1 Samwelĩ 4:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ NʼAbafĩlĩstĩnĩ mobalwa, nʼAbaĩsraelĩ mobasĩngwa mobatibita obuli mundu omo hema yiwe; kandi mohabya erĩkwa ĩnene; kusangwa oko Baĩsraelĩ mohawa bandu elfu makũmĩ asatu (30,000) abakagenda omo bisando.

1 Samwelĩ 4:10 Iomraidhean Croise

2 Samwelĩ 18:17

Neryo mobĩmya Abũsaloma, mobamugusa omo buhya bunene omo mũsĩtũ, mobamulunda kwʼekilundo kinene kyʼamabwe; nʼAbaĩsraelĩ bosĩ mobatibita obuli mundu omo hema yiwe.

2 Samwelĩ 18:7

Nʼabandu ba Ĩsraelĩ mobakĩndĩrwaho embere syʼabagombe ba Dawĩdĩ mohabya erĩkwa lĩnene aho ekiro ekyo, abandu elfu makũmĩ abiri mobahola (20,000).

2 Samwelĩ 19:8

Neryo omwami mwahangana, mwĩkala oko lũkyo. Neryo omugulu babwira abandu bati, Lebaya, omwami ĩkere oko lũkyo; neryo abandu bosĩ mobahĩka embere syʼomwami. Nĩkwa Abaĩsraelĩ babya ibabiritibita obuli mundu omo hema yiwe.

2 Samwelĩ 20:1

Kandi mohahuluka omundu mutya-mutya, erĩna liwe iyo Seba mugala wa Bĩkũrĩ, Omũbenyamĩna; naye mwabuha engubi, ati, Situli nʼoluhande na Dawĩdĩ, kutse situwite omwandu uku mugala wa Yese; ĩnywe Baĩsraelĩ, obuli mundu aye omo hema yiwe.

1 Abami 12:16

Neryo omugulu Abaĩsraelĩ bosĩ balangira ngoko mwami sĩalĩtowabo, abandu mobasũbĩrya omwami bati, Tuwite erĩgabo lyahi uku Dawĩdĩ kwehĩ? Kandi situwite mwandu uku mugala wa Yese; ĩnywe Baĩsraelĩ, muye omo mahema wenyũ; na lino, uwe Dawĩdĩ, Ũlebaye ekĩtũnga kyawe ĩkyokyene. Neryo Abaĩsraelĩ mobasuba omo mahema wabo.

1 Abami 22:36

Neryo mohabya eribirikira omo mulondo gosĩ omo malengera bati, Obuli mundu aye oko mũyĩ wuwe, nʼobuli mundu oko kihugo kiwe.

2 Abami 14:12

Neryo Ĩsraelĩ mwakĩnda Yũda; neryo mobatibita obuli mundu omo hema yiwe.

2 Emyatsi yʼEmigulu 13:17

Na Abĩya nʼabandu buwe mobakĩndabo nʼerĩĩta lĩnene; kyaleka abalume abayisogawa ba Ĩsraeli ĩbakwa elfu magana atanu (500,000).

2 Emyatsi yʼEmigulu 25:22

Na Yũda mwasĩngwa embere sya Ĩsraelĩ; nʼobuli mundu mwatibita omo hema yiwe.

Esyonyimbo 78:9

Abana ba Efũraĩmũ, abalwa omo mata nʼemisoha, Mobatswa oko kiro kyʼamalwa.

Yeremĩa 7:12

Nĩkwa lino muye aho wage ahabya eSĩlo aho natsũka erĩĩkalya erĩna lyage, mũlebaye ekyo nabirikolaho busana nʼebibi byʼabandu bage Ĩsraelĩ.

Abalawĩ 26:17

Nasyabahĩnĩra, nenyũ mwasyĩtwa embere wʼesyonzĩgũ syenyũ; nʼabakabakwa obusu basyabatabalako; kandi mwasyatibita omugulu hate mundu oyukabatibitako.

Eryibuka Ebihano 28:15

Nĩkwa mwamatindahulikirira omulenge wʼOmwami Mukulu Nyamuhanga wenyũ, erikwamirira erikola ebihano biwe byosĩ nʼemigambo yiwe eyo ngababwira mũnabwĩre, neryo amatakire gosĩ aya asyabahĩkako, nʼeribatanga.

Eryibuka Ebihano 28:25

Omwami Mukulu asyabaswĩrĩrya embere wʼesyonzĩgũ syenyũ; mwasyahuluka omo nzira nguma, nʼerisagira omo syonzira sirinda; kandi mwasyagusangwa eyĩ nʼeyĩ omo katĩkatĩ kʼamami gosĩ wʼekihugo.

1 Samwelĩ 3:11

Neryo Omwami Mukulu mwabwira Samwelĩ ati, Lebaya, nasyakola omwatsi omo Ĩsraelĩ, amatwĩ abiri gosĩ wʼabandu bosĩ abakowago asyatunayira.

1 Samwelĩ 4:2

NʼAbafĩlĩstĩnĩ mobayitondeka erilwa nʼAbaĩsraelĩ; neryo omugulu bayalwa, Abaĩsraelĩ mobakĩndwa embere syʼAbafĩlĩstĩnĩ; mobĩta abandu ba Ĩsraelĩ elfu ĩnĩ (4,000) aho balwira.