1 Samwelĩ 3:19 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁹ Neryo Samwelĩ mwakula, nʼOmwami Mukulu mwabya haguma naye, mwataleka ekĩnywa kiwe nʼekiguma kikabulirana.

1 Samwelĩ 3:19 Iomraidhean Croise

Enzũko 21:22

Neryo mokyabya oko mugulu oyo, Abĩmelekĩ na Fĩkolĩ, omukulu wʼemilondo yiwe, mobabũga na Abrahamũ bati, Nyamuhanga ali haguma nawe omo byosĩ ukakola,

Enzũko 28:15

Neryo, talebaya, indi haguma nawe, nasyakũteya ehosĩ wasyaya, nasyakũsũbya omo kihugo ekĩ kandi; kusangwa sindiendĩsyakũsĩganĩa nde nabikola ebyo nakubwira.

Enzũko 39:2

Nĩkwa Omwami Mukulu abya haguma na Yosefũ, neryo mwabya mundu wʼomũyĩsa. Kandi mwabya omo nyũmba yʼomukama wuwe Omunya Mĩsĩrĩ.

Enzũko 39:3

Omukama wuwe Potĩfarĩ mwalangira ngoko Mwami Mukulu abya haguma na Yosefũ, nʼakandi ngoko Mwami Mukulu mwatsumula ebyosĩ akola omo byala biwe.

1 Abami 8:56

Omũyĩsa abye oko Mwami Mukulu, oyo wabiriha abandu buwe Abaĩsraelĩ eriluhuka, ngʼebyosĩ alaga. Mohatabula nʼekĩnywa nʼekiguma omwʼilaga liwe libuya lyosĩ, eryo alaga uku Musa omugombe wuwe.

2 Abami 10:10

Muminye lino ngoko sihali kĩnywa nʼekiguma kyʼOmwami Mukulu ekikandisyatala, ekyo Mwami Mukulu abũga busana nʼekĩtũnga kya Ahabũ; kusangwa Omwami Mukulu abirikola ebyo abũga omo mugombe wuwe Elĩya.

2 Abami 15:12

Ekĩ kye kĩnywa Omwami Mukulu abwira Yehũ, ati, Abagala bawe basyĩkala oko kĩtũmbĩ kyʼobwami kya Ĩsraelĩ erĩhĩka oko lulengo lwʼakani, nʼekyo mokyabererera kitya.

2 Abami 22:16

Omwami Mukulu amabũga ati, Lebaya, ngandisyaleta ekibi kyo hano, nʼoko syondũlanĩ syaho, bye bĩnywa byosĩ byʼekitabu ekyo mwami wʼeYũda aliasoma.

Ĩsaya 43:2

Omugulu ukalaba omo magetsi, nasyabya haguma nawe, nʼerilaba omo syonyũsĩ, sisyendisyakubwayirako. Omugulu ukalaba omo muliro siwendisyahya, kutse ekirimi kyʼomuliro sĩkyendĩsyakũhĩsya.

Ĩsaya 44:26

ĩngahanganaya ekĩnywa kyʼomugombe wawe, nʼerĩberererya erĩyĩsũnza lyʼabakwenda buwe. Nĩ ngye ngahula eYerũsalema nyiti, Asyĩkalwamo! Na busana nʼemĩyĩ ya Yũda nyiti, Yasyahĩmbwa. Kandi nasyaswahanganĩa omulala wayo.

Ĩsaya 55:11

Ekĩnywa ekikahuluka omo buno bwage ko kikandisyabya kitya. Sikyendisyanyisubako buyira kite kyakola ebyo nyanzĩre, kandi kite kyabererererya omwatsi umwʼekyo natumirakyo.

Matayo 1:23

Lebaya, omumbesa asyaheka obukule, asyabuta omugala, nʼerĩna liwe lyasyahulwa mo Emanuelĩ, nĩʼbũga ambu: Nyamuhanga haguma netu.

Luka 1:28

Omũlaĩka oyo mwahĩka uku Marĩa mwamubwira ati, Wabũkĩre, uwe mutsumulwa. Omukama ali haguma nawe.

Luka 1:80

Nʼomwana mwakula omo mubiri nʼeribya nʼamaka omo kĩrĩmũ kiwe; neryo mwasiba omo mbwarara erĩhĩka oko kiro ahuluka embere sya Ĩsraelĩ.

Luka 2:40

Nʼomwana oyo mwakula mwabya nʼamaka; kandi, mwabya nʼamenge manene, kandi omũyĩsa wa Nyamuhanga abya haguma naye.

