1 Samwelĩ 3:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Kyaleka Elĩ iniabwira Samwelĩ ati, Genda ugotsere; neryo amasyakubirikira, ĩwabũga uti, Ũbũge, Mwami Mukulu; kusangwa omugombe wawe anahũlĩkĩrĩre. Neryo Samwelĩ mwayagotsera aho wuwe.

1 Samwelĩ 3:9 Iomraidhean Croise

Esyonyimbo 85:8

Nyĩnemowa ebyo Nyamuhanga Omwami Mukulu akabũga; Akabũga Obuholo kwĩtwe, abandu buwe nʼabagombe buwe, Twamatendisuba omo bũkĩrũ bwʼesyonzira syetu.

Esyonyimbo 85:9

Kwenene asĩkĩre erĩlamya abakamukenga, Nʼolukengerwa luwe lũsĩgale omo kihugo kyetu.

Erĩlũayo 20:19

Mobabwira Musa bati, Uwe ũbũge netu, netu tũkandĩowa; nĩkwa Nyamuhanga sĩabũge netu, tukasyahola.

Ĩsaya 6:8

Neryo monowa omulenge wʼOmwami Mukulu ati, Nganditumandi, nandi akanditugendera kwehĩ? Neryo monabũga nyiti, Ĩngye yono hano. Unyitume!

Danĩelĩ 10:19

Neryo mwabũga ati, Uwe mundu oyũsĩmĩrwe kutsibu, Sigubahe. Ubye nʼobuholo; ũsĩke nʼamaka, ega, uhande omutima! Nʼomugulu abũga nage, monabana amaka, monabũga nyiti, omukama wage abũge; kusangwa wamanyiha amaka.

Emibiri 9:6

Nĩkwa uhangane, wingire omo mũyĩ, nʼeyo wasyabwirwa ebyo utolere iwakola.

Yosũa 5:14

Naye mwabũga ati, Iyihi; nĩkwa namasa ngʼomunya-mwami wʼemilondo yʼOmwami Mukulu. Neryo Yosũa mũnamya obũsũ buwe bʼoko kitaka, kandi mwaramya, mwabũga naye ati, Omukama wage akabũgakĩ nʼomugombe wuwe kwehĩ?

1 Samwelĩ 3:10

Neryo Omwami Mukulu mwasa, mwahangana, mwabirikira ngoko abya akabirikira ati, Samwelĩ, Samwelĩ. Neryo Samwelĩ mwabũga ati, Ũbũge, kusangwa omugombe wawe anowĩre.

1 Samwelĩ 3:8

Neryo Omwami Mukulu mwabirikira Samwelĩ kandi engendo yʼakasatu. Neryo Samwelĩ mwahangana mwaya eyiri Elĩ mwabũga ati, Nandi hano; kusangwa uliambirikira. Neryo Elĩ mwaminya Omwami Mukulu ko yuliabirikira omwana.