1 Samwelĩ 4:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² NʼAbafĩlĩstĩnĩ mobayitondeka erilwa nʼAbaĩsraelĩ; neryo omugulu bayalwa, Abaĩsraelĩ mobakĩndwa embere syʼAbafĩlĩstĩnĩ; mobĩta abandu ba Ĩsraelĩ elfu ĩnĩ (4,000) aho balwira.

1 Samwelĩ 4:2 Iomraidhean Croise

Ekiriro 3:40

Tũsonda-sondaye esyonzira syetu, Tusube oko Mwami Mukulu.

Abalawĩ 26:37

Kandi basyatwĩkalanako, ngʼabandu abakasaga omũyalĩ, ahate oyukakwamabo; kandi isimwendisyabya nʼamaka erihangana embere wʼesyonzĩgũ syenyũ.

Emiganzo 14:45

Neryo Abaamalekĩ nʼAbanya Kanana mobandagala, ababya bĩkere omo kihugo ekyo kyʼebitwa, mobaswĩryabo, mobaswĩryabo ahisi erĩhĩka eHorma.

Yosũa 7:12

Kyalekĩre abana ba Ĩsraelĩ ibataluka erihangana embere syʼesyonzĩgũ syabo; bakalolaya emigongo yabo embere syʼesyonzĩgũ syabo, kusangwa babiritakirwa. Sindiendisyabya haguma nenyũ kandi mwamatĩndaherya ebindu ebĩtakĩrwe erĩlũa omo katĩkatĩ kenyũ.

1 Samwelĩ 17:21

NʼAbaĩsraelĩ nʼAbafĩlĩstĩnĩ nabo mobayitondeka oko malwa, omulondo erilwa nʼomulondo.

1 Samwelĩ 17:8

Neryo mwimana mwabirikira oko milondo ya Ĩsraelĩ, ati, Ko muliasyateka endeko yʼamalwa busana nakĩ kwehĩ? Ko ĩngye Sindi Mũfĩlĩstĩnĩ nenyũ Simuli bagombe ba Saũlo kwehĩ? Muyisombolere omundu, anyandagalireko.

1 Samwelĩ 4:1

Nʼekĩnywa kya Samwelĩ mokyahĩka oko Baĩsraelĩ bosĩ. NʼAbaĩsraelĩ mobayalwa nʼAbafĩlĩstĩnĩ, mobahanda ekilaliriro emũsĩke wʼeEbenĩ-ezerĩ, nʼAbafĩlĩstĩnĩ mobahanda ekilaliriro eAfekĩ.

1 Samwelĩ 4:10

NʼAbafĩlĩstĩnĩ mobalwa, nʼAbaĩsraelĩ mobasĩngwa mobatibita obuli mundu omo hema yiwe; kandi mohabya erĩkwa ĩnene; kusangwa oko Baĩsraelĩ mohawa bandu elfu makũmĩ asatu (30,000) abakagenda omo bisando.

1 Samwelĩ 4:3

Nʼomugulu abandu bahĩka oko kilaliriro, abakulu bʼAbaĩsraelĩ mobabũga bati, Busana nakĩ Omwami Mukulu abĩrĩtwĩtĩra embere syʼAbafĩlĩstĩnĩ kwehĩ? Twende erĩsandũko lyʼerilagana lyʼOmwami Mukulu eSĩlo busana netu, ĩryahĩka omo katĩkatĩ ketu, nʼerĩtũlamya omo byala byʼesyonzĩgũ syetu.