1 Samwelĩ 30:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Neryo Dawĩdĩ mwabũlya Omwami Mukulu ati, Nyikwame omulondo oyũ kwehĩ? Ngandĩhĩka kubo kwehĩ? Naye mwamũsũbĩrya, ati, Kwamabo; kusangwa kwenene ũkandĩhĩka kubo, kandi kwenene wasyaswabana ebyosĩ.

1 Samwelĩ 30:8 Iomraidhean Croise

Enzũko 14:16

Neryo mwasũbũlya ebindu byosĩ, mwaleta mugala wabo ye Lotĩ, nʼebindu biwe, nʼabakalĩ, nʼabandu.

2 Samwelĩ 5:19

Neryo Dawĩdĩ mwabũlya Omwami Mukulu, ati, Nyinahetuke erilwa nʼAbafĩlĩstĩnĩ kwehĩ? Unemwendĩsyahĩrabo omo byala byage kwehĩ? Neryo Omwami Mukulu mwabwira Dawĩdĩ ati, Uhetuke; kusangwa kwenene ngandĩsyahĩra Abafĩlĩstĩnĩ omo byala byawe.

2 Samwelĩ 5:23

Neryo omugulu Dawĩdĩ abũlaya Omwami Mukulu, Omwami Mukulu mwabũga ati, Susyehetukiraho; ũtĩmbe enyũma kubo, wasire ebwanga bwʼemiti yʼemitugunda.

Esyonyimbo 50:15

Unyilakire omugulu obũlĩge bũkahĩka; Nasyakũlamya, nawe wasyanyipipa.

Esyonyimbo 91:15

Omugulu bakanyilakira, nasyasũbĩryabo; Omugulu bali omo bũlĩge, nasyabya haguma nabo. Nasyalamyabo nʼerĩsĩkyabo.

Erĩlũayo 15:9

Enzĩgũ moyabũga iti, Ngandikwamirira, ngandĩmweya, ngandigaba ebinyegwa; Erisonda lyage lyasyũgũtĩbwa busana nabo; Ngandikula omũyalĩ wage, Ebyala byage byasyaheryabo.

Emiganzo 27:21

Kandi, asyahangana embere syʼomũhererĩ Eleazarĩ, oyo wasyamũbũlĩrya omwʼitswera lya Ũrĩmũ embere syʼOmwami Mukulu. Omo kihano kiwe basyahuluka, nʼoko kihano kiwe basyingira, iye, nʼabagala ba Ĩsraelĩ, ye ndeko yosĩ.

Abatswerĩ 20:18

Neryo abagala ba Ĩsraelĩ mobahangana, mobahetukira eBetelĩ, mobabũlya Omwami Mukulu; mobabũga bati, Nindi wasyatsũka eriyalwa busana netu nʼabagala ba Benyamĩna kwehĩ? Neryo Omwami Mukulu mwabũga ati, Yũda atsũke.

Abatswerĩ 20:23

Kandi abana ba Ĩsraelĩ mobahetuka eriyalirira embere syʼOmwami Mukulu erĩhĩka omwʼĩgolo-golo; kandĩ mobabũlya Omwami Mukulu bati, Tunagende kandi oko malwa nʼabagala ba Benyamĩna mugala wetu kwehĩ? Neryo Omwami Mukulu mwabũga ati, Uyalwe naye.

Abatswerĩ 20:28

na Fĩnehasĩ, omugala wa Eleazarĩ, omugala wa Harũnĩ, mwimana embere walyo oko biro ebyo) bati, Nyinahongoke kandi eriyalwa nʼabagala ba Benyamĩna omugala wetu, kutse nyũmbaye kwehĩ? Omwami Mukulu mwabũga ati, Hetuka; kusangwa omo ngyakya nasyamũhĩra omo byala byawe.

Abatswerĩ 8:4

Neryo Gĩdeonĩ mwahĩka eYorodanĩ, mwasokera eyisirya, iye nʼabandu magana asatu (300) ababya haguma naye, ibamabiluha, nĩkwa ibakinakwamirira.

1 Samwelĩ 10:22

Kyaleka ĩbabũlya Omwami Mukulu kandi, bati, Hane mundu oyute wahĩka hano kwehĩ? Neryo Omwami Mukulu mwasũbĩrya ati, Lebaya abĩrĩyĩbĩsa omo miheke.

1 Samwelĩ 14:37

Neryo Saũlo mwabũlya Nyamuhanga, ati, Nyandagale erikwama Abafĩlĩstĩnĩ kwehĩ? Ũnemwendĩhĩrabo omo byala byʼAbaĩsraelĩ kwehĩ? Nĩkwa mwatamũsũbĩrya oko kiro ekyo.

1 Samwelĩ 23:2

Neryo Dawĩdĩ mwabũlya Omwami Mukulu, ati, Ko nyiyeyo nʼerilwa nʼAbafĩlĩstĩnĩ aba kwehĩ? Neryo Omwami Mukulu mwabwira Dawĩdĩ ati, Ugende Uyalwe nʼAbafĩlĩstĩnĩ, ũlamaye eKeĩla.

1 Samwelĩ 23:4

Neryo kandi Dawĩdĩ mwabũlya Omwami Mukulu. NʼOmwami Mukulu mwamũsũbĩrya ati, Hangana wandagalire eKeĩla; kusangwa ngandĩhĩra Abafĩlĩstĩnĩ bʼomo byala byawe.

1 Samwelĩ 28:6

Nʼomugulu Saũlo abũlaya Omwami Mukulu, Omwami Mukulu mwatamũsũbĩrya, kutse nʼomo nzolĩ, kutse omo Ũrĩmũ, kutse nʼomo bamĩnyererĩ.

1 Samwelĩ 30:18

Neryo Dawĩdĩ mwabũnũla ebyosĩ ebyo Abamalekĩ banyega; kandi Dawĩdĩ mwanyegũlya abakalĩ buwe babiri.

1 Samwelĩ 30:19

Kandi mohatatala kindu nʼekiguma, kike kutse kinene, kutse bagala, kutse bali, kutse eminyego, kutse kindu bahũnga busana nabo; Dawĩdĩ mwasũbũlya ebyosĩ.