1 Samwelĩ 3:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Neryo oko mugulu oyo, Elĩ abere abigotsera aho wuwe nĩkwa ameso wuwe ĩnĩabĩrĩtsũka erĩrĩbana, isiakitoka erilangira ndeke,

1 Samwelĩ 3:2 Iomraidhean Croise

Enzũko 27:1

Neryo Ĩsaka abere abibya mũsyakulu, nʼameso wuwe isiakilangira ndeke, mwabirikira mugala wuwe wʼerĩmbere, Esaũ, mwamubwira ati, Mugala wage. Naye mwamũsũbĩrya ati, Nandi hano.

Enzũko 48:10

Nĩkwa ameso wa Ĩsraelĩ iniamabikula busana nʼobũsyakulu, neryo isiakitoka erilangira. Neryo Yosefũ mwatũndabo hakũhĩ naye, naye mwalyatsirirabo, mwabagalirabo.

Enzũko 48:19

Neryo tata wuwe mwagana, mwabũga ati, Nyĩnasĩ, mugala wage, nyĩnasĩ. Naye nibya anemwendisyabya kihanda, nibya asyabya mukulu, nĩkwa omugala wabo Omulere asyabya mukulu kwiye, nʼabana buwe basyabya bihanda bingi.

1 Abami 14:4

Nʼomũkalĩ wa Yeroboamũ mwakola atya, neryo mwahangana mwaya eSĩlo, mwahĩka oko nyũmba ya Ahĩya. Nĩkwa Ahĩya isialitoka erilangira; kusangwa ameso wuwe iniabirikala busana nʼobukulu buwe.

Esyonyimbo 90:10

Emyaka yetu nĩ makũmĩ alinda; Kutse twamabya nʼamaka iyabya makũmĩ munani; Nĩkwa ikatuletera amaganĩryo nʼobũlĩge; Neryo engebe ikahwa, itwagenda.

Omũgambũlĩ 12:3

oko kiro ekyo abateya bʼenyũmba basyatitimana, nʼesyombangĩ sĩkũnama, nʼabakaswa bakahangana buyira kusangwa ni bake, nʼabandu abakasamalira eyĩhya omo lĩdĩrĩsa basyahĩrwa kwʼomwĩrĩmya,

1 Samwelĩ 2:22

Nĩkwa Elĩ abya mũsyakulu kutsibu; neryo mowa ebyosĩ ebyo bagala buwe bakolera Abaĩsraelĩ bosĩ, kandi ngoko bagotsera nʼabakalĩ abakolĩ bʼoko lũkyo lwʼeHema yʼerĩhĩndanamo.

1 Samwelĩ 4:15

Nĩkwa Elĩ abya wʼemyaka makũmĩ mwenda nʼomunani; nʼameso wuwe ĩnĩabĩrĩrĩbana, isiakitoka erilangira.