Luka 2:52

Neryo Yesu musuka, oko mubiri nʼomo menge, ĩnĩakasĩmawa na Nyamuhanga nʼabandu.

2 AbanyaKorinto 13:11

Neryo balĩkyetu, Obuholo! Mukwame erĩhĩkana, mowe ebyo ngabũga; mubye nʼobũlengekanĩa buguma, musibe buholo; na Nyamuhanga wʼolwanzo nʼowʼobuholo asyabya haguma nenyũ.

2 AbanyaKorinto 13:14

Olukogo lwʼOmukama Yesu Kristo, nʼolwanzo lwa Nyamuhanga, nʼerĩsĩbĩkya lyʼOmũlĩmũ Abũyĩrĩre, bibye nʼĩnywe bosĩ.

Eryibuka Ebihano 18:22

Omugulu omũmĩnyererĩ akabũga omo lĩna lyʼOmwami Mukulu, omwatsi oyo amatindabererera, kutse erĩhĩka kwenene, ekyo ni kindu ekyo Mwami Mukulu atabũga. Omũmĩnyererĩ oyo abĩrĩbũga nʼepono; Sigumubahe.

2 Timoteo 4:22

Omukama abye nʼomutima wawe. Olukogo lwa Nyamuhanga lubye nʼĩnywe bosĩ.

Yosũa 21:45

Mohatabula erilaga nʼeriguma Ĩyowene eryo Mwami Mukulu abũga oko nyũmba ya Ĩsraelĩ; ebyosĩ mobyabererera.

Abatswerĩ 13:24

Neryo omũkalĩ oyo mwabuta omugala, mwahula erĩna liwe mo Samũsonĩ; nʼomwana oyo mwakula, kandi Omwami Mukulu mwamutsumula.

1 Samwelĩ 10:7

Neryo omugulu ebiminyikalo ebĩ byamabĩkũhĩkako, Ukole ngʼekyamakwanguhira; kusangwa Nyamuhanga ali haguma nawe.

1 Samwelĩ 12:2

Na lino, omwami akagenda embere syenyũ; nĩkwa ĩngye namabibya mũsyakulu wʼesyombwĩ; kandi lebaya, abagala bage bali haguma nenyũ. Nage nabirirendera embere syenyũ erĩtsũka omo bũlwana bwage erĩhĩka mũnabwĩre.

1 Samwelĩ 16:18

Neryo omũlwana muguma mwasũbĩrya ati, Talebaya, nabirilangira mugala wa Yese Munya Betelehemũ, asĩ eriwatayo ndeke, kandi nĩ mbangĩ yʼamaka, kandi ni mundu wʼamalwa, kandi nĩ mbũyĩ, nʼomundu mubuya; kandi Omwami Mukulu ali haguma naye.

1 Samwelĩ 18:12

Kandi Saũlo mubaha Dawĩdĩ, kusangwa Omwami Mukulu abya haguma naye, ĩnĩabĩrĩlũa uku Saũlo.

1 Samwelĩ 18:14

Kandi Dawĩdĩ mwayitondeka ndeke omo nzira siwe syosĩ; kusangwa Omwami Mukulu abya haguma naye.

1 Samwelĩ 18:5

Neryo Dawĩdĩ mwaya ehosĩ ko Saũlo amutuma, ĩnĩanayĩtondekĩre ndeke. Kandi Saũlo mwamuyira mo mukulu wʼabalume bʼamalwa, nʼekyo mokyatsemesya ameso wʼabandu bosĩ, nʼameso wʼabagombe ba Saũlo nibya.

1 Samwelĩ 2:21

Kandi Omwami Mukulu mwasyalũngũlĩra Hana, naye mwaheka amakule, mwabuta abagala basatu nʼabali babiri. Nʼomwana ye Samwelĩ mwakulira embere syʼOmwami Mukulu.

1 Samwelĩ 2:26

Nʼomwana ye Samwelĩ mwakula, kandi mwakanya omwʼĩsĩmwa nʼOmwami Mukulu nʼabandu nibya.

1 Samwelĩ 9:6

Neryo mugombe mwamubwira ati, Lebaya lino, omo mũyĩ oyũ muli omundu wa Nyamuhanga, naye ni mundu oyũsĩkĩbwe; ebyosĩ akabũga bikabererera kwenene; neryo tuyeyo; kwamũhwa anganatoka eritubwira omwatsi wʼolugendo lwetu olo tuliko.