtĩra eyo kwehĩ? Kumbe twayitsemera nʼerĩĩkala, eyisirya wʼeYorodanĩ!

Yosũa 7:8

Uwe Mukama, ko nasyabũgakĩ kwehĩ, Ĩsraelĩ bamalolya emigongo yabo yʼoko nzĩgũ syabo!

1 Petero 3:21

Omwatsi oyo nĩ kĩsosekanĩo kyʼolũbatĩso busana nʼerilama lyenyũ. Erĩbatĩsya sĩ ʼlũsya lyʼemĩtĩndũ yʼomubiri, nĩkwa ni ʼlaga Nyamuhanga omo bunya-mutima bowene, erĩlamĩbwa busana nʼerĩlũbũka lya Yesu Kristo.

Yuda 1:5

Nomo mũnasĩ emyatsi yosĩ, lino ngasonda erĩbĩbũkya, ngoko Mukama mwalamya bandu omo kihugo kyʼeMĩsĩrĩ, nĩkwa enyũma mwaherya abatĩkĩrĩraya.

1 Samwelĩ 1:24

Neryo abere abĩmũtsĩrĩsya amabere, mwamũhetũkĩryayo, haguma nʼenume yʼemyaka ĩsatu, nʼekitiri kiguma kyʼeyĩsyano, nʼerĩtambya lyʼebĩnyũ, mwamuleta omo nyũmba yʼOmwami Mukulu eSĩlo; nʼomwana oyo abya mulere.

1 Samwelĩ 14:18

Neryo Saũlo mwabwira Ahĩya ati, Ulete hano erĩsandũko lya Nyamuhanga. Kusangwa erĩsandũko lya Nyamuhanga lyabya oko mugulu oyo haguma nʼabana ba Ĩsraelĩ.

1 Samwelĩ 4:2

NʼAbafĩlĩstĩnĩ mobayitondeka erilwa nʼAbaĩsraelĩ; neryo omugulu bayalwa, Abaĩsraelĩ mobakĩndwa embere syʼAbafĩlĩstĩnĩ; mobĩta abandu ba Ĩsraelĩ elfu ĩnĩ (4,000) aho balwira.